Asasamik toqusoqartillugu ikiuut

Jehovap Nalunaajaasui ukiut arlallit matuma siorna asasamik toqusoqarnermi artorsaateqarneq pillugu atuagassiaaqqamik saqqummersitsipput. Atuartoq qujamasuttoq Jugoslaviameersoq allappoq: „Atuagassiaaqqamut Asasamik toqusoqaraangat-mut qutsavigingaarpassi. Asasamik toqusoqartillugu misigissutsikkut misigineqartartut tamaasa allaaserivai.

Qatanngutiga angut aqqusinikkut angallannermi ajunaarluni toqummat, atuagassiaaqqap ’ikiueqqaarluni’ pisariaqartitakka matussuserpai. ’Siunnersuutit atoriaannaasut’ qupperneq 18-miittut uannut tuppallersaataaqaat. Qaammatilli sisamat qaangiummata aliasungaalerpunga ilaatigullu eqqaamasat nuannersut sarsuatilertarlugit.“ Nikalloqqajaanissara ernumassutigaara.

Taamani atuagassiaaraq atuaqqikkakku ’Aliasunnerup ingerlarna’ qupperneq 9-miittoq atuarlugu iluarsilernermi aliasunnerup kipisanermik akoqarsinnaanera malugaara. Tuppallersaatigeqaara. Atuagassiaaqqami misiginneqataangaarnissinnut qutsavigerusoqaassi.“

Immaqa illit nammineq ilisarisimasalluunnit atuagassiaaqqamik tuppallersarneqarsinnaavusi. Ataani immersugassaq immersorlugu uunga nassiukkukku tamatuminnga nassinneqarsinnaavutit:

□ Atuagassiaaqqamik Asasamik toqusoqaraangat nassinneqarusukkaluarpunga.

□ Qinnuigaassi akeqanngitsumik Biibilimik atuaqatigineqarnissara pillugu attavigeqqullunga.