Angut inuusuttoq ilikkagaqarusuttoq

16-inik ukiulik, Tjekkiap ilinniarfissuani ilinniartoq, Jehovap Nalunaajaasuisa Pragimi immikkoortortaqarfianut qujaniarluni ima allappoq:

„Nalaatsornerinnakkut Iteritsi! atuarsimavara. Atuagassiap taassuma silarsuarmi matumani qanoq sivisutigisumik sunniuteqarsimatiginera ilisimanngilara, isumaqarpungali inuppassuarnik atuarneqarsimassasoq. Malugeqqaagara tassaavoq ilanngutassiat paasissutissarpassuarnik tupinnaannartunik piviusunillu imaqarnerat. Iteritsi!-p oqaluttuanik ilumoortunik unersuussutinillu imaqarnera ulluinnarni ajornartorsiutinut ernumanartunullu ilisimanninngitsunut eqiiallatsitsipput.

Atuagassiap qaammarsaataanera kisiat pillugu alutorinngilara, aammali inunnik naggueqatigiinnillu tamanik kinaassusersiorani ataqqinnippalullunilu eqqartuisarnera pillugu. . . . Allappunga oqaluttuunniarlusi allaaserisat taakkua suliaralugit ilungersornisi assut pingaaruteqarmata. Atuartartut uattut suliassinnut nersuisut tamaasa sinnerlugit qutsavigerusuppassi. Iteritsi!-mik normumik tulliuttumik nassilaaqqullunga qinnuigaassi, atuagassiaararlu Inuuneq sumik siunertaqarpa? Qanoq ililluni nanineqarsinnaava? aamma soqutigaara.“

Qularinngilarput aamma illit atuagassiaaraq Inuuneq sumik siunertaqarpa? Qanoq ililluni nanineqarsinnaava? iluaqutigilluinnaarsinnaagit. Tassani atuarsinnaavat qanoq Pinngortitsisup angingaartunik ungasinngitsukkut piviusunngortussannik siunertaqarfigigaatigut. Piumagukku immersugassaq immersorlugu uunga nassiussinnaavat: Napasuliaq Alapernaarsuiffik, Box 184, 3900 Nuuk. (gE 8/8 2000)

□ Atuagassiaaraq Inuuneq sumik siunertaqarpa? Qanoq ililluni nanineqarsinnaava? piumavara.

□ Qinnuigaassi akeqanngitsumik Biibilimik atuaqatigineqarnissara pillugu attavigeqqullunga.