Naatsorsuutigineqarpoq 2022-mi novembarip 20-anniit decembarip 18-iannut inuit 5 milliardit nunarsuaq tamakkerlugu isikkamik arsaannermi pissartan­ngorniunneq (VM) isiginnaassagaat. Inuit isiginnaartut ataasioqatigiittutut misigisarput, inuppassuillu neriuutigisarpaat pissartan­ngorniunnerit taamaattut angusaqarfiunerungaassasut.

•   “Timersorneq inunnik allannguisitsisinnaavoq, neriuuteqalersitsisinnaavoq inunnillu ataasioqatigiilersitsisin­naalluni.” – Nelson Mandela, Sydafrikami præsidentiusimasoq.

•   Inuit isikkamik arsaanneq ataasioqatigiilis­sutigisarpaat “neriuuteqaler­taramik, nuannaar­taramik, pikkusut­taramik, asaqatigiit­taramik nuannarisaqaqatigiit­taramillu”. – Gianni Infantino, FIFA-mi præsidentiusoq. a

 VM pissartan­ngorniun­nerillu allat ilumut taamatut angusaqarfiusin­naappat? Inuit eqqisseqatigiil­luinnarlutillu ataasioqatigiis­sinnaappat?

 Ukioq manna VM eqqaaneqaraangat isikkamik arsaanneq kisiat eqqarsaatigineqarneq ajorpoq. VM pissutigalugu inuit atugaat politik­kimullu tunngasut – soorlu inuit pisinnaatitaaffii, allamik nagguilimmik uumissuineq aningaasaqar­nikkullu naligiin­nginneq – oqallisaalersimapput.

 Taamaak­kaluartoq inuppassuit nunarsuaq tamakkerlugu pissartan­ngorniunnerit, soorlu VM, isiginnaas­sallugit nuannaraat. Pisulli taamaattut inuit kissaatigisaattut ataavartumik ataasioqatigiilersitsisin­naanngillat. Pisut taamaattut amerlanertigut ersersit­tarpaat inuit avissaar­tuutaasumik isiginnit­taaseqarlutillu iliuuseqartartut, tamannalu piffissamut ‘ullunik kingullernik’ taaneqar­tartumut ilisarnaataassasoq Biibilimi siulittuutigineqarpoq. – Timuutiusimut 2. 3:1-5.

 Biibilimi neriuuteqalersin­neqarpugut nunarsuaq tamakkerlugu eqqisseqatigiit­toqassasoq. Tassani neriorsuutigineqarpoq inuit tamarmik ataasioqatigiillutik ‘Guutip kunngeqarfianit’ qilammi naalakkersuisunit naalakkersor­neqassasut. – Lukkarsi 4:43; Matiusi 6:10.

 Kunngeqarfimmi kunngiusup Jiisusip Kristusip sumi tamani eqqisseqatigiit­toqarnissaa qulakkiissavaa. Biibilimi ima allassimavoq:

•   “Iluarneq inerilluarumaarpoq, eqqissineqangaarumaarlunilu.” – Tussiaat 72:7.

•   ‘Annaatissavaa piitsoq ikioqqulluni suaartartoq … Aniguisissavaa qunutitaanermit nakuuserfigisaanermillu.’ – Tussiaat 72:12, 14.

 Jiisusip ilinniar­titsissutigisai iluaqutigalugit inuit millionillit nunanit 239-neersut ataasioqatigiipput uumissuisarun­naarlutik. Paasisaqar­nerorumallutit atuakkit allaaserisat ataqatigiit ima qulequtallit: “Uumissuinermik unitsitsineq”.