Nukap­piaq­qat inuusut­tuaq­qat atuaqatitil­lu angalatil­lutik atuaqatimin­nik nukap­piaq­qamik pin­ngitsaaliil­lutik atoqateqar­tutut un­nerluun­neqar­put. Taak­ku tamarmik Canadami privatskolimi tusaamasaal­luar­tumi atuar­tuup­put. Taamatut un­nerluus­sisoqareersoq Leonard Ster­n aviisimi Ottawa Citizen-imi ima al­lap­poq: “Inuusut­tuaq­qat silas­soris­suugaluarlutik, ilin­niar­titaal­luarsimagaluarlutik in­nut­taaqatigiin­nilu ataq­qisaagaluarlutik aalajangiinerlus­sin­naap­put.”

Leonard Ster­n aam­ma ima al­lap­poq: “Isumaqar­nar­poq perorsaanermi anguniagas­saq pingaar­neq tas­saasoq qitor­nap ileq­qoris­saar­nis­saanik ineriar­tor­titsinis­saq. Angajoq­qaar­pas­suil­li qitor­namik atuarfim­mi ingerlal­luar­nis­saat aningaasarsiorlualer­nis­saal­lu eq­qarsaatiginerusar­paat.”

Ilumoor­poq ilin­niagaqar­neq pingaaruteqar­toq. Ilin­niar­titaanerli pitsaaner­paarluun­niit kis­saatipilun­nik ajor­tulioq­qajaaner­nil­lu akiuun­nis­samut iluaqutaan­ngilaq. Taavami tamak­kunun­nga tun­ngatil­lugu sumi ileq­qoris­saar­nis­samik ilin­niar­titaasoqarsin­naava?

Biibili tarrarsuutitut ip­poq. Tarrarsorfigigaangatsigu pisin­naasat­ta kil­leqar­nerat san­ngiif­fivul­lu takul­luarsin­naanerusar­pavut. (Jaaku 1:23-25) Biibilili aam­ma al­latut sun­niuteqar­tar­poq. Pisariaqar­tunik al­lan­nguinis­samut aam­ma eq­qis­sinivim­mik ataasius­suseqar­nermil­lu siuarsaasunik pis­suseqaler­nis­samut iluaqutigisar­par­put. Pis­suseris­saar­ner­nut ilaap­put ajun­ngisaar­neq, inus­siar­nisaar­neq, kamagit­tar­neq, im­minut naalak­kersin­naaneq asan­nin­nerlu. Asan­nin­neq tas­saanerar­neqar­poq ataasius­sutsip nimerutaa naam­mal­luin­nar­toq. (Kolos­semiut 3:14) Sooq asan­nin­neq taama im­mik­kuul­laritsigaa? Asan­nin­neq pil­lugu Biibilimi al­las­simasut malugik­kit.

• “Asan­nin­neq kamagit­tar­tuuvoq, asan­nin­neq saamasuuvoq, asan­nin­neq sin­ngasarin­ngilaq; pingaakujut­tar­nanilu perroor­tarin­ngilaq [makitasaar­tarin­ngilaq]. Kan­ngunar­tulior­tarin­ngilaq, nam­minis­sarsior­tarin­ngilaq; puf­fas­sar­tarin­ngilaq put­tarsisaqar­tar­nanilu. Iluaan­neq nuan­narisarinagu sal­lusuis­sut tipaatsuutigisar­paa. Tamatigut naam­magit­tar­tuuvoq, ... tamatigut ilalaar­tar­poq [piner­tusaar­tar­poq]. Asan­nin­neq soraan­ngisaan­nas­saaq.” – 1 Korinthimiut 13:4-8.

• “Asan­nit­tup tul­lini ajor­tuliorfigineq ajor­paa.” – Romamiut 13:10.

• “Tamanit an­nermik asaqatigiin­nersi at­tat­tuin­narsiuk, asan­nin­nerup ajor­ter­pas­suit matoor­tarmagit.” – 1 Petrusi 4:8.

Asan­nitsitit peqatigigaangak­kit qanoq misigisar­pit? Toq­qis­sisimasar­pit? Eq­qis­sisimasar­pit? Aap, nalun­ngilat pitsaaner­paamik kis­saak­kaatsit piaaralutil­lu ajoquser­navian­ngik­kaatsit.

Asan­nin­neq aam­ma inoqatit iluaqutigisaan­nik pil­liuteqar­titsisin­naavoq, al­laat inooriaatsimik al­lan­nguisitsil­luni. As­sersuutigalugu angut aataan­ngorami er­nut­tani ilagerusungaar­paa. Ajor­nar­torsiuteqar­porli. Pujor­tar­torujus­suuvoq, ningaavatalu naalungiarsuup eq­qaani pujor­taq­qun­ngilaa. Qanoq ilior­pa? Ukiuni 50-ini pujor­tar­tareeraluarluni er­nut­tani pil­lugu pujor­tar­tarun­naar­poq. Aap, asan­nin­neq sun­niiner­toqaaq!

 Asan­nin­neq ilin­niagas­saavoq. Qitor­nat qanoq asan­nin­nis­saan­nik ilin­niar­titsinermi angajoq­qaat pingaaruteqar­put. Qitor­natik nerisit­tar­paat il­lersor­tarlugil­lu, ajoquseraangatalu nap­parsimagaangataluun­niit ikior­tar­paat. Angajoq­qaajul­luar­tut qitor­natik oqaloqatigisar­paat ilin­niar­til­lugil­lu. Perorsar­tar­paat, ilaatigut suup eq­qor­tuuneranik suul­lu eq­qun­ngitsuuneranik najoq­qutaal­luar­tunik ilin­niar­til­lugit. Aam­mami qitor­namin­nut maligas­siuil­luar­tuup­put.

Ajoraluar­tumil­li angajoq­qaat ilaasa akisus­saaf­fitsik eq­qor­tin­ngilaat. Imaap­pa taak­kua qitor­naat ingerlanerlior­tuas­sasut? Naamerluin­naq! Al­laat utoq­qar­pas­suit, aam­ma ilaqutariin­ni ingerlanerlior­tuni peroriar­tor­tut, inuunermin­ni tupin­naan­nar­tumik al­lan­nguisimap­put, isumas­suil­luar­tun­ngorlutil­lu tatiginar­tuulerlutik. Soorlu al­laaserisami tul­liut­tumi sam­mis­sagip­put, aam­ma al­lan­ngorsin­naan­ngitsutut isigineqarsimagaluar­tut al­lan­ngorsimap­put.