Nunarsuarmi naalakkersuisut peqatigiif­fiilluunniit eqqissinermik pilersitsisin­naanngillat. Sorsunnersuup kingulliup nalaaniilli aatsaat taama akerleriit­toqartigaaq. Inuit 2 milliardit missaat – nunarsuup inuisa sisamarar­terutaat – sorsuffiusuni najugaqarput.

 Sooq inuit eqqissinermik pilersitsisin­naanngillat? Biibilimi qanoq allassimasoqarpa?

1.  1. Inuppassuit eqqissinerup anguniar­nissaanut akornutaasumik pissusilersortarput. Nalerput pillugu Biibilimi siulittuutigineqarpoq inuit tassaalerumaartut “namminis­sarsiortut, aningaaserituut, oqarataartartut, qaffassimaartut, … ilumoorfigin­ninngitsut, … saammar­titassaan­ngitsut, … imminut aqussin­naanngitsut, saassus­siumatuut, … uteriitsut, pingaakujullutik makitasuut”. – Timuutiusimut 2. 3:2-4.

2.  2. Inuit, ataasiak­kaarlutik ataatsimoorlutil­luunniit, Pinngor­titsisorsuartik Jehova a Guuti ikiortiginagu ajornar­torsiutitik aaqqissin­naanngil­luinnarpaat. Biibilimi allassimavoq “inuup ingerlavissani nammineq aalajangigas­sarinngikkaa”. – Jeremia 10:23.

3.  3. Ajortoq pissaanilik, Saatani Diaavulu, ‘nunarsuarmi tamarmi najugaqartunik tammartitsisoq’ inunnik sunniisuuvoq. (Saqqummersitat 12:9) Inuit ‘Diaavulumit pissaaneqarfigineqar­tillugit’ sorsuttoqar­tuarlunilu akerleriit­toqartuassaaq. – Johannesimit 1. 5:19.

 Biibilimi qularun­naarsin­neqarpugut eqqissineq piviusun­ngorumaartoq, tamannali Guutimit pilersin­neqassaaq, inunniun­ngitsoq.

•   “Nalunngilakka ilissi pillusi pilersaarutigisakka, oqarpoq Naalagaq, pilluar­nissamik pilersaaruteqarama ajunaar­nissamik pinnanga. Siunissaqar­tissavassi neriuutis­saqartillusilu.” – Jeremia 29:11.

 Guutip tamanna qanoq piviusun­ngortissavaa? “Guutip eqqissinermik tunisisartup qanittukkut Saatani … sequmisissavaa.” (Romamiut 16:20) Guutip naalakkersuisut qilammiittut, Biibilimi ‘Guutip kunngeqarfiatut’ taaneqartut, aqqutigalugit nunarsuarmi eqqissineq pilersissavaa. (Lukkarsi 4:43) Guutip kunngeqarfiani kunngip, Jiisusip Kristusip, inuit eqqissillutik inooqatigiin­nissaannik ilinniar­tissavai. – Esaja 9:5, 6.

•   Paasisaqar­nerorusukkuit atuaruk “Guutip naalagaaffia sunik naammas­sisaqassava?”