Misissuinissamut siunnersuut
Meeqqanik ilinniartitsinermi iluaqutissat
Angajoqqaat meeqqaminnik Jehova pillugu ilinniartitsinissaminnik pingaarutilimmik akisussaaffeqarput. (Ef 6:4) Angajoqqaat ikiorumallugit Jehovap peqatigiissortaasa iluaqutissarpassuit saqqummersittarpaat. Meeqqavit ilinniartitsineranni taakku qanoq atorluarsinnaavigit?
JW.ORG alakkaruk. Tassani meeqqanut inuusuttuaqqanullu iluaqutaasinnaasut, ilaatigut videut suliassallu anillatsinneqarsinnaasut, nanisinnaavatit. a Naniumallugit “Biibilip atoriaannaanera” tooriarlugu “Inuusuttuaqqanut” imaluunniit “Meeqqanut” tooruk.
Meeqqannut tulluarsinnaasut toqqakkit. “Meeqqanut” tooriarlugu videut suliassallu iluaqutaasinnaasorisatit toqqarsinnaavatit. Aamma “Ilaqutariittut atuaqqissaaqatigiinnermi suliassat” misissorsinnaavatit.
Sammisaqaqatigiittaritsi. Videut suliassallu meeqqannut aliikkutassaannartut atornaveersaakkit. Meeqqatillu eqqartortarussigit Jehovamik ikinnguteqalernissaannut ikiussavatit.
a JW Library®-mi videut meeqqanoortut takuneqarsinnaapput. Videut amerlanerusut suliassallu ilaat takujumallugit oqaatsit qallunaatut toqqarsinnaavatit.
