БҰЛ НЕЛІКТЕН МАҢЫЗДЫ? Ехобаға ұнамды болу үшін Киелі кітап зерттеушілері оған бағышталып, шомылдыру рәсімінен өтулері керек (Пт1х 3:21). Ал бағышталғаннан кейін, Құдайдың заң-талаптарына сай жүретіндер оның рухани қорғанышына ие болады (Зб 91:1, 2). Біз өмірімізді қандай да бір адамға, іске не ұйымға емес, Ехоба Құдайға бағыштаймыз. Сол себепті зерттеушінің Құдайға деген сүйіспеншілік пен ризашылық дамытқаны маңызды (Рм 14:7, 8).

БҰЛ ҮШІН НЕ ІСТЕУ КЕРЕК?

• Зерттеу барысында қарастырып жатқан мәліметтен Ехоба жайлы не білуге болатынына назар аударған дұрыс. Сондай-ақ Киелі кітапты күнде оқып, Ехобаға үнемі дұға етудің маңызды екенін айтып отырғаныңыз жақсы (Сл1х 5:17; Жқ 4:8).

• Зерттеушіні бағышталу мен шомылдыру рәсімінен өтуді мақсат етуге талпындырыңыз. Сондай-ақ қауымда жауап беру немесе көршілері мен әріптестеріне уағыздау сияқты кішігірім мақсаттарға қол жеткізуге көмектесіңіз. Бірақ Ехоба ешкімді өзіне қызмет етуге мәжбүрлемейтінін ұмытпаңыз. Бағышталу — әр адамның жеке шешімі (М5ж 30:19, 20).

• Ехобаның көңілінен шығып, шомылдыру рәсімінен өтуге лайық болу үшін зерттеушіні қажетті өзгерістер жасауға талпындырыңыз (Н.с 27:11). Бойына сіңген жаман әдеттері мен қандай да бір іс-әрекеттерден арылып, жаңа болмысқа ие болуы үшін зерттеушіге үнемі көмектесіп отыруымыз қажет (Еф 4:22—24). Оған “Күзет мұнарасы” журналының “Киелі кітап адамның өмірін өзгертеді” айдарындағы мақалаларды көрсетсеңіз болады.

• Ехобаға қызмет етуден өзіңіз қандай қуаныш алатыныңызды айтып беріңіз (Иш 48:17, 18).