“Бүгінде Ехоба Құдайдың еркін кім орындауда?” кітапшасы зерттеушімен әр зерттеу сабағының басында не аяғында қарастырып отыруға арналған *. 1—4 тараулар зерттеушіні Ехоба куәгерлерімен таныстырады. Ал 5—14 тараулар оны біздің атқаратын істеріміз жайлы хабардар етеді. 15—28 тараулардан ол біздің ұйым туралы біледі. Негізінде, бұл тарауларды рет-ретімен талқылаған жөн. Алайда зерттеушіні басқа тақырыбы қатты қызықтырып жатса, соны қарастырып кетуге болады. Әр тарау бір бетті ғана алатындықтан, оны бес-он минут ішінде талқылап шығуға болады.

• Тараудың тақырыбындағы сұраққа назар аударыңыз

• Тарауды бірден бастан-аяқ не бөліп-бөліп оқып шығыңыздар

• Оқығандарыңызды талқылаңыздар. Тараудың соңындағы сұрақтарды және суреттерді қолданыңыз. Қажет деп тапқан жазба орындарын оқып, талқылаңыз. Қою қаріппен жазылған тақырыпшалар негізгі тақырыптағы сұраққа жауап беретініне назар аударыңыз.

• “Көбірек білгіңіз келсе” деген қоршау болса, оқып шығып, зерттеушіні сонда айтылғандарды істеуге талпындырыңыз.