Kiserliortut amerliartorput – Illit kiserlioruit qanoq iliorsinnaavit?
“USA-mi inersimasut affaasa missaat, ingammik inuusunnerusut, oqarput kiserliortuullutik.” – Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.
“[Nunarsuaq tamakkerlugu peqqinnissamik suliniaqatigiiffik, WHO,] immikkut isumalioqatigiissitsivoq. Isumalioqatigiissitat taakku kiserliornerup peqqiillisitsingaartarnera misissussavaat, inunnik allanut attaveqarnerulernissamut kajumissaarissapput, nunanilu tamani – aamma piitsoqarfiusuni – kiserliorunnaarsitsiniarnermi qanoq iliortoqarsinnaanersoq paasiniassavaat.” – World Health Organization, novembarip 15-at, 2023.
Biibilimi atoriaannaasunik siunnersuuteqarpoq allanut qanoq attaveqarlualernissamut iluaqutigisinnaasatsinnik.
Siunnersuutit Biibilimeersut iluaqutigisinnaasatit
Kiserliornarisatit killilersimaakkit. Assersuutigalugu internetikkut attaveqaqatigiittarfiit atorpallaarnaveersaakkit. Inunnik ikinngutigilluarsinnaasannik naapitsinissamut periarfissarsiortarit.
Siunnersuut Biibilimeersoq: “Ikinngutaasup asannissutsi tamatigut takutittarpaa, qatanngutaasorlu erniusimavoq annikilliornermi ikiortissaalluni.” – Ussatit 17:17.
Allanik ikiuinissamut periarfissarsiortarit. Allanut ajunngitsuliornerit taakkununnga attaveqarlualissutigalugillu pillualissutigissavatit.
Siunnersuut Biibilimeersoq: “Tunisineq tigusinermit pilluarnarneruvoq.” – Apustilit Suliaat 20:35.
Ikinnguteqarluarnissamut siunnersuutit Biibilimeersut allat atuarumallugit nittartagarput misissoruk.