JW Library қосымшасын өзіңізге ыңғайлы етудің бірнеше жолы бар. Мысалы, тарауды не мақаланы ашып, экранның жоғарғы жағындағы шарлау үстеліне назар аударайық.

JW Library қосымшасын өзіңізге ыңғайлы ету үшін келесі нұсқауларды орындаңыз:

•  Тілін ауыстыру

•  Мәтінді баптау

•  Сурет не мәтін түрінде көру

•  Басқа жерден ашу

•  Киелі кітаптарды реттеу

Оқып жатқан тараудың не мақаланың тілін ауыстыруға болады.

• Тілдер түймесін бассаңыз, бұл мәліметтің тағы қандай тілдерде бар екенін көре аласыз. Жиі қолданыстағы тілдер тізімнің басына шығып тұрады. “Күзет мұнарасының” жеңілдетілген басылымы да осы жерде тұрады. Керекті тілді теріп те табуға болады.

• Әлі жүктелмеген тілдердегі басылымдардың бұлт белгісі болады. Белгілі бір тілдегі басылымды жүктеу үшін оны басыңыз. Басылым жүктелген соң, бұлт белгісі көрінбей қалады. Басылымды оқу үшін оны қайтадан түртіңіз.

Өзіңізге оқуға ыңғайлы етіп қаріптің көлемін өзгерте аласыз.

Кей басылымдарды сурет не мәтін түрінде қолдануға болады. Оларды мына түймешікті нұқып, ауыстыруға болады.

• Сурет түрі. Сурет түріндегісі басылымның қағазға басылған нұсқасымен бірдей. Мысалы, ноталары бар ән кітабы сияқты басылымдарды сурет түрінде қолдануды қаларсыз.

• Мәтін түрі. Басылымның мәтін түріндегісінде Киелі кітап сілтемелерін нұқып ашуға болады. Олардың қаріп көлемі сіз таңдағандай болады.

Басқа жерден ашу түймесі арқылы JW Library қосымшасындағы мәліметтерді басқа қосымшаларда ашуға болады.

Басылымдағы Киелі кітап сілтемесін түртіп ашуға болады. Жазба орындарының астында орналасқан Реттеу түймесін нұқып, жүктелген Киелі кітаптардың қайсысын тізімде көргіңіз келетінін таңдаңыз.

JW Library қосымшасында басқа Киелі кітап аудармаларын қалай жүктеуге болатыны туралы “Киелі кітаптарды жүктеу және қолдану. Андроид” деген бейнероликті көріңіз.