As­sersuutigalugu inuit ilaat Biibilimik atuar­tar­ner­tik tas­sanilu siun­nersuutinik inuunermin­ni maleruaaner­tik pil­lugu qanoq oqar­tut maluginiaruk.

“Eq­qis­sisimanerusumik inuuler­punga. Isumak­kut misigis­sutsik­kul­lu peq­qin­neruler­punga. Nuan­naar­neruler­punga.” – Fiona.

“Biibilimik atuaq­qis­saar­nik­kut inuunin­ni siuner­taqarlualer­punga.” – Gnitko.

“Inuunera pitsaanerujus­suan­ngor­poq. Maan­na sulival­laarun­naar­punga ilaqut­tak­kalu pif­fis­saqarfiginerul­lugit.” – Andrew.

Al­lar­pas­suit aam­ma taamatut misigisar­put. Nunarsuaq tamak­kerlugu inup­pas­suit paasisimavaat Biibili ul­luin­nar­ni inuunermut tun­ngatil­lugu atoriaan­naasunik siun­nersuuter­pas­suaqar­toq.

Paasiniariar­tigu Biibili ukunun­nga tun­ngatil­lugu qanoq iluaqutaasin­naasoq ...

• Timik­kut peq­qis­sutsimut

• Misigis­sutsik­kut peq­qis­sutsimut

• Ilaqutariit­tut inuunermut ikin­nguteqar­nermul­lu

• Aningaasanik aqutsinermut

• Guutimut qanil­linermut

Al­laaserisani tul­liut­tuni ersersin­neqas­saaq Biibili tas­saasoq atuagaq Guutimeersoq ul­luin­nar­ni inuunin­ni as­sigiin­ngitsutigut iluaqutigisin­naasat.