1. Jehovap inuit maniguut­tut qanoq isumaqarfigai? Nas­suiaruk.

JEHOVAP inuit maniguut­tut asavai. Uum­matimik­kut maniguut­tut kisimik Jehovamut qanimut at­taveqarsin­naap­put. ‘Im­minul­li angisuutit­toq’ Jehovap “nalun­ngilaa ungasis­sumit”. (Tuss 138:6) Tamat­ta Jehova nuan­naar­tik­kusup­par­put asan­nin­neralu misigalugu, taamaat­tumik maniguun­nerup ineriar­tor­tin­nis­saanut pis­sutis­saqarluar­pugut.

2. Al­laaserisami suut sam­mineqas­sap­pat?

² Al­laaserisami apeq­qutit uku pingasut akineqas­sap­put: (1) Maniguun­neq qanoq paasisariaqar­pa? (2) Sooq ineriar­tor­tit­tariaqar­par­put? (3) Qaquguk­kut maniguun­ner­put misilin­neqarsin­naava? Soorlu sam­mineqarumaar­toq maniguun­nermik ineriar­tor­titsinitsigut Jehova nuan­naar­til­lugulu im­minut iluaqutis­sis­saagut. – Uss 27:11; Es 48:17.

3. Maniguun­neq qanoq paasisariaqar­pa?

³ Maniguun­neq tas­saavoq makitasuujunerup pingaakujut­tuunerul­lu akerlia. * Biibili naaper­torlugu inuup maniguut­tup nalun­ngilaa Jehova Guuti an­nerungaar­toq. Aam­ma nas­suerutigaa kinaluun­niit arlaatigut im­minit pigin­naaneqar­nerusoq. – Fil 2:3, 4.

4-5. Inuit maniguup­pasit­tut tamarmik maniguup­pat? Nas­suiaruk.

 ⁴ Inuit ilaat maniguup­pasis­sin­naap­put. Imaas­sin­naavoq it­tuutusut imaluun­niit kulturik­kut tunuliaqutar­tik peroriar­tor­ner­til­luun­niit pis­sutigalugu pis­suseril­lutil­lu ataq­qin­nit­tuusut. Ilumoor­tumil­li makitasuujusin­naap­put. Uum­matimik­kut qanoq it­tuunerat paasinarsiumaar­poq. – Luk 6:45.

⁵ Paarlat­tuanik, oqar­toqarsin­naan­ngilaq inuit im­minut tatigigamik isum­mamin­nil­lu an­nis­sisin­naagamik makitasuujusut. (Joh 1:46, 47) Ilumoor­poq inuit am­masut pigin­naasamik tatigival­laar­nis­saanik mianersor­tariaqar­tut. It­toor­tuugaluarut­ta am­masuugaluarut­taluun­niit uum­matik­kut maniguun­nis­saq tamat­ta ilungersuutigisariaqar­par­put.

6. Korinthimiunut al­lak­kat siul­liit 15:10-mi ersersin­neqar­tutut Paulusi qanoq ilin­niarfigisin­naavar­put?

⁶ Apustili Paulusi eq­qarsaatigiuk. Taan­na il­loqarfin­ni amerlasuuni ilagiin­nik pilersitsinermi Jehovamit ator­neqangaatsiar­poq. Ilimanarsin­naavoq Jiisusip apustiliinit al­lanit taan­na kif­far­tor­nermi angusaqar­nerusoq. Taamaat­torli qatan­ngutiminit im­minut an­nerutin­ngilaq. Maniguul­luni ima oqar­poq: ‘Uanga apustilinit tamanit nikanar­nersaavunga apustilimik taaneqar­nermut qin­ngaq­qun­narlunga, Guutip ilagiis­sai qinugisimagak­kit.’ (1 Kor 15:9) Taava eq­qor­tumik isum­mer­poq suliani pigin­naasaniluun­niit pis­sutiginagit Jehoval­li ‘saam­maan­nera’, tas­sa pisas­sarin­ngisaraluamik ajun­ngisaar­nera, pis­sutigalugu Jehovamut qanimut at­taveqarluni. (1 Korinthimiut 15:10 atuaruk). Paulusi maniguun­nermut tun­ngatil­lugu maligas­siuil­luar­poq. Korinthimi ilagiin­ni angutit ilaan­nit isor­nar­torsior­neqaraluarluni taak­ku al­laf­figigamigit pingaakujulin­ngilaq. – 2 Kor 10:10.

7. Nalitsin­ni qatan­ngut angut ilisimaneqarluar­toq maniguun­nermik qanoq ersersitsiva?

 ⁷ Karl F. Klein, Siulersuisoqatigiin­ni ilaasor­tatut kif­far­torsimasoq, maniguun­nermut maligas­siuil­luar­poq. Taas­suma misigisalik­kersaarutaa qiim­maal­lan­nar­poq. Ukiut ingerlanerini unam­miniar­nar­tis­simasani maniguul­luni nas­suerutigai. As­sersuutigalugu 1922-mi il­lumiit il­lumut siul­lermeerluni oqaluus­sivoq, saper­nar­tik­kamiul­li ukiuni marlun­ni misileeq­qin­ngilaq. Betelimi kif­far­tor­til­luni oqaaq­qis­saar­neqareerluni narrujuum­meq­qavoq. Aam­ma kingor­na sianiutimigut qasusoor­poq, qaangerluguli. Taamaat­torli pis­sanganar­tunik pingaarutilin­nil­lu suliaqarsimavoq. Qatan­ngut Klein ilisimaneqarluaraluarluni san­ngiis­sutini pil­lugit am­masumik oqalut­tuarsin­naam­mat maniguun­nera ersarip­poq. Qatan­nguter­pas­suat­ta qatan­ngutip Kleinip un­neq­qaril­luni misigisalik­kersaarutaa nuan­naralugu eq­qaamavaat. *

8. Petrusip al­lagai siul­liit 5:6-imi qanoq erser­pa maniguun­ner­put Jehovap iluarigaa?

⁸ Maniguun­nermik ineriar­tor­titsinis­samut pis­sutiginiagas­sar­put pingaar­ner­paaq tas­saavoq Jehovap iluarim­magu. Apustilip Petrusip taman­na ersersip­paa. (1 Petrusi 5:6 atuaruk). Petrusip al­latai taak­ku atuak­kami ‘Kom og følg mig’-imi ima nas­suiar­neqar­put: “Makitaneq toqunar­tutut ip­poq – ajor­torujus­suarmik kinguneqar­titsisin­naavoq. Pis­susiuvoq inum­mik pigin­naasaqarluar­tumik Guutimit ator­neqarsin­naajun­naar­titsisoq. Paarlat­tuanik maniguun­neq pis­sutigalugu inuk pigin­naasaqar­pasin­ngik­kaluar­toq Guutimit ator­neqarluarsin­naavoq. ... Maniguun­nerit pis­sutigalugu Guutit­ta akis­sarsisin­nis­sat nuan­naarutigis­savaa.” * Ilumum­mi, Jehovap uum­mataata nuan­naar­tin­neranit pil­luar­nar­nerusoqan­ngilaq! – Uss 23:15.

9. Sooq maniguun­neq al­lanik kajungilersitsisar­pa?

⁹ Jehovap iluarisaatut ilior­nit­ta saniatigut maniguun­nermik ineriar­tor­titsineq iluaqutis­sar­pas­suaqar­poq. Maniguuk­kut­ta inuit kajungilersis­savavut. Taman­na paasil­luarumal­lugu inuit qanoq it­tut ilagerusut­tar­neritit eq­qarsaatigiuk. (Matt 7:12) Inuk nam­mineq piumasaminik al­lanik ilior­titserusut­tar­toq siun­nersuutinil­lu tusar­naar­neq ajor­toq nalingin­naasumik ilagerusun­neq ajor­par­put. Qatan­ngutivul­li ‘misigin­neqataasut, qatan­ngutigiit­tut asaqatigiit­tut, nal­lit­tuisut qanilaar­tul­lu’  ilagis­sal­lugit nuan­naraar­put. (1 Petr 3:8) Uagut inuit maniguut­tut ilagerusuk­kutsigit ilimagisin­naavar­put maniguuk­kut­ta taak­kua ilagerusus­sagaatigut.

10. Maniguun­neq inuunitsin­nik qanoq ajor­nan­ngin­nerulersitsiva?

¹⁰ Maniguun­neq inuunitsin­nik ajor­nan­ngin­nerulersitsivoq. Ilaan­nik­kut naaper­tuil­luan­ngitsumik nalaataqarlutalu takusaqar­tar­pugut. Kun­ngi Salomo ima al­lap­poq: “Takusimavak­ka inus­siat hestersut naalagar­tal­li inus­siatut pisuin­nar­tut.” (Oqal 10:7) Inuit pigin­naasaqarluar­tut ilaan­nik­kuin­naq nersor­neqar­tar­put, al­lal­lu pigin­naasaqar­pian­ngitsut nersor­neqangaar­tarlutik. Taamaak­kaluar­toq Salomop paasivaa inuunermi atuk­katsin­nik akuersineq pitsaanerusoq nuan­niitsut eq­qarsaatigival­laar­neran­nit. (Oqal 6:9) Maniguut­tuugut­ta inuunermi atuk­kavut akueriuminar­nerutis­savavut – aam­ma unam­miniar­naraluar­pata.

11. Naq­qin­neqar­nermi qanoq qisuariar­tariaqar­pugut?

¹¹ Ul­lut tamaasa maniguun­nermik ersersitsinis­samut periarfis­saqar­tar­pugut. Ilaan­nik as­sersuuteqariar­ta. Naq­qin­neqaraangat­ta. Eq­qaamasariaqar­par­put arlaat naq­qin­niarluta iliuuseqar­pat ilimagisatsin­nit an­nerusumik kuk­kusimas­sagunar­tugut. Imaas­sin­naavoq naq­qiisup siun­nersuutaa aal­laq­qaam­mut akuererusun­ngik­kip­put. Aam­ma inut­taanik naq­qeeriaasianil­luun­niit isor­nar­torsiueq­qajaasin­naavugut. Maniguuk­kut­tali eq­qor­tumik isigin­nit­taaseqar­nias­saagut.

12. Us­satit 27:5, 6-ilu naaper­torlugit sooq naq­qin­neqaraangat­ta qujamasut­tariaqar­pugut? As­sersuusiorit.

¹² Maniguut­tup naq­qin­neqar­nini qujamasuutigisar­paa. Ima as­sersuusiarisin­naavar­put: Takorlooruk ataatsimiin­nermi qatan­ngutit arlal­lit oqaloqatigigitit. Taava ilaata avin­ngarutilaar­paatit oqarfigalutil­lu kuk­kaqar­tutit. Qular­nan­ngitsumik kan­ngusulaas­sagunar­putit, paasitin­neqar­neril­li qujamasuutigis­sagunar­pat. Al­laam­mi siusin­nerusuk­kut paasitin­neqarsimanis­sat kis­saatigis­sagunar­pat. Tamatumun­nga as­singusumik pisariaqar­titatsin­nik naq­qiisoq maniguul­luta qujamasuutigisariaqar­par­put. Taan­na ikin­ngutitut isigaar­put, akeq­qatuun­ngitsoq. – Ussatit 27:5, 6 atuakkit; Gal 4:16.

13. Al­lat ilagiin­ni akisus­saaf­filer­neqaraangata qanoq maniguun­nermik ersersitsisin­naavugut?

¹³ Al­lat ilagiin­ni akisus­saaf­filer­neqaraangata. Jason, utoq­qaaner­taasoq, ima nas­suer­poq: “Al­lat ilagiin­ni akisus­saaf­filer­neqaraangata ilaan­nik­kut eq­qarsar­tar­punga sooq uanga toq­qar­neqan­ngitsunga.” Aam­ma il­lit  taama misigisar­pit? Jehovamut kif­far­tor­nitsin­ni iliuuseqar­nerorusun­ner­put pitsaavoq. (1 Tim 3:1) Eq­qarsaativul­li mianersuut­tariaqar­pavut. Mianersun­ngik­kut­ta an­neruniar­neq uum­matitsin­ni ineriar­tulersin­naavoq. As­sersuutigalugu qatan­ngut angut eq­qarsalersin­naavoq ilagiin­ni akisus­saaf­fim­mut aalajangersimasumut piuk­kun­nar­ner­paal­luni. Nuliaasorluun­niit naleq­qius­sil­luni ima eq­qarsalersin­naavoq: ‘Uiga piuk­kun­nar­nerugaluar­poq!’ Uum­matik­kul­li maniguuk­kut­ta taamatut eq­qarsaq­qajaas­san­ngilagut.

14. Al­lat akisus­saaf­filer­neqar­neran­ni Mosesip qisuariar­nera qanoq ilin­niarfigaar­put?

¹⁴ Al­lat akisus­saaf­filer­neqar­neran­ni Mosesip qisuariar­nera ilin­niarfigisin­naavar­put. Mosesip Israelik­kun­nik siulersuisuutitaanini pingaar­tingaar­paa. Jehoval­li Mosesip suliarisarsimasaasa ilaan­nik al­lat sulias­sim­magit Mosesi qanoq qisuariar­pa? Sin­ngalin­ngilaq. (4 Mos 11:24-29) Inun­nik eq­qar­tuus­sinermi ikior­neqar­nis­sani maniguul­luni akueraa. (2 Mos 18:13-24) Taman­na Israelik­kun­nut iluaqutaavoq, eq­qar­tuus­sinermimi sul­lin­neqar­nis­samin­nut utaq­qisariaqar­ner­tik sivikin­nerulermat. Tamatumuuna erser­poq al­lat iluaqutis­saat nam­mineq akisus­saaf­feqar­nis­samit Mosesip pingaar­tin­nerugaa. Uagutsin­nut maligas­siuil­luangaarami! Eq­qaamas­savar­put Jehovamit ator­neqarluar­nis­sar­put kis­saatigigutsigu maniguun­nit­ta pigin­naasavut akimor­tariaqarmagit. ‘Jehovami qutsin­nermiik­kaluarluni nikanar­tut isigai.’ – Tuss 138:6.

15. Qatan­nguter­pas­suat­ta pis­sutsit atugaat qanoq al­lan­ngorsimap­pat?

¹⁵ Pis­sutsit atuk­kavut al­lan­ngoraangata. Ukiuni kingul­ler­ni qatan­nguter­pas­suit ukior­pas­suar­ni misilit­tagaqarsimasut nutaamik sulias­sin­neqar­put. As­sersuutigalugu 2014-imi ilageeqatigiin­nik arlalin­nik nak­kutil­liisut nuliatil­lu al­latut pif­fis­saq tamaat kif­far­tulis­sasut peqatigiif­fim­mit piumasarineqar­poq. Aam­ma  ukiumi tamatumani aalajanger­neqar­poq qatan­ngutit angutit 70-inik ukioqalersut ilagiin­nik nak­kutil­liisutut kif­far­torun­naas­sasut. Aam­ma utoq­qaaner­tat 80-it pal­lil­lugit ukioqaleraangamik utoq­qaaner­taqatigiin­ni ataqatigiis­saarisutut kif­far­torun­naar­tar­put. Tamatuma saniatigut ukiuni kingul­ler­ni Betelimi kif­far­tor­tut arlal­lit pioneritut kif­far­tor­tun­ngor­tin­neqarsimap­put. Al­lat pif­fis­saq tamaat im­mik­kut it­tumik kif­far­torun­naar­tariaqarsimap­put, im­maqa peq­qiil­liuleramik, ilaqutariin­ni akisus­saaf­feqar­neruleramik al­lanil­luun­niit pis­suteqarlutik.

16. Qatan­ngutit­ta atugaasa al­lan­ngor­neran­ni maniguul­lutik qanoq naleq­qus­sarsin­naasimap­pat?

¹⁶ Taamatut al­lan­nguisoqar­nera qatan­ngutit angutit ar­nal­lu ajor­nakusoor­tis­simavaat. Nutaamik sulias­sin­neqar­tut amerlasuut ukior­pas­suar­ni suliarinikuusar­tik nuan­naarutigingaar­paat. Ilaat pis­sutsit atuk­katik nutaat sungiun­niar­nerini aliasut­tar­put. Pif­fis­sal­li ingerlanerani naleq­qus­sar­put. Sooq? Jehovamik asan­nin­ner­tik pingaar­ner­tut iluaqutigigamik­ku. Nalun­ngilaat Guuti tun­niul­luin­narfigalugu – suliaq aalajangersimasoq atorfil­luun­niit pin­nagu. (Kol 3:23) Maniguul­lutik Jehovamut kif­far­tor­nermi qanorluun­niit sulias­sin­neqar­ner­tik nuan­naarutigaat. ‘Isumakuluutitik tamaasa Jehovamut pisip­paat’ nalunagu isumas­soraatik. – 1 Petr 5:6, 7.

17. Sooq maniguun­nermik ineriar­tor­titsinis­samut Biibilimi kajumis­saar­neqar­ner­put qujamasuutigaar­put?

¹⁷ Maniguun­nermik ineriar­tor­titsinis­samut Biibilimi kajumis­saar­neqar­ner­put qujamasun­nangaarami, ilaa? Maniguun­nermik ineriar­tor­titsigut­ta al­lat iluaqutis­siin­nar­nagit uagutsin­nut­taaq iluaqutis­sis­saagut. Inuunermi unam­miniar­nar­tut piner­tusaarluta ator­nerusin­naas­savavut. Pingaar­ner­tut, Ataatatsin­nut qilam­miusumut qanin­nerusumik at­taveqalis­saagut. Nuan­neqaaq nalunagu Jehovap tamanit qutsin­ner­paagaluarluni kif­fani maniguut­tut asal­lugil­lu erligigai. – Es 57:15.