Nakorsaatitigut ilisimatuussutsimik aallarniisut
Nakorsaatitigut ilisimatuussutsimik aallarniisut
JOSÉ Belgiami illoqarfeeqqami Oupeyemeersoq 61-nik ukioqarluni paasitinneqarpoq allamik tingulertittariaqarluni. „Inuutillunga aatsaat taama tupannartigisumik tusarsimavunga,“ oqarpoq. Ukiut 40-innaat matuma siorna tingulertinneq takorloorneqarsinnaanngilarluunniit. Allaammi 1970-ikkunni 30 procentiinnaat aniguisarput. Ullumikkulli tingulertinneq nalinginnaalersimavoq, annattartullu procentii qaffassinnerulersimallutik.
Taamaakkaluartorli tingulertinnermut atatillugu suli annertuumik ajortoqartarpoq. Tingulertittoqartillugu aanaarujussuartarneq pissutigalugu nakorsat amerlanertigut aalersuiitigalutik taamatut pilattaasarput. José upperisani pissutigalugu aalersortikkumanngilaq. Kisianni tingulertikkumavoq. Tamanna ajornanngila? Qularnanngitsumik ilaat taama isumaqassapput. Pilattaasartut suleqatigiit siulersuisuat isumaqarsimavoq suleqatinilu aak atornagu pilattaanissaminnut periarfissaqarluarsimallutik. Iluatsissimappullu. Ullut 25-innaat qaangiummata José pilatsereerluni nuliaminut paniminullu angerlarsinnaasimavoq. *
Atuagassiami Time-imi „nakorsaatitigut ilisimatusarnikkut sapiitsorsuit“-nik taaneqartut pikkorissusiat pissutigalugu ullumikkut aak atornagu pilattaaneq aatsaat taama nalinginnaalertigaaq. Soorliuna taama qinerneqartigaa? Apeqqut taanna akineqassappat aalersuinerup oqaluttuarisaanera ajornartorsiutinik ulikkaartoq misissoqqaariartigu.
[Quppernerup ataani ilanngussaq]
^ imm. 3 Inuup allap timaata pisataanik pilertikkumanerluni Jehovap Nalunaajaasuisa paasinninnerat naapertorlugu inuup namminneq aalajangigassaraa.
[Qupp. 3-mi assiliartaq]
Nunarsuaq tamakkerlugu maannakkorpiaq nakorsat 90.000-nit amerlanerusut oqarsimapput Jehovap nalunaajaasui aak atornagu nakorsartikkumallugit piareersimallutik