Oqaatsikkut iliuutsikkullu uumissuineq, allamiunik nakuuserneq sorsunnerlu pillugit nutaarsiassanik ulikkaarpoq.

•   “Nakuusernernut kajumis­saarisoqarnera aamma Israelip Gazallu akersuunnerat pissutigalugit inuit attaveqaqatigiit­tarfiisigut uumissuineq annertuserujus­suarsimavoq.” – The New York Times, novembarip 15-at, 2023.

•   “Oktobarip 7-at aallarnerfigalugu nunarsuaq tamakkerlugu oqaatsikkut iliuutsikkullu uumissuisoqarnerup annertusiar­tornera maluginiar­neqarsimavoq.” – Dennis Francis, Naalagaaffiit Peqatigiit ataatsimeersuar­neranni aqutsisoq, novembarip 3-at, 2023.

 Uumissuilluni oqaaseqarneq nakuusernerlu nutaajun­ngillat. Biibilimi allaatigineqarpoq itsaq inuit “oqaatsit toqunartullit pisissiminnut qarsuliullugit” annittaraat. (Tussiaat 64:4; 120:7; 140:2) Taamaattorli Biibilimi ersersin­neqarpoq ullumikkut uumissuineq allaanerus­suteqartoq.

 Ullumikkut uumissuinerup nalingin­naaneranut pissutaasut marluk Biibilimi eqqaaneqarput.

1.  1. Siulittuutigineqarpoq piffissami aalajangersimasumi ‘amerlanerit asanninnerat nillertik­kiartussasoq’. (Matiusi 24:12) Inuppassuit asanninnatik uumissuinermik kinguneqar­titsisunik pissuseqassapput. – Timuutiusimut 2. 3:1-5.

2.  2. Nalitsinni uumissuinerujussuaq Ajortup Saatanip Diaavulup sunniinerata kinguneraa. Biibilimi allassimavoq taanna ‘nunarsuarmi tamarmi najugaqartunik tammartitsisoq’. – Johannesimit 1. 5:19; Saqqummersitat 12:9, 12.

 Guutilli uumissuinermut pissutaasut erniinnaq suujunnaarsissagai Biibilimi eqqaaneqarpoq. Aamma naalliuutit tamaasa uumissuinerup pilersitai iluarsiivigissavai. Biibilimi ima neriorsuuteqarpoq:

•   Guutip ‘qulliit tamaasa isaannit allartissavai. Aamma toqu, aliasunneq, nillianeq anniarnerlu atuukkun­naassapput. Pissutsit ajortut peerupput’. – Saqqummersitat 21:4.