Nam­mineq pisuugut­ta naal­liuutivut iliuuseqarfigisin­naas­savavut.

Naal­liuutinut ukunun­nga inuit qanoq pisuus­suteqar­tigip­pat?

• Timikkut naalliutsitaaneq.

  Nunarsuaq tamak­kerlugu peq­qin­nis­samik suliniaqatigiif­fim­mit (WHO-mit) mis­singer­neqarsimavoq inersimasut sisamaagaangata ataaseq meeraanermini persut­tagaasarsimas­sasoq aam­ma ar­nat pingasuugaangata ataaseq inuunermini arlaatigut persut­tagaasarsimas­sasoq kinguaas­siuutitigul­luun­niit ator­nerlugaasarsimas­sasoq (tamaasa atun­ngik­kunigit).

• Toqukkut annaasat.

  “2016-imi nunarsuaq tamak­kerlugu inuit 477.000-t mis­saat toqutaasimap­put.” (WHO-p saq­qum­mersitaani “World Health Statistics 2018”) Toqutaasut taak­ku saniatigut ilimagineqar­poq ukiumi tamatumani sorsun­ner­ni akersuun­ner­nilu inuit 180.000-t toqutaasimas­sasut.

• Peqqiilliuutit.

  “Inuit mil­liardinit amerlanerusut pujor­tar­tar­put, tupalu toqus­sutaaner­paanut tal­limanut ukunun­nga pisooqataavoq: Uum­mal­lun­nermut, aanaar­toor­nermut, anersaar­tuutik­kut aseruut­toor­nermut, pual­lun­nermut (KOL-imut) kiisalu puak­kut kræfter­nermut.” – Fran Smith, atuagas­siaq National Geographic.

• Innuttaaqatigiinni naligiin­ngisitaaneq.

  “Eq­qarsar­taatsik­kut misigis­sutsik­kul­lu naal­liuuteqaleriaan­naasut tas­saap­put piitsut, in­nut­taaqatigiin­ni inis­sisimaner­tik pis­sutigalugu naaper­tuil­luan­ngitsumik pineqar­tut, al­lamik naggueqar­ner­tik pis­sutigalugu uumis­sor­neqar­tut, angutaaner­tik ar­naaner­til­luun­niit pil­lugu as­sigiin­ngitsunik pineqar­tut, nuutsitaasut aam­ma kulturimin­nik il­lersuisut.” – Psykologi Jay Wat­ts.

  PAASISAQAR­NERUGIT

  Isigin­naaruk jw.org-imi filmi Sooq Guutip nunar­suaq pinngor­tippaa?

Inuit naalliuuter­passuarnut pisuupput.

Naalak­kersuisut naqisiman­nit­tut naalak­kersueriaatsimik­kut inuit kif­far­tuun­nerak­katik ar­torsaateqar­nerulersin­nerisigut naal­liuuter­pas­suar­nut pisooqataap­put.

“Inuit ilaat ataaseq inoqatiminut ajoqutaasumik pis­saaneqar­pal­laar­tar­poq.” – OQALUUSSISARTUP OQAASII 8:9.

Naalliuutit iliuuseqar­figineqar­sinnaapput.

Najoq­qutas­sianik Biibilimeersunik maleruaaneq peq­qin­nerulersitsil­lunilu al­lanik eq­qis­seqatigiis­sitsisar­poq.

“Silatusaar­neq timip inuuneraa, sin­ngatuuneq saar­nit aseruut­toor­neraat.” – USSATIT 14:30.

“Narrutsatsitsinerit, puf­fajanerit, kaman­nerit, nipilior­nerit mital­liineril­lu, tas­sami ajorsutsit suul­luun­niit, eq­qaasas­san­ngilasiluun­niit.” – EFESOSIMIUT 4:31.