СІЗ Патшалық сарайына кірдіңіз де, оны танымай қалдыңыз: ол жапа шеккендерге көмек көрсету орталығына айналыпты. Бірнеше жыл бұрын өзіңіз құрылысына қатысқан бұл Сарайды сіз үнемі мақтан тұтатынсыз. Ал енді мақтанышыңызға мақтаныш қосылды.

Сіз тұратын аймақ жақында болған дауыл мен селден қатты жапа шеккен еді. Филиал комитеті зардап шеккендерге азық-түлік, киім-кешек, ауызсу сияқты заттар жеткізу үшін тез арада шара қолданды. Гуманитарлық көмек Патшалық сарайына тап-тұйнақтай етіп жиналыпты. Бауырластар келіп, қажеттерін алып жатыр. Біразының қуанғаннан көздеріне жас үйірілуде.

Иса шәкірттерінің өзара сүйіспеншілігімен ерекшеленетінін айтқан (Жох. 13:34, 35). Бұл бөлімде біз құрылыс және зардап шеккендерге көмек көрсету ісінде Ехоба куәгерлерінің сүйіспеншілігі қалай көрініс табатынын қарастырамыз. Мұндай сүйіспеншілік — Патшамыз Исаның басшылығымен өмір сүріп жатқанымыздың белгісі.