Бізде қызметте қолдануға болатын зерттеу сабағы жайлы төрт видео бар. Бұл видеолар қандай мақсатпен шығарылған?

• “Киелі кітапты оқудың қандай пайдасы бар?” (Толық нұсқасы). Бұл видео әртүрлі дінді ұстанатын адамдардың Киелі кітапқа деген қызығушылығын ояту үшін шығарылған. Ол адамдарды Киелі кітапқа жүгініп, маңызды сұрақтарға қисынды жауап алуға шақырады. Сондай-ақ Куәгерлермен Киелі кітапты зерттеу үшін не істеу керектігін түсіндіреді.

• “Киелі кітапты оқудың қандай пайдасы бар?” (Қысқа нұсқасы). Бұл қысқартылған видео толық нұсқаның үштен бір бөлігін құрайды. Адамдардың көп уақыты бола бермейтін аумақтарда бұл видео өте тиімді болуы мүмкін.

• “Киелі кітап зерттеу сабағы қалай өтеді?” Бұл видео адамдардың тегін Киелі кітап зерттеу сабағына деген қызығушылығын оятуға бағытталған. Видеода зерттеу сабағына қатысты жиі қойылатын сұрақтарға жауап беріледі және Куәгерлермен зерттеу сабағын өту үшін не істеу керектігі түсіндіріледі.

• “Құдай Сөзін талқылау сабақтарына қош келдіңіз!” Бұл видео Киелі кітапты зерттеп жүрген адамға көрсету үшін шығарылған. Видео “Мәңгі бақи өмірдің рақатын көріңіз!” кітабының 2-бетінде кездескенімен, сіз оны кітапшаны талқылап жатқан кезде де көрсете аласыз. Видеода кітаптың ішінде қандай тақырыптар талқыланатыны және сабақтар қалай өтетіні түсіндіріледі.

Бұл видеолардың әрқайсысы белгілі бір мақсатта шығарылғанмен, оларды ыңғайы келген кездің бәрінде көрсетуге не жіберуге болады. Жариялаушылар видеолармен жақсылап танысып шығуға және қызметте барынша қолдануға шақырылады.