2022-mi februaarip 24-anni Ruslandi sak­kutooqar­nik­kut Ukrainemik saas­sus­sim­mat inuin­naat ikior­neqar­tariaqar­tut qimarrap­put. a

 “Qaartartut qaararpaluttarput. Annilaangangaaratta annilaanganerput oqaasinngortikkuminaappoq. Qimuttuitsunik qimarngutsitsisoqartoq tusaratsigu aallarniarluta aalajangerpugut. Tamatta ataasiinnarmik nammattagaqarsinnaagatta suut tamaasa qimappagut. Allakkiat pingaarutillit, nakorsaatit, imeq taqussallu kisiisa nassarpagut. Angerlarsimaffipput qimallugu qaartartut nakkaaneranni qimuttuitsoqarfimmukarpugut.” – Natalija, Ukrainemi Kharkivimi najugalik.

 “Isumaqaavikkaluarpunga sorsuttoqarnavianngitsoq. Illoqarfiup ilaani qaartartut tusaavakka, igalaallu sajupput. Pisariaqavissut kisiisa nassarlugit aallarniarlunga aalajangerpunga. Ullaakkut arfineq-pingasunut angerlarsimaffiga qimallugu Lvivimut qimuttuitsorpunga tassanngaanniillu Polenimut busserlunga.” – Nadija, Ukrainemi Kharkivimi najugalik.

Allaaserisami matumaniip­put

•  Qimarrattoqarneranut sorpiaat pissutaappat?

•  Qimarrattut sumi neriuutissarsisinnaappat?

•  Qimarrattut Biibili maanna iluaqutigisinnaavaat?

 Qimarrattoqarneranut sorpiaat pissutaappat?

 Ruslandi sak­kutooqar­nik­kut Ukrainemik saas­sus­sim­mat inuin­naat ikior­neqar­tariaqar­tut qimarrap­put. Biibilimili taama qimarrat­toqar­tar­neranut pis­sutiviusoq paasinarsisin­neqar­poq.

•   Inuit naalakkersuisut nunani tamalaani inoqatitik pisariaqar­titaan­nik tunisin­naasiman­ngilaat. Pis­saanil­lit oqar­tus­saas­suser­tik amerlaner­tigut naqisiman­nin­nermut ator­tar­paat. – Oqaluus­sisar­tup oqaasii 4:1; 8:9.

•   Saatanip Diaavulup, ‘inuit naalagaata’, inuit ajor­tumik sun­ner­tangaarmagit Biibilimi ima allas­simavoq: “[Diaavulup] inuit allat tamaasa pis­saaneqarfigai.” – Johan­nesi 14:30; Johan­nesimit 1. 5:19.

•   Ukiuni hundredilinni inuit ajor­nar­torsiutigisar­tagaasa saniatigut pif­fis­saq inuuf­fip­put Biibilimi ima siulit­tuutigineqar­poq: “Ulluni kingullerni pis­sutsit anigoruminaal­lutillu [erloqinas­sap­put].” (Timuutiusimut 2. 3:1) Ullut taakku sorsun­ner­nik, pin­ngor­titami ajunaar­nersuar­nik, nerisas­saaleqiner­nik nap­paatinillu tunil­laas­sor­tunik – inuit qimarran­neran­nut pis­sutaasunik – ilisar­naateqas­sap­put. – Luk­karsi 21:10, 11.

 Qimarrattut sumi neriuutissarsisinnaappat?

 Biibilimi allas­simavoq Pin­ngor­titsisitta, Jehovap b Guutip, qimar­ngusut angerlarsimaf­fim­min­niillu aal­lar­tariaqarsimasut asal­lugillu misigin­neqatigigai. (Mosesimik 5. 10:18) Guuti naalagaaf­fini qilam­miusoq, kun­ngeqarfim­mik taaneqar­tar­toq inuillu naalak­kersuisunik taarsiisus­saq, atorlugu qimarran­ner­nut pis­sutaasut aaq­qin­niarlugit neriorsuivoq. (Danieli 2:44; Matiusi 6:10) Jehovap kun­ngeqarfini atorlugu Saatani Diaavulu peersis­savaa. (Romamiut 16:20) Kun­ngeqarfiup tamatuma nunarsuaq tamak­kerlugu naalak­kersuileruni nunat kil­leqarfii pis­sutigalugit avis­saar­tuutaasut nungutis­savai. Inuit tamarmik nunarsuaq tamak­kerlugu ilaqutariit­tut ataasioqatigiilis­sap­put. Kinaluun­niit angerlarsimaf­fim­miniit qimaasariaqarun­naas­saaq Biibilimi ima neriorsuuteqarmat: “Tamarmik eqqis­sil­lutik inuus­sap­put viin­nequtaatimik figenequtaatimillu ataanni kimil­luun­niit peersin­neqar­natik. Katersaarsuit Naalagaat nam­mineq oqalup­poq.” – Mika 4:4.

 Nalitsinni qimarran­nermut pis­sutaasut Guutip kun­ngeqarfiata kisimi aaq­qil­luin­narsin­naavai. Jehovap kun­ngeqarfini atorlugu ajor­nar­torsiutit inun­nik qimar­ngutitsisut nungutis­savai. Uku eqqarsaatigik­kit:

•   Sorsunneq. Jehovap “nunarsuarmi tamarmi sorsun­nerit soraarsik­kumaar­pai”. (Tus­siaat 46:10) Guutip akersuun­nerit qanoq unitsis­sanerai paasiumal­lugu allaaserisaq atuaruk: “Naal­liuutit qanit­tuk­kut atuuk­kun­naas­sap­put!”

•   Naqisimanninneq nakuusernerlu. Jehovap “aniguisis­savai qunutitaanermit nakuuserfigisaanermil­lu”. (Tus­siaat 72:14) Inuit ukior­pas­suarni isigin­nit­taaserisimasamin­nik qanoq allan­nguisin­naanerat paasiumal­lugu allaaserisat ataqatigiit ima qulequtal­lit atuak­kit: “Uumis­suinermik unitsitsineq.”

•   Piitsuuneq. Jehovap ‘annaatis­savaa piitsoq ikioq­qul­luni suaar­tar­toq’. (Tus­siaat 72:12) Guutip piitsuunermut pis­sutaasut qanoq aaq­qis­sagai paasiumal­lugu allaaserisaq atuaruk: “Piitsuus­suseq atuuk­kun­naarsin­neqarsin­naava?”

•   Nerisassaaleqineq. “Karrit naam­mangaar­tut nunami naasimas­sap­put.” (Tus­siaat 72:16, Testamentitoqaq 1990-imi naqitigaq) Guutip perliler­toqan­ngin­nis­saa qulak­kiis­savaa.

 Qimarrattut Biibili maanna iluaqutigisinnaavaat?

 Aap. Siunis­saq pil­lugu tutsuiginar­tumik neriuuteqaler­nerup saniatigut qimar­ngusut Biibili maanna unam­miniar­nar­titamin­nut iluaqutigisin­naavaat.

 Biibilimi najoqqutassiaq: “Suul­luun­niit ernumas­sutigeqinasigit, pis­sutsinili qanorluun­niit ittuni qinunik­kut kimigiiser­nik­kullu Guutimut ikioq­qusarlusilu qujasas­saasi. Taava Guutip eqqis­sinerata inuit paasisin­naasaan­nit annerungaar­tup Kristusi Jiisusi aqqutigalugu uum­matersi isumarsilu paaris­savai.” – Filip­pimiut 4:6, 7.

 Isumaa: Qanorluun­niit atugaqaraluaruit isumak­kut uum­matik­kullu eqqis­sinermik Guutimut tuneq­qugit.