2022-mi juulip ingerlanerani nunani assigiin­ngitsuni tupan­naqisumik aal­laasersor­toqar­poq:

•   “Japanimi politikerip ilisimaneqar­ner­paap [ministeriunerusimasup Shinzo Abep] toqutaanera Japanimi nunarsuullu sin­nerani tupaal­laatigineqaqaaq, ingam­mik Japanimi taamatut pinerlut­tulior­toqar­piar­neq ajormat sak­koqar­nermullu tun­ngatil­lugu sukan­nersumik inatsiseqarmat.” – The Japan Times, juulip 10-at 2022.

•   “Københavnimi pisiniarfis­suarmi aal­laasersor­toqar­nerani inuit pingasut toqutaanerat Qal­lunaat Nunaanni tupaal­laatigineqaqaaq.” – Reuters, juulip 4-at 2022.

•   “Sydafrika: Sowetomi illoqarfiup ilaani imer­niar­tarfimmi aal­laasersor­toqarmat inuit 15-it toqutaap­put.” – The Guardian, juulip 10-at 2022.

•   USA-mi inuiat­tut ullorsior­toqar­nerata nalaani inuit 220-t sin­nerlugit aal­laaneqarlutik toqutaap­put. – CBS News, juulip 5-at 2022.

 Taama pinerlut­tulior­nerit unitsin­neqar­nis­saan­nut neriuutis­saqarpa? Biibilimi qanoq allas­simasoqarpa?

 Biibili naaper­torlugu pif­fis­saq inuuf­figisar­put ‘ullunik kingul­ler­nik’ taaneqar­poq, inuillu peq­qar­niitsumik saas­sus­siumatuul­lutillu ajor­tumik iliuuseqar­tas­sap­put. (Timuutiusimut 2. 3:1, 3) Peq­qar­niitsulior­nerit inun­nik ernumalersitsisar­put. (Luk­karsi 21:11) Ungasin­ngitsuk­kulli pinerlut­tulior­toqarun­naar­nis­saa Biibilimi neriorsuutigineqar­poq. Inuit “najugaqalis­sap­put inigisami eqqis­sinar­tumi, najuk­kani isuman­naatsuni qasuersaarfinni eqqasuuteqarfiun­ngitsuni”. (Esaja 32:18) Peq­qar­niitsumik pinerlut­tulior­nerit qanoq unitsin­neqas­sap­pat?

 Guutip inuit ajortut piujun­naarsis­savai sakkullu tamaasa aseror­terlugit.

•   “Iluan­ngitsut nunamit piiagaas­sap­put.” – Ussatit 2:22.

•   “[Guutip] nunarsuarmi tamarmi sorsun­nerit soraarsik­kumaar­pai, pisis­sit nal­lorumaar­pai qalugiusallu aseror­terlugit, qamus­suit sorsuutit ikik­karumaar­pai.” – Tus­siaat 46:9.

 Guutip inuit eqqis­sisimasumik inuunis­saannik ilin­niartis­savai, taamaalior­nermigullu pinerlut­tuliornerit tamaasa taamaatitis­savai.

•   “Ajor­tumik ilior­toqar­nanilu ajoqusiisoqas­san­ngilaq uanga qaq­qanni iller­nar­tumi tamarmi, Naalak­kamik ilisimasaqar­nerup nuna tamak­kerumaarmagu soorlu ermit matoq­qagaat immap naqqa.” – Esaja 11:9.

•   Allaat maanna Guutip inuit nunarsuaq tamak­kerlugu pinerlut­tulior­tarun­naar­nis­saan­nik sak­kulersun­ngin­nis­saan­nillu ilin­niar­tip­pai. ‘Panatik saf­fior­paat assal­latserum­mut savis­saliaralugit.’ – Mika 4:3.

 Nunarsuaq ernumanar­toqarfiun­ngitsoq pil­lugu Biibilimi neriorsuutit anner­tunerusumik paaserusuk­kuk­kit allaaserisaq “Ernumanermi neriul­luar­tuarit” atuaruk.

 Pinerlut­tulior­ner­nut aaq­qiis­sutis­saq ataavar­tus­saq anner­tunerusumik paaserusuk­kukku allaaserisaq “Guutip naalagaaf­fiata aqutsinerani ‘eqqis­sineqangaarumaar­poq’” atuaruk.