Бүгінде Ехоба куәгерлері рухани ас-суды электронды түрде бұрынғыдан да көп шығаруда. Өкінішке қарай, дүниенің көп бөлігінде бауырластардың интернетке қосылуға мүмкіндігі жоқ. Ал өзгелері электр жарығы жиі өшетін, интернет жай істейтін я мүлдем жоқ жерлерде тұрады.

 Соған қарамастан көптеген бауырластарымыз интернетке қосылмай-ақ осы электронды басылымдарымызды жүктеп алуда. Бұл ненің арқасында мүмкін болды? JW Box қорапшасының.

 JW Box қорапшасы интернет жоқ не нашар істейтін жердегі бауырластарға арналған. Бұл қорапшада Wi-Fi роутер бар, ол коммерциялық фирмадан сатып алынған. Ал бағдарламасын Бетелдегі компьютер бөлімі жасаған. Сондай-ақ ішіне jw.org сайтымыздағы электронды әдебиеттер мен видеолар жүктелген. Бір қорапша шамамен 75 АҚШ доллары тұрады.

 Патшалық сарайына келгенде, бауырластар өздерінің электронды құрылғыларымен вай-фай арқылы осы JW Box қорапшасына қосылады. Олардың құрылғылары тіпті арзан, ескі болса да, басылымдарды жүктей алады. Егер интернет болмаса, қорапшадағы мәліметті қалай жаңартып тұруға болады? Бұл үшін филиал ара-тұра USB флешкаларды жіберіп тұрады. Құны 4 АҚШ доллары тұратын бұл флешкаға jw.org сайтындағы жаңа шыққан әдебиеттер мен видеолар жүктеледі. Кейін бұл мәліметтер JW Box қорапшасына жүктеледі.

 JW Box қорапшасы бауырластарға қандай пайдасын тигізіп жатыр? Конго Демократиялық Республикасында тұратын Нэйтон Адруандра дейтін бір отағасы былай дейді: “Мен “Уа, Ехоба... өзіңе сенім артамын” және “Лұттың әйелін есте ұстайық” деген фильмдерді жүктеп алуға қанша рет тырыстым. Бірақ түк шықпай, көңілім қатты түсті. Ал қазір осы видеоларды телефоныма оп-оңай жүктей алдым. Енді балаларымызды тәрбиелеу үшін бізде керектінің бәрі бар”.

 Ал Нигериядағы қауымдарға JW Box қорапшасын орнатуға көмектесіп жүрген бір ер бауырлас болса былай деп ой бөлісті: “Бауырластар JW Box қорапшасын Ехоба берген ерекше сыйлық деп біледі. Олар “Тәлім беру құралдарындағы” әдебиеттер мен видеоларды оңай жүктей алатынына сондай қуанышты!”

 JW Box қорапшасының 1 700 данасы Африкаға, Мұхит аралдары мен Оңтүстік Америка жөнелтілді. Бұл қорапшалар басқа да жердегі қауымдарға жіберіледі деп жоспарлануда. Бұған кетіп жатқан шығынның бәрі қалай өтелуде? Дүниежүзілік ісімізге жасалып жатқан садақалардың есебінен. Олардың көбі donate.pr418.com сайты арқылы келіп түседі. Дарқан көңілмен жасап жатқан садақаларыңыз үшін мың да бір рақмет!