Қорынттықтарға 2-хат 7:1—16
7 Ендеше, қымбатты бауырластар, бізге осындай уәделер берілгендіктен+, тәніміз бен рухымызды арамдайтын барлық нәрседен өзімізді тазартайық+. Осылай Құдайдан қорқа отырып, қасиетті бола түсейік.
2 Жүректеріңнен бізге орын беріңдер+. Біз ешкімге жамандық та, зияндық та жасаған жоқпыз, өз пайдамыз үшін ешкімді алдаған да емеспіз+.
3 Мұны сендерді айыптайын деп айтып тұрғаным жоқ. Өйткені, алдында айтқанымдай, сендер біздің жүрегіміздесіңдер. Сондықтан өлсек те, өмір сүрсек те жүрегімізде қаласыңдар.
4 Сендерге барынша еркін сөйлей аламын. Өздеріңді қатты мақтан тұтамын. Көңілім зор жұбаныш тапты, бар қиындықтарымызға қарамай, қуанышым қойныма сыймайды+.
5 Македонияға келгенде+, жанымыз да, тәніміз де тыным таппай, жан-жақтан қысым-қыспақ көрумен болдық: сырттан — қатты қарсылық, ішімізде — үрей-қорқыныш.
6 Әйтсе де еңсесі түскендерді жұбататын Құдай+ бізді Титтің келуімен жұбатты.
7 Келуімен ғана емес, өздеріңнен алған жұбанышы арқылы да жұбатты. Ол сендердің мені сағынғандарың, қатты қайғырып, мені уайымдап жүргендерің туралы хабар әкелді. Сонда мен бұрынғыдан да қатты қуандым.
8 Егер жазған хатыммен сендерді мұңайтқан болсам+, мұныма өкінбеймін. Тіпті бастапқыда өкінсем де (сол хат сендерді мұңайтса да, уақытша ғана мұңайтқанын көріп тұрмын),
9 қазір қуанамын. Мұңайғандарыңа емес, бұның өкінуге талпындырғанына қуанамын. Өйткені мұңайғандарың Құдайға ұнамды болды, осылайша бізден еш зиян көрмедіңдер.
10 Құдайға ұнамды мұң адамды өкінуге талпындырып, құтқарылуға жеткізеді. Ал бұған өкінудің қажеті жоқ+. Осы дүниеге тән мұң болса өлімге апарады.
11 Құдайға ұнамды мұңның нәтижесіне қараңдаршы: неткен зор ықылас, тазару, жамандыққа деген наразылық, Құдай алдындағы қорқыныш, ынта, құлшыныс, неткен керемет түзету+! Осы мәселеде таза екендеріңді жан-жақты көрсеттіңдер.
12 Ал мен сол хатты бұрыс қылық жасаған+ не жапа шеккен адам үшін емес, сендердің сөзімізге құлақ асуды қатты қалайтындарың өз араларыңда да, Құдай алдында да көрінсін деп жаздым.
13 Сондықтан да көңіліміз жұбаныш тапты.
Жұбанумен қатар, Титтің қуанышын көріп, одан бетер қуандық. Өйткені барлығың да оның рухын сергіттіңдер.
14 Егер мен оған сендерді айтып мақтанған болсам, ұятқа қалған жоқпын. Өздеріңе айтқанымыздың бәрі рас болғанындай, Титке мақтанғанымыз да рас болып шықты.
15 Бәріңнің қалай мойынсұнып+, қалай зор құрмет көрсеткендеріңді есіне алған сайын, оның сендерге деген жылы сезімі күшейе түсуде.
16 Мен қай істе де сендерге сенім арта алатыныма қуанамын*.
Сілтемелер
^ Мүмкін: “Сендердің істеріңнің арқасында жігерлене алатыныма қуанамын”.
