БҰЛ НЕЛІКТЕН МАҢЫЗДЫ? Апта сайынғы қауым кездесулерінде бізде “Ехобаға арнап ән айтуға” және “оны мадақтауға” керемет мүмкіндік болады (Зб 149:1). Сондай-ақ кездесулерде біз Құдайдың еркін орындауды үйренеміз (Зб 143:10). Қызығушылық білдірушілер және Киелі кітапты зерттеп жүргендер кездесулерге келе бастаса, тезірек рухани өседі.

БҰЛ ҮШІН НЕ ІСТЕУ КЕРЕК?

• Адамды мүмкіндігінше ертерек шақырғаныңыз жақсы. Зерттеу сабағы тұрақталғанша күтудің қажеті жоқ (Аян 22:17).

• Қызығушылық білдірген адамға алдағы кездесудің қалай өтетінін және онда не талқыланатынын түсіндіріңіз. Бұл орайда келесі құралдардың көмегі зор: “Патшалық сарайында не үшін жиналамыз?” бейнеролигі және “Ехобаның еркі” кітапшасындағы 5 пен 7-інші сабақтар.

• Көмегіңізді ұсыныңыз. Мүмкін, қызығушылық білдірген кісіні кездесуге алып бару керек шығар не оған жиынға лайықты киім таңдауға көмектесу керек болар. Жиналыста қасына отырып, әдебиеттеріңізді оған да көрсетіп отырыңыз. Сондай-ақ оны басқа бауырластармен таныстырғаныңыз жақсы.