Алдағы қыркүйек айында арнайы науқан басталады. Сол кезде біз “Мәңгі бақи өмірдің рақатын көріңіз!” кітапшасымен әрбір үй иесіне Киелі кітап зерттеу сабағын ұсынатын боламыз. Сол айда жариялаушылар 30 сағаттық нормамен қосалқы ізашар бола алады. Бұл науқан қалай өтеді?

• Алғаш рет барғанда. Адамның қызығушылығын ояту үшін кітапшаның артқы бетіндегі мәліметті қолданып, зерттеудің қалай өтетінін көрсетіңіз. Қазіргі қайта баруларыңызды да, бір кездері қызығушылық танытқан адамдарды да ұмытып кетпеңіз. Олар бұрын зерттеуден бас тартқан болса да қазір жаңа әдіспен, жаңа кітапшамен зерттеу оларға қызық болуы мүмкін. Үйден таппаған адамдарға кітапшаны қалдырудың қажеті жоқ және бұрын қызықпаған адамдарға бұл кітапшаны хатпен жібермей-ақ қойыңыз. Қауымның Қызмет комитеті сол айда қосымша уағызға арналған кездесулерді ұйымдастыруы мүмкін.

• Басқа да жолдары. Қауымдарыңыз әдебиет арбасымен уағыздайтын болса, онда арбаға “Мәңгі бақи өмірдің рақатын көріңіз!” кітапшасын қойып қойыңыз. Қызығып, арбаға жақындаған адамға бұл кітапшамен тегін Киелі кітап курсы өтетінін де айтыңыз. Сол жерде зерттеудің қалай өтетінін қысқаша көрсетсеңіз болады немесе кейін көрсетуге келіссеңіз болады. Таңдалған жариялаушылар қызмет бақылаушысының ұйымдастыруымен іскерлер аумағына зерттеу сабағын ұсыну үшін жіберілуі мүмкін. Сондай-ақ әріптестеріңізге я бейресми уағыздаған адамдарға зерттеу сабағын ұсынып көрерсіз.

Иса бізге “шәкірттер дайындап”, оларды “үйретуді” өсиет еткен (Мт 28:19, 20). “Мәңгі бақи өмірдің рақатын көріңіз!” кітапшасының көмегімен арнайы науқан кезінде осы мақсатқа жетейік!