Aningaasaqar­niar­nik­kut ajor­nar­torsiutit pis­sutigalugit naam­mat­tusaar­tariaqar­pit? Nap­paalanersuit, pin­ngor­titami ajunaar­nersuaqar­nerit, politik­kik­kut eqqis­siviil­lior­nerit sorsun­nerillu aningaasatigut ajor­nar­torsiuteqalersitseriaan­naap­put. Iser­titat annikil­linerat ernumanarsin­naagaluar­toq Biibilimi siun­nersuutit atoriaan­naasut iluaqutigalugit naam­mat­tusaarsin­naavutit.

 Biibilimi najoqqutassiaq: ‘Peqangaar­neq suuteqan­ngin­nerluun­niit apeq­qutaatin­nagit nalerisimaar­nis­sara ilik­kar­para.’ – Filip­pimiut 4:12.

 Iser­titat annikil­ligaluar­tut naleq­qus­sar­nis­sat ilin­niarsin­naavat. Atuk­katit ingerlaan­naq akueriguk­kit naleq­qus­saruillu ilaqut­tatillu naam­mat­tusaarluar­nerusin­naas­saasi.

 Oqar­tus­saasunit kat­tuf­fin­nil­luun­niit ikiorser­neqarsin­naanerlusi paasiniaruk. Pif­fis­sami sivikitsumi qin­nuteqar­titsisoqarsin­naasarmat ingerlaan­naq iliuuseqarit.

 Biibilimi najoqqutassiaq: “Isumalioqatigiit­toqan­ngik­kaangat pilersaarutit asuliin­nar­tar­put, amerlasuunilli siun­nersuisoqarsimagaangat iluatsit­tar­put.” – Ussatit 15:22.

 Atuk­kasi ilaqutariit­tut eqqar­torsigit. Oqaloqatigiil­luar­tar­nik­kut ilatit pisariaqar­tumik allan­nguiner­nik paasin­nin­nis­samut tapersersuinis­samullu ikiorsin­naavatit. Tamas­silu sipaarlusilu atorluaasarussi aningaasaatisi silatusaarlusi atorsin­naavasi.

 Biibilimi najoqqutassiaq: ‘Ingeriarlutit naatsorsuigit.’ – Luk­karsi 14:28.

 Naam­mat­tusaarisariaqaleruit aningaasaatitit tamarluinnaasa sumut ator­tar­nerlugit ilisimaq­qis­saar­tariaqar­pat. Atugarilik­katit naaper­torlugit qaam­mam­mut iser­titas­satut naatsorsuutigisatit allat­toriarlugit mis­singersuusiorit. Taava qaam­mam­mut aningaasar­tuutitit aningaasanillu atueriaatsitit allan­ngor­tus­saagaluar­pataluun­niit allat­tuk­kit. Ilimagin­ngisamik aningaasar­tuutinut pinar­tunul­luun­niit sipaar­niak­katit qaam­mam­mut aningaasar­tuutin­nut ilan­ngut­tak­kit.

 Siunnersuut: Aningaasar­tuutivit allat­tor­nerani pisiatit annikitsut puior­niaqinagit. Pif­fis­sap ingerlanerani tamak­kunun­nga qanoq atuitigisar­nerlutit tupaal­laatigisin­naavat. Assersuutigalugu angutip aningaasar­tuutini allat­toreerlugit paasivaa ukiut tamaasa tyggegum­minut koruunit tuusintilip­pas­suit ator­tarlugit!

 Biibilimi najoqqutassiaq: ‘Suut pingaar­ner­paanersut qulak­keeruk.’ – Filip­pimiut 1:10.

 Iser­titatit annikin­nerulersimasut sip­porumanagit aningaasar­tuutin­nut sanil­liuteriarlugit suut taamaatis­sin­naanerlugit annikil­lisis­sin­naanerlugil­luun­niit paasiniaruk. Uku misis­suk­kit:

•   Angallassineq. Arlalin­nik biileqaruit ataaseq tuniniarsin­naaviuk? Biilit akisooq akikin­nerusumik taarsersin­naaviuk? Biileqar­nak tamanut angal­las­sis­sutit sik­kilil­luun­niit atorsin­naavigit?

•   Aliikkutassat. Aal­lakaatitsisarfiit akiliil­lutit isigin­naar­tak­katit taamaatil­lugil­luun­niit taamaatik­kal­larsin­naavigit? Akikin­nerusumik taarsersin­naavigit? Assersuutigalugu imaas­sin­naavoq atuak­kanik ator­niar­tarfik akeqan­ngitsumik isigin­naagas­sianik atuak­kianillu ator­titsisar­toq.

•   Innaallagissamut imermullu aningaasartuutit. Imermik, innaal­lagis­samik orsus­samillu qanoq atuinikin­nerulersin­naanerlusi ilaqutariit­tut eqqar­torsiuk. Imaas­sin­naavoq qul­ler­nik qamitsisar­neq sivikin­nerusumillu uffar­tar­neq soqutaar­pasin­ngitsut, kisianni ileq­quliuk­kaanni aningaasar­tuutit annikil­lisin­naap­put.

•   Nerisassat. Neriniar­tarfin­nut neriar­tor­nak nam­mineq igasarit. Sutus­sanerlusi pilersaarusior­taruk, ajor­nan­ngik­kaangat anner­tuunik pisisarit sin­nikullu atorluar­tarlugit. Pisariaqar­tin­ngisan­nik pisin­ngin­nias­sagavit pisias­satit allat­tor­tak­kit. Ukiup qanoq ilinera apeq­qutaatil­lugu pisias­sat akikin­nerusarmata pisiarisak­kit. Peq­qin­nan­ngitsut pisiareqinagit. Aamma nam­mineq aalisarlutil­luun­niit piniarsin­naavutit.

•   Atisat. Atisanik nutaaliaaner­nik pisiin­nar­nak atisatit aatsaat nungul­laraangata nutaanik taarser­tak­kit. Akikil­lisanik pisiniar­tarit ator­nikuer­niarfin­niluun­niit suli atorluarsin­naasunik ujaasil­lutit. Panersaaviup ator­neqar­neranut aningaasar­tuutit sipaar­niarlugit periarfis­saqar­nerit apeq­qutaatil­lugu silami manioraasarit.

•   Pitaarniarneq. Pisin­ngin­nermi uku eqqarsaatigik­kit: ‘Akis­saqar­tip­para? Pisariaqar­til­luin­nar­para?’ Ator­tunik ator­toris­saarutinillu elektroniskiusunik imaluun­niit biilinik pitsaanerusunik nutaanil­luun­niit pisin­ngik­kal­larsin­naavit? Atorun­naak­kan­nik pisariaqar­tin­ngisan­nil­luun­niit tuniniaasin­naavit? Taamaalil­lutit pisariil­lisaasin­naal­lutillu iser­titatit amerlisilaarsin­naavatit.

 Siunnersuut: Iser­titatit annikil­lerujus­suar­pata ileq­qut ajoqutaasut akisuullu – soorlu tupator­tar­neq, aningaasanoor­neq aalakoor­nar­tunillu atuipilun­neq – taamaatis­sin­naavatit. Tamanna aningaasaqar­niar­nin­nut iluaqutaagin­nar­nani aamma inuunin­nik pitsan­ngoriar­titsisin­naavoq.

 Biibilimi najoqqutassiaq: “Pil­luar­put anersaak­kut pisariaqar­titaqar­nermin­nik eqqumaf­figin­nit­tut.” – Matiusi 5:3.

 Biibilimi oqimaaqatigiis­saarinis­saq pil­lugu ima allas­simavoq: ‘Ilisimas­suseq alan­ngor­taliisar­poq aningaasat alan­ngor­taliisar­nerat­tut, ilisimas­sutsilli pitsaaqutigiin­nar­paa ilisimas­suseqar­toq inuutit­taramiuk.’ (Oqaluus­sisar­tup oqaasii 7:12) Ilisimas­suseq allaatigineqar­toq Biibilimiip­poq. Inup­pas­suit Biibilimi siun­nersuutitsialan­nik maleruaaner­tik aningaasanut tun­ngatil­lugu ingasat­tumik isumakuluuteqan­ngin­nis­samut iluaqutigisimavaat. – Matiusi 6:31, 32.