Nuimanngitsumik inuuneq

„NUNAQARFEEQQAMI naasorissaasup panianit erniuvoq. Nunaqarfeeqqami allami alliartorpoq, tassani 30-liinissami tungaanut sannavimmi sulilluni. Taava ukiut pingasut angalalluni oqaluussisartuuvoq.

Atuakkiorsimanngilaq, pisortani atorfeqarsimanani, nuliarsimanani illoqarsimanngisaannarlunilu. Ilinniarnertuujusimanngilaq illoqarfimmillu angisuumik tikitaqarsimanngilaq. Inuunini naallugu inunngorfini kilometerit 300-t sinnerlugit ungasillisimanngilaa. Nuimassutsimut tunngatitatsinnik iliuuseqarsimanngilaq. Allanit nersugaasimanngilaq.

33-innarnik ukioqarluni inunnik akerlerineqarlerpoq. Ikinngutaasa tunuppaat. Akeqqaminut tunniunneqarpoq eqqartuussisuusaarnermillu atugaqartitaalluni. Pinerluttut marluk akornanni [qisummut] kikiattugaavoq. Toqulersoq toqutsisussaasa atisai, pigisatuai, immeraatigaat. Toqugami ilivermut ikinngutip ajunngitsup tunniussaanut ilineqarpoq.

Maanna ukiut 1900-t ingerlareersimapput, angullu taanna suli inuiaat kinguaariit qiteraat, inuiaat siumukarnissaannut ingerlatitsisoq. Sakkutuunik sorsugiarsimasunit tamanit, sorsuutinit imarsiortunit sananeqarsimasunit tamanit, inatsisartunit isumaqatigiinniarsimasunit tamanit kunnginillu naalakkersuisimasunit tamanit inuk ataaseq taanna sunniuteqarnerusimavoq. *“ — An anonymous commentary on the life of Jesus Christ.

[Quppernerup ataani ilanngussaq]