Ajor­nar­torsiuter­pas­suat­ta toq­qis­sisimanitsin­nut ajoqutaasut siunis­satsin­nil­lu aarlerinar­titsisut inun­nit aaq­qin­neqarsin­naasoraagit? Aaq­qiis­sutis­saq iluaqutaas­sap­pat ajor­nar­torsiutitsin­nut pis­sutaasut, malun­niutaat kisiisa pin­nagit, paasisariaqar­pavut.

As­sersuuteqariar­ta, Tom nap­parsimavoq kingusin­nerusuk­kul­lu toqul­luni. Sooq toqua? Tomip toqungajalerluni nap­parsim­mavim­mi unif­figisaani nakorsaasoq ima al­lap­poq: “Nap­paataa malun­niuteqaleq­qaarmat tamatumun­nga pis­sutiviusoq paasiniar­neqan­ngilaq.” Siusin­nerusuk­kut Tomimik pas­sus­sisimasut taas­suma iluaal­laatigiin­nagas­saanik nakorsaasersimar­pasip­paat.

Tamatumun­nga as­singusumik silarsuarmi ajor­nar­torsiutit pis­sutiviat paasiniar­neqan­ngil­lat? As­sersuutigalugu pinerlut­tulior­nerit akior­niarlugit naalak­kersuisut inatsisilior­tar­put, videok­kut nak­kutil­liisoqar­nis­saa politiil­lu amerlinis­saat isumagisarlugit. Tamak­ku iluaqutaasaraluarlutik pis­sutiviusut iliuuseqarfigineqar­neq ajor­put. Isigin­nit­taatsim­mi, isum­mat kis­saatil­lu pis­susilersor­nermi erser­tar­put.

Daniel, nunami piitsuuf­fiuleralut­tuin­nar­tumi Amerika Kujal­lermiit­tumi najugalik, ima oqar­poq: “Sior­natigut toq­qis­sisimal­luta inuugaluar­pugut. Sak­kulisarluni ujajaasoqar­nis­saa an­nilaangagineq ajor­par­put. Maan­nali sumiluun­niit toq­qis­sisimanar­toqan­ngilaq. Piitsuugalut­tuin­nar­neq inup­pas­suit qanoq it­tuuneran­nik qulaarivoq – piumatuujuneran­nik inuunermil­lu al­lal­lu pigisaan­nik ataq­qin­nin­ngin­neran­nik.”

Angut Kangiani Qiterlermi akersuut­tut pis­sutigalugit qimaasimasoq kingusin­nerusuk­kul­lu Biibilimik atuaq­qis­saar­talersimasoq ima oqar­poq: “Angutit inuusut­tor­pas­suit uanga il­loqarfigisan­niit­tut ilaqut­tamin­nit aam­ma politik­kik­kut up­perisarsior­nik­kul­lu aaq­qis­suus­siner­nit sorsun­nermut akuliun­nermik­kut tusaamasan­ngoq­qul­lugit kajumis­saar­neqar­tar­put. Taak­kunun­ngalu il­luatungiliut­tut taamatorluin­naq aam­ma oqarfigineqar­tar­put! Takusin­naavara inun­nik naalak­kersuisunik tutsuigin­nin­neq qanoq pakatsinar­tigisoq.”

Atuakkami itsarnitsami ilisimassuseq erserpoq:

• ‘Inuit inuusun­nermin­niit ajor­tuin­narmik eqqarsaateqar­put.’ – 1 Mosesi 8:21.

• “Tamanit annerusumik uum­mat tatigisas­saan­ngitsuuvoq. ... Kiammi inuup uum­mam­miugisai ilisimasin­naavai.” – Jeremia 17:9.

• ‘Uum­mam­mit pisar­put eq­qarsaatipiluit, toqutsinerit, ... kinguaas­siuutitigut inuunerlun­nerit, til­lin­nerit, sal­lul­luni nalunaajaanerit.’ – Mat­thæusi 15:19.

Inuit pis­susipalaavi ajoqutaasut inuit nam­mineerlutik aaq­qiis­sutis­sarsisiman­ngilaat. Al­laam­mi inuit ajorsinerulersimap­put, ajor­nar­torsiutinit al­laaserisap matuma siuliani eq­qaaneqar­tunit erser­neratut. (2 Timotheusi 3:1-5) Paasis­sutis­sar­pas­suaqaraluar­toq aam­ma inuit at­taveqaqatigiil­luarsin­naagaluar­tut pis­sutsit taamaap­put! Taavami sooq silarsuaq toq­qis­sisimanar­tuutis­sin­naan­ngilar­put? Im­minut sapersip­pugut? Ajor­navis­soq anguniarsarivar­put?

Tupin­nar­tulior­nik­kut inuit pis­susipalaavi aaq­qis­sin­naagaluarutsigil­luun­niit silarsuaq tamanut toq­qis­sisimanar­tuutis­sin­naan­ngilar­put. Sooq? Pisin­naasavut kil­leqarmata.

 Ilumoor­toq imaap­poq: ‘Inuup ingerlavis­sani nam­mineq aalajangigas­sarin­ngilaa.’ (Jeremia 10:23) Aap, im­minut inoqatitsin­nil­lu naalak­kersuisus­satut pin­ngor­titaan­ngilagut, soorlu im­map iluani avataarsuaniluun­niit inuusus­satut pin­ngor­titaan­ngitsugut!

As­sersuutigalugu inuit qanoq inuus­sanerlutik naligisamin­nit oqalut­tuun­neqarusun­neq ajor­put, ilaa? Aam­ma ileq­qoris­saar­neq, naar­tuersin­neq, toqumut pil­laaneq qitor­nanil­lu perorsaaneq pil­lugit nam­min­neq aalajangerusut­tar­put. Tamak­ku inuit avis­saar­tuutigisaasa ilaminiin­naraat. Tas­sa Biibilimi al­las­simasut akueriuminaak­kaluarlutik paasinar­put. Inoqatitsin­nik naalak­kersuinis­samut pigin­naaneqan­ngilagut pisin­naatitaaf­feqarataluun­niit. Taavami kimut ikior­tis­sarsiorsin­naavugut?

Akis­sut pitsaaner­paaq tas­saavoq Pin­ngor­titsisitsin­nut ikior­tis­sarsior­neq. Taas­sumami pin­ngor­tip­paatigut. Isumaqar­toqar­poq taas­suma puiorsimagaatigut, taamaan­ngilarli. Uagutsin­nim­mi isumas­suinera siun­nersuutitsialan­nit Biibilimeersunit erser­poq. Atuagaq im­mik­kuul­laris­soq taan­na paasigutsigu im­minut paasil­luar­nerus­saagut. Inuil­lu oqalut­tuarisaanerat alianar­toq paasisin­naas­sal­lutigu. Filosof­fip tyskiusup al­las­simaneratut paasisin­naas­savar­put sooq “inuit naalak­kersuisul­lu oqalut­tuarisaaner­tik ilin­niarfigin­ngisaan­narlugulu paasisatik naaper­torlugit iliuuseqan­ngisaan­nar­tut”.

Ilisimas­suseqar­toq oqarsimavoq ‘ilisimas­suseq eq­qor­tuutitaasoq qitor­namigut’, tas­sa sun­niuteqar­nermigut. (Lukasi 7:35) Ilisimas­sutsimut ersiutaasumik Esaja 2:22-mi ima al­las­simavoq: “Tatigeqinasiuk inuk.” Siun­nersuutitsialak taman­na piviusuun­ngitsumik piviusorsior­palaan­ngitsumil­lu neriugisaqar­nis­samut il­lersuutigisin­naavar­put. Ken­neth il­loqarfim­mi Amerika Avan­narlermiit­tumi nakuuserfiungaar­tumi najugalik ima oqar­poq: “Politik­kerit pitsaanerulersitsiniarlutik neriorsuisar­put saperlutil­li. Iluatsin­ngitsoor­tar­nerit Biibilip ilumoor­neranik eq­qaasin­neqaatigisar­par­put.”

Daniel, siusin­nerusuk­kut eq­qaaneqar­toq, ima al­lap­poq: “Inuit naalak­kersuil­luarsin­naan­ngitsut ul­lut tamaasa up­per­narsisar­para. ... Aningaaserivim­mi aningaasaateqar­neq pensiuunisias­samaas­satul­luun­niit ileq­qaagaqar­neq toq­qis­sil­luni utoq­qalinis­samut qulak­keerutaan­ngilaq. Tamatumun­nga tun­ngatil­lugu inuit pakatseq­qarujus­suar­tut takusar­pak­ka.”

Biibili piviusorsiun­ngitsumik neriuuteqan­ngin­nis­samut il­lersuutigiin­nan­ngilar­put. Aam­mali, soorlu sam­mis­sagip­put, neriuutis­sip­paatigut.