БҰЛ НЕЛІКТЕН МАҢЫЗДЫ? Майланғандар мен басқа қойлар барлық адамды “өмір суын тегін” алуға шақырады (Аян 22:17). Бұл бейнелі су адамзатты күнә мен өлімнен азат ететін Ехобаның барлық шараларын білдіреді. Әдет-ғұрыптары мен діни нанымдары әртүрлі адамдарға көмектесу үшін, “мәңгілік ізгі хабарды” жеке әрқайсысына қызықты болатындай жариялау керек (Аян 14:6).

БҰЛ ҮШІН НЕ ІСТЕУ КЕРЕК?

• Сіз тұратын аймақтағы адамдардың жүректеріне жол табатын тақырып пен тармақты таңдаңыз. Осы уақытқа дейін жақсы нәтиже әкелген пікірлесу үлгісін я басқа да ұсыныстарды таңдайтын шығарсыз. Қандай тақырыптар мен тармақтар өтімді? Халықты елең еткізген қандай соңғы жаңалықтар бар? Ер адамдарға не қызық болар еді? Ал әйелдер қауымына ше?

• Сөйлескенде сіз тұратын аймаққа тән амандасу әдебі мен салт-дәстүрді ескеріңіз (Қ2х 6:3, 4).

• Қызығушылық танытқандарға “Тәлім беру құралдарындағы” әдебиеттер мен видеоларды көрсету үшін олармен өзіңіз таныс болыңыз.

• Аймағыңыздағы адамдар сөйлейтін тілдердегі әдебиеттер мен бейнероликтерді алдын ала жүктеп алыңыз.

• Айтатын тақырыбыңызды учаскедегі адамдардың қажетіне сай өзгертіңіз (Қ1х 9:19—23). Мысалы, үй иесінің жақында біреуі қайтыс болғанын білсеңіз, оған не айтар едіңіз?

БЕЙНЕРОЛИКТІ КӨРІП БОЛҒАН СОҢ, КЕЛЕСІ СҰРАҚТАРҒА ЖАУАП БЕРІҢІЗ:

• Жариялаушы үй иесімен қандай тақырыпта сөйлесе бастады?

• Үй иесінде қандай жағдай болды?

• Бұл жағдайда қай жазба орны ең ұтымдысы болды және неге?

• Ұсынысыңыз адамдарға қызықты болу үшін оны қалай бейімдеп жүрсіз?