“Akit qaf­fak­kiar­tor­nerat inuillu aningaasakil­lior­nerat pis­sutigalugit nunarsuaq tamak­kerlugu aningaasaqar­niar­neq nak­kaateriaan­naavoq.” World Bank Group-imi præsidenti 2022-mi juunimi nalunaarusiamini taama allap­poq.

 Inter­national Monetary Fund ima allap­poq: “Orsus­sat inuus­sutis­sallu akitsorsimap­put, taman­nalu inun­nut nunani piitsoqarfim­miit­tunut kingunipiloqar­poq.”

 Biibili iluaqutigalugu paasisin­naavar­put aningaasatigut sooq taama ajor­nar­torsiuteqar­tigisoq, tamanna qanoq naam­magalugu atorsin­naagip­put aamma aaqin­neqar­nis­saanik qanoq neriuutis­saqar­nersoq.

•   Biibilimi pif­fis­saq inuuf­figisar­put ‘ullunik kingul­ler­nik’ taaneqar­poq. – Timuutiusimut 2. 3:1.

•   Jiisusi oqar­poq pif­fis­sami tamatumani ‘inuit annilaar­nar­tunik takusaqas­sasut’. (Luk­karsi 21:11) Akit qaf­fak­kiar­tor­nerat pis­sutigalugu inuit siunis­sar­tik ilaqut­tamin­nillu pilersuisin­naanis­sar­tik isumakuluutigisarlugillu annilaangas­sutigisar­paat.

•   Pif­fis­sami tamatumani inuus­sutis­sat akitsor­nis­saat Biibilip atuagar­taani Saq­qum­mersitani ima siulit­tuutigineqar­poq: “Nipi oqar­toq tusaavara: ‘Qajuusias­sat liiterimut ataatsimut denaarimik [ul­lormut akis­sarsiamik] akeqar­put suaasias­sallu liiterinut pingasunut denaarimik [ul­lormut akis­sarsiamik] akeqarlutik.’” – Saq­qum­mersitat 6:6.

 ‘Ullut kingul­liit’ siulit­tuullu Saq­qum­mersitaniit­toq pil­lugit paasisaqar­nerorusuk­kuit video 1914-imiilli nunarsuarmi pissutsit allanngorsimapput isigin­naaruk allaaserisarlu “De fire ryt­tere – hvem er de?” atuarlugu.

•   “Illuliorumaar­put nam­min­neq inigisas­samin­nik viin­nequtinillu ikkus­suil­lutik inerititaat nerisas­samin­nik. Illuliaat allanit inigineqas­san­ngil­lat ikkus­sugaal­luun­niit allanit nerineqas­sanatik.” – Esaja 65:21, 22.

•   “Karrit naam­mangaar­tut nunami naasimas­sap­put, qaq­qat qaanni aalataarumaar­put.” – Tus­siaat 72:16, Testamentitoqaq 1990-imi naqitigaq.

•   “‘Ikior­tarial­lit qunutitaanerat piitsuusullu anersaaminerat pil­lugit makis­saanga maanna,’ oqar­poq Naalagaq – ‘malersugaasullu annatsil­lugit.’” – Tus­siaat 12:6.

 Guutip qanit­tuk­kut nunarsuaq tamak­kerlugu aningaasatigut aaq­qis­suus­sinerit naaper­tuil­luan­ngitsut atorun­naarsis­savai. Qanoq taamaalius­sasoq paasiumal­lugu allaaserisaq “Er det muligt at få et retfærdigt økonomisk system?” atuaruk.

 Maanna akit qaf­fak­kiar­toraluar­tut Biibili iluaqutigisin­naavat. Qanoq? Aningaasat qanoq silatusaar­tumik atorsin­naagigut pil­lugu siun­nersuutitsialaqar­poq. (Ussatit 10:15; 23:4, 5) Siun­nersuutit taak­kua ilaat paaserusuk­kuk­kit allaaserisat “Inuus­sutis­sarsior­nerit paaril­luaruk” aamma “Qanoq naam­mat­tusaarsin­naasutit” atuak­kit.