Мұса Заңы бойынша, ажырасуды ойлап жүрген ер адамнан заңи құжат талап етілетін. Бұндай талап асығыстықпен ажыраса салудың алдын орайтын. Алайда Исаның күндерінде дінбасылар ажырасуды оңайлатып жіберген. Ер адам кез келген себеппен әйелімен ажыраса алатын (nwtsty Мр 10:4, 11-дің зерттеу мәліметтері: “талақ қағазын”, “әйелін тастап”, “бұрынғы әйеліне қатысты неке адалдығын бұзады”). Иса парызшылдарға айтқан жауабында неке құрылымын мақұлдаған да, бастау берген де Ехоба екеніне назар аударды (Мр 10:2—12). Күйеу мен әйел “біртұтас” әрі мәңгілік одақ болу керек. Ажырасуға себеп болатын бір ғана жайт бар, Матайдың жазбасына сай, ол — азғындық (Мт 19:9).

Бүгінде адамдардың көпшілігі ақ некеге Иса сияқты емес, парызшылдар сияқты жеңіл қарайды. Қандай да бір қиындық туа қалса, олар бірден ажырасуды ойлайды. Ал Құдайдың қызметшілері некелік антына үстірт қарамайды, олар қиындықтарды Киелі кітап принциптерінің көмегімен шешуге тырысады. “Сүйіспеншілік пен сыйластық — жарастық сыры” атты бейнероликті көріп болған соң, төмендегі сұрақтарға жауап беріңіз:

• Некеде Нақыл сөздер 15:1-дегі кеңеске қалай құлақ асуға болады және бұл неге маңызды?

• Нақыл сөздер 19:11-дегі кеңес қиындықтарды болғызбауға қалай көмектеседі?

• Некеңіз қыл үстінде тұрса, “ажырасып кетемін” деп ойлаудың орнына қандай сұрақтарды қарастырған жөн?

• Матай 7:12-дегі кеңес жақсы әйел я жақсы күйеу болуға қалай көмектесе алады?