Қараша айында алда тамаша өмірдің болатынын жариялауға ерекше күш саламыз (Зб 37:10, 11; Аян 21:3—5). Уақытыңызды осы науқанға толықтай атсалысатындай етіп жоспарлаңыз. Сол айда қосалқы ізашар болып қызмет еткіңіз келсе, 30 не 50 сағаттық норманы таңдай аласыз.

Мейлінше көп адамға оқып беру үшін жаңа дүние жайлы бір тармақ дайындаңыз. Алдын ала ойланып, аумағыңыздағы адамдарға ұнайды-ау деген тармақты таңдаңыз. Алғаш сөйлескенде адам қызығушылық танытып жатса, 2021 жылғы көпшілікке арналған “Күзет мұнарасының” № 2 санын ұсыныңыз. Кейін мүмкіндігінше тезірек оның қызығушылығын арттырып, “Мәңгі бақи өмірдің рақатын көріңіз!” кітапшасымен зерттеу сабағын бастауға тырысыңыз. “Жақсылық жөнінде хабарды” жариялауға барынша атсалысу зор қуаныш әкелсін! (Иш 52:7).

“ЖАҢА ДҮНИЕГЕ ЖЕТЕЛЕГЕН ҮМІТ” ДЕГЕН БЕЙНЕБАЯНДЫ КӨРГЕН СОҢ, МЫНА СҰРАҚТАРҒА ЖАУАП БЕРІҢІЗ:

• Кішкентай қыз қандай керемет болашақты елестетті?

• Жаңа дүниеде не нәрсені асыға күтесіз?

• Үмітіңіз жайлы ой жүгірткеніңіз қарашадағы науқанға толықтай атсалысуға жүрегіңізді қалай дайындайды? (Лқ 6:45)