„Jiisusi puigugaasimasoq nassaareqqippara“

Arnap Canadap illoqarfiisa pingaarnersaata Québec-ip ilaani Saint-Jérômemeersup, atuagaq Inuk inuit inuusimasut pingaarnerpaartaat atuareerlugu allappoq: „Soqutiginartingaarlugu Jiisusi puigugaasimasoq nassaareqqippara, Jiisusi eqqumiitsuliortut piviusorsiunngitsumik titartartagaat.“

Arnaq nangilluni oqarpoq: „Atuakkap assiliartai tupigusuutigeqaakka. Inuttai uannut piviusorpalaaqaat, soorlu Jiisusi nunami inuugallarami oqaluussillunilu taamatut isikkoqarsimaneranik takorloortakkakka.“ Allakkani ima naggaserpai: „Atuakkamut pitsaasumut pilluaritsi. Jiisusip ajoqersuutaanut ilumoortumut paasisaqarnerorusullutik kissaateqartunut pujorsiutitut aqqutissiuisutut ippoq.“

Atuakkap Inuk inuit inuusimasut pingaarnerpaartaat-ni Jiisusi nunami inuugallarami pisimasut tamaasa oqaluttuariniarpai, soorlu iivangkiiliuni sisamani saqqummiunneqartuni oqalunneri, assersuusiai tupinnartuliaalu ilanngullugit. Ajornanngikkaangat, pisimasut pisimanerarneqarsimanerattut tulleriiaarlugit oqaluttuareqqinneqarput. Soorlu qulaani eqqaaneqartutut atuagaq kusanartunik piviusorpalaartunillu assilialersugaavoq, Jiisusip taassumalu nalaani inuusimasut misigissusaannik paasinnilersitsisussanik.

Atuagaq taamaattoq 448-nik quppernilik pisinnaavat quppernermi uani immersugassaq immersoriarlugu nassiukkukku. (gE 12/22 02)

□ Atuagaq Inuk inuit inuusimasut pingaarnerpaartaat perusuppara.

□ Biibilimik akeqanngitsumik kursusernissaq pillugu atassuteqarfigineqarusuppunga.