Manna eqqarsaatiginikuuiuk?

Isumaqarpit inuk toqusuitsumik tarneqartoq timip toqunerata kingorna inooqqittussamik? Inuit millionilikkuutaat, aap, immaqa milliardillit, isumaqarput inuk tarneqartoq toqup kingorna inunngoqqittussamik imaluunniit silarsuarmi allami inooqqittussamik. Biibilimili tamanna pillugu qanoq allassimasoqarpa? Qularnanngitsumik apeqqutit tulliuttut eqqarsalernartissavatit. Akigaangakkit Biibilimi allassimaffiit quppertarukkit iluaqutigissavat. Aamma qupperneq 29 takujuk.

1. Adam qilammi nunamiluunniit pinngortinneqarsimava? — 1 Moses 1:26-28.

2. Adam toqusinnaasussatut toqusuitsussatulluunniit pinngortinneqarpa? — 1 Moses 2:15-17.

3. Adam naalanngissimanngikkaluaruni ajortuliorsimanngikkaluarunilu toqusimassagaluarpa? — Rûmamiut 6:23.

4. Adamip inuusimanerata takutippaa toqusinnaasoq imaluunniit toqusuitsoq? — 1 Moses 3:19; 5:5.

5. Adam ajortuliorammi angerlarsimaffik qilammiittoq nunamiittorluunniit qimattariaqalerpaa? — 1 Moses 1:26-28.

6. Jesus nunamut tikimmat Adamip ajortuliorsimanerani annaasat utertinneqaqqullugit, sunarpiaruna utertinneqartussaasoq? — Tussiaat 37:29; Rûmamiut 5:18, 19; sarĸúmersitat 21:1-4.

7. Adam immmikkoortunit marlunnit — tarnermit timimillu — katitigaasimava? — 1 Moses 2:7; 1 Korintumiut 15:45.

8. Adam tarnermit timimillu sananeqarsimappat, tarnaa timaaluunniit ajortuliorsimava? — Tussiaat 51:3-6.

9. „Tarneq“ ajortuliorsimasorigukku taava sooq timi naalliuttariaqarpa?

10. „Timi“ ajortuliorsimasorigukku taava sooq tarneq annaanneqartariaqarpa?

11. Toqup kingorna qilaliassagutta, ajorti toqulu kingornussat Biibilimi allassimasut akerliannik perloqqussutituunngitsoq pilluaqqussutitulli isigineqartariaqannginnerpat? — Rûmamiut 5:12; 6:21-23.

12. Adam ajortuliorami qanoq pillarneqarpa: toqumik imaluunniit allami inooqqinnermik? — 1 Moses 2:16, 17; 3:19.

13. Timaa immikkut pillarneqarpa tarnaalu immikkut pillarneqarluni? — Nalunaajaasup oqaasii 9:5, 10; Hesekiel 18:4.

14. Guutip anniarfimmi naassaanngitsumik anniartitaanissaq eqqarsaatigisimanerpaa? — Jeremia 7:31.

15. Paulusip oqaasii naapertorlugit ajortip suna akissarsiarititaraa? — Rûmamiut 6:23.

16. Anniarfimmi naassaanngitsumik anniartitaanissamik Paulus eqqaasaqarsimava? — Rûmamiut 6:7.

17. Ilumut anniarfeqarpat taava sooq inuk inuunermini sikivitsumi ajortuliarisimasani pissutigalugit naassaanngitsumik anniartitaasariaqassava? Guuti inunnit naapertuilluassusikinnerugami? — Rûmamiut 9:14.

18. Inuit aalajaatsut itsarsuaq inuusimasut isumaqarsimanerpat tarneqarlutik toqup kingorna qilaliartussamik anniarfiliartussamilluunniit? — 1 Moses 37:35; Tussiaat 89:48; apustilit suliait 2:34.

19. Toqusimasut sumik neriuutissaqarpat? — Juánase 5:28, 29; 11:23-26; apustilit suliait 24:15.

20. Tarneq toqusuitsuunngippat taava ilaasa (144.000-it) qilammi Kristus qanoq naalakkersueqatigisinnaassavaat? — 1 Korintumiut 15:42-49, 53, 54; sarĸúmersitat 14:1, 4; 20:4. *

 Manna eqqarsaatiginikuuiuk? Biibilimi akissutissaqarpoq

Uani apeqqutinut qupperneq 13-miittunut tunngatillugu Biibilimi allassimasut saqqummiunneqassapput:

1. „Guutip inuk pinngortippaa imminik assililluni. . . . Pinngortippai tassaatillugit angut arnarlu. Guutillu pilluaqquai „Kinguaassiorlusi amerliartoritsi nuna tamkkerlugu ilissinnullu naalatsigitillugu.“ — 1 Moses 1:27, 28.

2. „Naatsiiviup orpii tamaasa neriffigisinnaavatit, kisianni orpik ajunngitsumillu ajortumillu nalujunnaarutaasoq neriffigissanngilat, neriffigigaluarukkumi toqussaatit.“ — 1 Moses 2:17.

3. ’Ajortip akissarsiarititaa tassa toqu, Guutilli saammaannermit tunissutaa tassa inuuneq naassaanngitsoq Kristus Jesusimi Naalakkatsinni.’ — Rûmamiut 6:23.

4. „Kiakkiullugu nerisassarsiussaatit issumut uterserlutit, tassannga pigavit. Issumimmi pivutit, issunngussaatillu.’ — 1 Moses 3:19.

5. Takuuk normu 1.

6. ’Takussagissi Guutip ineqarfia inunniittoq. . . . Qulliillu tamaasa isaannit aallarterumaarpai, toqulu peqarunnaassavoq, aliasuttoqarunnaarlunilu nilliasoqarunnaarlunilu anniartoqarunnaassavoq, siulliit peermata.’ — sarĸúmersitat 21:3, 4.

7. „Taava Guuti [Jehova] inuliorpoq issumit, sorluisigullu anersaarnermik uumassutaasumik sulluarlugu. Taamaalilluni inuk pinngortitanngorpoq [tarninngorpoq, NV] uumassuseqartoq.“ (1 Moses 2:7) Oqaaseq „tarneq“ hebriiarit oqaasiannit næʹfæsj-imit (anersaartoq) nutsigaavoq. ’Inuk siulleq, Adam, tarninngorpoq uumasoq.’ Malugiuk ’tarninngortoq’, tarnilerneqarnani. — 1 Korintumiut 15:45.

8. „Ajortuliara takkunniitittuaannarpara. Ilinnut, ilinnuinnaq ajortulisimavunga isivillu iluarinngisaannik iliorsimallunga.“ — Tussiaat 51:5, 6.

9, 10. Allassimaffinnik innersuussinissaq pisariaqanngilaq.

11. ’Taamaattumik soorlu inukkut ataasiusukkut ajorti silarsuarmut tikiuttoq ajortikkullu toqu tikiulluni, taamalu toqup inuit tamakkerlugit tikikkai, tamarmik ajortuliormata.’ — Rûmamiut 5:12.

12. Takuuk normu 4.

13. „Uumassuseqartummi nalunngilaat toqusussaagamik, toqungasulli sunnguamilluunniit ilisimasaqanngillat. . . . Guutip ilinnut periarfissaasinnaatitai tamaasa atorlugit piginnaanerillu tamaat atorlugu iliorniarit toqusut inaanni ornikkanni suliassaqanngimmat pilersaarusiorfissaqaraniluunniit, ilisimasassanillu ilisimassummilluunniit pissarsiassaqarani.“ (Nalunaajaasup oqaasii 9:5, 10) „Angutaatalu tarnaa erneratalu tarnaa — uanga pigaakka. Tarneq ajortuliortoq toqussaaq.“ — Hesekiel 18:4, NV.

14. „Qattuninngualiorput pilliisarfissanik Tofetimi . . . ernitik panitillu innermi ikikkarumallugit, uffa tamanna peqqussutiginngisaannariga eqqarsaatigisimanaguluunniit.“ — Jeremia 7:31.

15. Takuuk normu 3.

16. ’Toqusormi ajortip sussariunnaarpaa.’ — Rûmamiut 6:7.

17. ’Qanormi taava oqassaagut? Guuti iluanngitsumik iliortarpa? Ajornaqaaq.’ — Rûmamiut 9:14.

18. ’Davidimi qilalianngilaq.’ — apustilit suliait 2:34.

19. ’Guutilu neriuffigalugu ukuattaaq ilimagisaannik: Toqusut makikkumaarmata, iluartullu iluaatsullu.’ — apustilit suliait 24:15.

20. ’Aserujasoq manna aserujuissummik atitittariaqarmat, toqujasorlu manna toqusuissummik atitittariaqarmat.’ Toqusuissuseq ’atitinneqartariaqarmat’ taava tamanna aallaqqaataani pigineqarsimassanngilaq. (1 Korintumiut 15:53) ’Takunnikkamalu, ata, savaaraq Zionip qaqqaani qeqartoq, ilagigaalu untritilinnik sisamanillu qulilinnik sisamanillu tuusintillit [144.000 — it], . . . taakku inunnit immikkoortillugit Guutimut savaaqqamullu naaqqaataallutik pisiaapput.’ — sarĸúmersitat 14:1, 4. (gD 8/1 94)

[Quppernerup ataani ilanngussaq]