Исраилдіктермен Моаб жазығында болған оқиға — мәсіхшілер үшін ескерту (Қ1х 10:6, 8, 11). Азғын, пұтқа табынатын моабтық әйелдермен араласа бастаған исраилдіктер оларға елігіп, ауыр күнә жасады. Бұл сұмдық қасіретке әкеп соқты (М4ж 25:9). Біздің де айналамызда Ехобаға қызмет етпейтін әріптестер, сыныптастар, көршілер, туыстар мен таныстар бар. Осы оқиғадан білетініміздей, олармен жақын араласатын болсақ, мұның қандай кесірі тиюі мүмкін?

“ӨТКЕННІҢ ҚАТЕЛІГІ — БҮГІНГЕ САБАҚ (ҮЗІНДІ)” ДЕГЕН БЕЙНЕРОЛИКТІ КӨРІП БОЛҒАН СОҢ, КЕЛЕСІ СҰРАҚТАРҒА ЖАУАП БЕРІҢІЗ:

• Зимри мен басқалар Яминге қандай бұрыс пікірлер айтты?

• Пінехес Яминге дұрыс көзқараста болуға қалай көмектесті?

• Сенбейтін адамға достық пейіл танытудың және онымен дос болудың қандай айырмашылығы бар?

• Неге қауымның ішінде де жақын достарды абайлап таңдауымыз керек?

• Неге біз танымайтын адамдардың әлеуметтік желідегі топтарына қосылмауымыз қажет?