Зерттеуші біз беретін тәліммен шектелмей, әлде де көбірек білім ала беру керек. Сонда ғана ол өзінің рухани мұқтаждығын қанағаттандырады және толысқан мәсіхші болады (Мт 5:3; Ев 5:12—6:2). Сондықтан біз зерттеушінің өзіне рухани тамақтануды үйретуіміз керек.

Зерттеушіге о бастан зерттеу сабағына қалай дайындалу керектігін көрсетіп, оны сабаққа дайындалып жүруге талпындырыңыз (mwb18.03 6-б.). Өз бетінше зерттейтін кезде зерттеудің алдында дұға етіп алудың маңыздылығын айтыңыз. Электронды ізденіс құралдарын қолдануды үйретіңіз. Сондай-ақ jw.org пен JW Broadcasting^®-те жаңадан шыққан мәліметтерден қалай хабардар болып отыруға болатынын көрсетіңіз. Зерттеушіге Киелі кітапты күнде оқуды, қауым кездесулеріне дайындалуды, мазалаған сұрақтарына қатысты ізденіс жүргізуді жайлап-жайлап үйрете беріңіз. Оған білгендері жайлы ой жүгіртуге көмектесіңіз.

“КИЕЛІ КІТАПТЫ ЗЕРТТЕУШІЛЕРГЕ КӨМЕКТЕСІҢІЗ: РУХАНИ ТАМАҚТАНУҒА” ДЕГЕН БЕЙНЕРОЛИКТІ КӨРІП БОЛҒАН СОҢ, КЕЛЕСІ СҰРАҚТАРҒА ЖАУАП БЕРІҢІЗ:

• Зерттеуге тек жауаптарды табу ғана кірмейтінін Нита Лараға қалай түсіндірді?

• Ехобаның жыныстық азғындыққа тыйым салғаны дұрыс екенін Лара қалай түсінді?

• Лара терең ойлануға қатысты нені түсінді?