Зор алапат жақындап қалғандықтан, уағыз ісі бүгінде кезек күттірмейтін іс болып отыр (Н.с 24:11, 12, 20). Бұл орайда байланыс карталарының көмегімен адамдардың назарын Құдай Сөзіне және біздің веб-сайтымызға аударсақ болады. Картада “Киелі кітапты оқудың қандай пайдасы бар?” бейнеролигіне сілтейтін штрих-код бар және көбірек мағлұмат алуға я Киелі кітап сабағына қатысты өтініш айтуға болатыны жазылған. Әдебиеттерімізді алғысы келмейтін кей адамдар веб-сайтымызға кіруге ықыласты болуы мүмкін. Мұндай адамдарға байланыс картасын беруден тартынбаңыз. Бірақ оны қызығушылық білдірмегендерге берудің қажеті жоқ.

Өз шаруамызбен бір жаққа шыққанда, әлдекімнің қызығушылығын былай оятсақ болады: “Сізге мына картаны берейін деп едім. Мұнда бір жақсы веб-сайттың мекенжайы жазылған. Сайтта әртүрлі тақырыпта тегін мәлімет пен бейнероликтер бар” (Жх 4:7). Байланыс карталары кішкентай болғандықтан, бірнешеуін өзімізбен бірге алып жүрсек болады. Сонда оны мүмкіндік туған кез келген сәтте адамдарға бере аламыз.