llaqutariittut pilluarneq anguneqarsinnaavoq!

ARNAQ Hvideruslandimi Molodetjnomeersoq Jehovap Nalunaajaasuisa immikkoortortaqarfiannut Ruslandimiittumut allassimavoq. Oqaluttuarpoq uinilu marlunnik meeraqarlutik. „Uigalu asaqatigiippugut,“ allappoq. „Kisiannili maluginiarsimavara assortuuttarnivut akulikilliartortut immitsinnullu uumigeqqajaasalerluta, patsisissaqarunanngikkaluarluta. Qaammatialunnguit qaangiuttut takornartap aqqusinermi unitseriarlunga naqitaarannguamik Ilaqutariittut inuuneq nuannaarutigiuk-mik qulequtalimmik tunivaanga. Maluginiaqqaagara tassaavoq saqqaa kusanartoq ilaqutariinnik pilluartunik assiliartalik. Kingorna atuarpara uinnullu tunniullugu aamma taassuma atuarniassammagu.

Tupinnartuliatut ililluni ilaqutariinnerput pitsaaneruliinnanngilaq — aammattaaq allanngorluinnarpoq! Maanna paasivarput sunaaffa pilluarluni inuuneq taama ajornanngitsigisoq. Taamaallaat inussiarnisaalaarnissaq tunniusimanerlu pisariaqarput. Aamma Guutip peqqussutai maleruarneqartariaqarput Guutilu tullerpullu asallugit, ilaquttavut allallu.“

Naggasiivoq: „Inuuneq eqqissisimanarnerulertarpoq, ilorrisimaarnarnerullunilu pilluarnarnerulertarpoq. Biibilimik atuaqqissaartarnerput ingerlatiinnarniarparput meeqqavullu ilinniartillutigit.“

Illittaaq naqitaaraq iluaqutigisinnaavat. Ilanngullugu neqeroorutigerusupparput atuagaq 192-nik quppernilik qulequtaqartoq Ilaqutariittut pilluarneq isertugaateqarpoq. Naqitaaraq atuagarlu pisinnaavatit immersugassap ataaniittoq immersorneratigut adressimullu innersuussutigineqartumut nassiullugu. (gE 09/22 02)

□ Naqitaaraq Ilaqutaariittut inuuneq nuannaarutigiuk aamma atuagaq Ilaqutariittut pilluarneq isertugaateqarpoq perusuppakka.

□ Akeqanngitsumik Biibilimik atuaqqissaaqatigineqarnissara siunertaralugu saaffigineqarusuppunga.