1, 2. Sooq al­lat kif­far­tor­nermi sulias­sanik ilin­niar­tit­tariaqar­pavut?

JIISUSI Naalagaaf­fik pil­lugu oqaluus­siniarluni tamaviaar­tar­poq. Aam­ma ajoqersuk­kani pif­fis­saq an­ner­tooq atorlugu al­lanik ilin­niar­titsinermik Guutil­lu in­nut­taanik isumas­suinermik ilin­niar­tit­tar­pai. Ajoqersuk­kat savanik paarsisunik isumas­suil­luar­tunik ilaarsinis­sar­tik ilik­kar­paat. (Mat­t 10:5-7) Aam­ma Filipip oqaluus­sineq ulap­putigigaluarlugu panini oqaluus­sinermik ilin­niar­tit­tar­pai. (ApS 21:8, 9) Uagut­taaq al­lat ilin­niar­tit­tariaqar­pavut. Sooq?

² Nunarsuaq tamak­kerlugu ilagiin­ni oqaluus­sisar­tun­ngorlaat amerlasuut kuisin­nikuun­ngitsut ilin­niar­tin­neqar­tariaqar­put. Nam­mineq Biibilimik atuar­tar­nis­sap atuaq­qis­saar­nis­sal­lu pingaaruteqas­susian­nik paasin­neq­qul­lugit ikior­tariaqar­pavut. Aam­ma nutaarsias­samik nuan­nersumik oqaluus­sisar­nermik ilin­niar­tit­tariaqar­pavut. Qatan­ngutit angutit kuiserlaat ilagiin­ni kif­far­tor­tutut imaluun­niit utoq­qaaner­tatut kif­far­torsin­naanias­sam­mata ilin­niar­tin­neqar­tariaqar­put. Ilagiin­niit­tut tamarmik oqaluus­sisar­tun­ngorlaanik ilin­niar­titseqataasin­naap­put. – Us­s 4:2.

3, 4. (a) Paulusip Biibilimik atuaq­qis­saar­neq oqaluus­sinermilu angusaqarluar­neq qanoq atas­suser­pai? (b) Atuaq­qis­saaqatigisar­tak­kavut Biibilimik atuaq­qis­saar­taleq­qul­lugit kajumis­saan­ngin­nerini susariaqar­pugut?

³ Nam­mineq Biibilimik atuaq­qis­saar­tar­neq qanoq pingaaruteqar­tigaa? Taman­na apustilip Paulusip qatan­ngutinut Kolos­semiit­tunut al­lak­kamini ima akivaa: “Soraan­ngilagut qin­nut­tarlusi. Qin­nutigisar­par­put tamatigut ilisimas­suseqar­nis­sigut anersaak­kul­lu paasisimasaqas­sutsis­sigut naam­mat­tumik Guutip piumasaanik paasin­niler­nis­sarsi, Naalak­kap piumasaa malil­lugu inuusin­naalerlusi, tamatigut iluarisaanik ilioq­qul­lusi ajun­ngitsulianil­lu tamanik inerititaqaq­qul­lusi, Guutimik ilisimasaqar­nersi al­liar­tuin­naq­qul­lugu.” (Kol 1:9, 10) Qatan­ngutit Kolos­semiit­tut eq­qorluar­tumik ilisimasaqaler­nermik­kut ‘Jehovap piumasaa malil­lugu inuusin­naalis­sap­put’. Taman­na ‘tamatigut iluarisaanik ilior­nis­samut ajun­ngitsulianil­lu tamanik inerititaqar­nis­samut’ iluaqutigis­savaat. Jehovamik pal­lorfigin­nit­toq oqaluus­sinermi angusaqarluarumal­luni Biibilimik atuaq­qis­saar­nermik ileq­qulius­sisariaqar­poq. Biibilimik atuaq­qis­saaqatigisar­tak­kavut tamatumin­nga paasin­nin­nis­saan­nik ikior­tariaqar­pavut.

⁴ Nam­mineq Biibilimik atuaq­qis­saar­nermik ileq­qulius­sisiman­ngik­kut­ta Biibilimik atuaq­qis­saaqatigisar­tak­kavut atuaq­qis­saar­nerup pingaaruteqas­susianik paasin­nin­nis­samik ilin­niar­tis­sin­naas­san­ngilavut. Ul­lut tamaasa Biibilimik atuar­tar­ner­put eq­qarsaatigin­neq­qis­saar­tar­ner­pul­lu inuunitsin­ni kif­far­tor­nitsin­nilu iluaqutigis­savavut. As­sersuutigalugu oqaluus­sinermi akiuminaatsumik aperineqarut­ta Biibili atorlugu akisin­naas­saagut. Imaluun­niit Jiisusip, Paulusip al­lal­lu oqaluus­siuar­nerat pil­lugu atuar­ner­put qiim­maal­laatigis­sal­lugulu ar­tor­nar­torsioraluarluta oqaluus­siuar­nis­samut iluaqutigis­savar­put. Aam­ma nam­mineq atuaq­qis­saar­nitsin­ni ilik­kak­katsin­nik iluaqutigin­nis­simaner­put pil­lugu al­lat oqalut­tuut­tar­nerisigut nam­mineq iluaqutigisamin­nik itinerusumik Biibilimik atuaq­qis­saar­nis­samut kajumis­saarsin­naavavut.

5. Atuaq­qis­saaqatigisar­tak­kavut nam­mineq atuaq­qis­saar­nermik ileq­qulius­sinis­samik qanoq ilin­niar­tis­sin­naavavut?

⁵ Im­maqa eq­qarsar­putit: ‘Atuaq­qis­saaqatigisar­tagara Biibilimik atuaq­qis­saar­nermik ileq­qulius­sinis­samik qanoq ilin­niar­tis­sin­naagak­ku?’ Im­maqa Biibililersaarum­mik atuaq­qis­saaqatigiis­sutigisas­sin­nik piareersar­nermik ilin­niar­tis­sin­naavat. Atuak­kami Biibilimi sor­piaat ajoqersuutigineqar­pat?- mi tapilius­sanik al­las­simaf­fin­nil­lu eq­qaaneqar­tunik atuaq­qul­lugu siun­nersorsin­naavat. Tamatuma kingor­na ataatsimiin­ner­ni akinis­samut piareersar­nermik ilin­niar­tis­sin­naavat. Atuagas­siaatitsin­nik nutaanik tamanik atuar­tar­nis­saanik kajumis­saaruk. Aam­ma INTER­NETIK­KUT ATUAGAATEQARFIK Watchtower atorlugu apeq­qutinut Biibilimut tun­ngasunut akis­sutis­sarsior­nis­samik ilin­niar­tis­sin­naavat. Nam­mineq atuaq­qis­saar­nermi periutsinik taak­kunin­nga as­sigiin­ngitsunik misiliinini nuan­naris­sal­lugulu ilik­kagaqar­nerunis­samut kajumis­sis­sutigisin­naavaa.

6. (a) Atuaq­qis­saaqatigisar­tak­kat Biibilimik pingaar­titsinis­samut qanoq kajumis­saarsin­naaviuk? (b) Atuaq­qis­saaqatigineqar­tar­toq Biibilimik nuan­narin­nileruni sunis­samut piumas­suseqalis­sagunar­pa?

⁶ Biibili iluaqutigalugu Jehova ilisarisimal­lualersin­naagatsigu atuaq­qis­saaqatigisar­tagar­put Biibilip pingaaruteqas­susianik paasin­neq­qul­lugu ikiorusup­par­put. Atuaq­qis­saar­nis­samut pin­ngitsaalinagu qanoq atuaq­qis­saar­nermik nuan­naarutigin­nis­sin­naasoq takutis­sin­naavar­put. Biibili pil­lugu ilin­niar­nerujar­tor­til­luni tus­siaasior­tutut ima al­lat­tutut misiginerulis­saaq: “Guuti qanil­lugu inuuneq tas­sa pil­luar­nar­tora. Qimar­nguf­figaara Guuti Naalagaq.” (Tus­s 73:28) Jehovamut qanil­lerusut­tut qular­nan­ngitsumik anersaamit il­ler­nar­tumit ikior­neqas­sap­put.

7. Jiisusip oqaluus­sisar­tut qanoq ilin­niar­tip­pai? (Al­laaserisap aal­laq­qaataani as­seq takuuk).

⁷ Jiisusip apustiliminik ilin­niar­titseriaasia Mat­thæusip iivangkiiliuani kapitali 10-mi eq­qaaneqar­toq ilin­niarfigingaarsin­naavar­put. Apustilit Jiisusi oqaluus­seqatigisaramik­ku al­lanik ilin­niar­titsisoq tusar­naar­tar­paat. Aam­ma Jiisusip qanor­piaq oqaluus­sinis­saan­nik ilin­niar­tit­tar­pai. ^[1] Pif­fis­sap sivikitsup ingerlanerani apustilit inuit sal­lusuis­sum­mik qanoq ilin­niar­tis­sal­lugit Jiisusimit ilik­kar­paat. (Mat­t 11:1) Oqaluus­sisar­tun­ngorlaat marlutsigut qanoq ilin­niar­tis­sin­naanerlugit sam­meriar­tigu.

8, 9. (a) Jiisusip oqaluus­sinermini inuit qanoq oqaluut­tar­pai? (b) Oqaluus­sisar­tun­ngorlaat Jiisusitut oqalut­tar­nis­samik qanoq ilin­niar­tis­sin­naavavut?

⁸ Inun­nik oqaloqateqar­neq. Jiisusip inup­pas­suit ataatsimoor­tut oqaloqatigiin­nar­nagit inuit ataasiak­kaat inus­siar­nersumik oqaloqatigisar­pai. As­sersuutigalugu ar­naq il­loqarfiup Sykarip eq­qaani puilasumut imer­tar­toq soqutiginar­tumik oqaloqatigaa. (Joh 4:5-30) Jiisusip aam­ma Mat­thæusi Levi, ilan­ngaaserisoq, oqaloqatigigamiuk maleq­qul­luni kajumis­saar­paa. Mat­thæusi akuersivoq kingusin­nerusuk­kul­lu Jiisusi al­lal­lu angerlarsimaf­fim­minut neriar­toq­qul­lugit. Tas­sani Jiisusip inup­pas­suit oqaloqatigai. – Mat­t 9:9; Luk 5:27-39.

⁹ Jiisusip aam­ma Nathanaeli Nazaretimiut pil­lugit ajor­tumik oqaaseqaraluar­toq inus­siar­nersumik oqaluup­paa. Nathanaelip inus­siar­nersumik oqaluun­neqarami Jiisusi, Nazaretimiu, pil­lugu isum­mani al­lan­ngor­tip­paa. Aam­ma  Nathanaeli Jiisusi pil­lugu ilin­niar­nerorusuler­poq. (Joh 1:46-51) Inuit inus­siar­nersumik oqaluut­tarutsigit tusar­naarusun­nerulis­sasut Jiisusip maligas­siuineranit ilik­kar­par­put. ^[2] Oqaluus­sisar­tun­ngorlaat taamatut oqalut­tar­nis­saan­nik ilin­niar­tik­kutsigit oqaluus­sineq nuan­narinerulis­savaat.

10-12. (a) Jiisusip oqaluus­sinermini tusar­naarusut­tut qanoq ilin­niar­tit­tar­pai? (b) Oqaluus­sisar­tun­ngorlaat ilin­niar­titsil­laq­qin­neruleq­qul­lugit qanoq ikiorsin­naavavut?

¹⁰ Tusar­naarusut­tunik ilin­niar­titsineq. Jiisusip ulapik­kaluarluni inuit tusar­naarusut­tut pif­fis­saqarfigisarlugil­lu as­sigiin­ngitsor­pas­suar­nik ilin­niar­tit­tar­pai. As­sersuutigalugu inup­pas­suit taamaal­lutik tasersuup sinaani tusar­naarumal­lutik katersuum­mata Petrusip umiatsiaanut ikeriarluni Jiisusip ajoqersuler­pai. Tamatuma kingor­na Petrusi aam­ma ilin­niar­tin­niarlugu aalisagar­pas­suar­nik tupin­nar­tulior­nik­kut pisaqar­tereerlugu ima oqarfigaa: “Maan­namiit inun­nik pisaqar­talerumaar­putit.” Petrusip ilagisaasalu ingerlaan­naq “umiatsiatik tulatsip­paat, tamaasalu qimal­lugit [Jiisusi] malip­paat”. – Luk 5:1-11.

¹¹ Aam­ma Nikodemusi Jiisusimit ilik­kagaqar­nerorusup­poq. Kil­lisiuisoqatigiin­nul­li ilaasor­taagami Jiisusimik oqaloqateqar­nini pil­lugu inuit qanoq oqas­sanersut an­nilaan­ngatigigamiuk Jiisusi un­nuak­kut pulaar­paa. Jiisusip ingerlaan­naq taan­na anisin­nagu pif­fis­saqarfigalugu sal­lusuis­sutinik pingaarutilin­nik ilin­niar­tip­paa. (Joh 3:1, 2) Jiisusip inuit sal­lusuis­sum­mik ilin­niar­tik­kumal­lugit up­per­nik­kul­lu nakus­satsik­kumal­lugit pif­fis­saqarfigisar­pai. Uagut­taaq inuit pif­fis­saqarluar­til­lugit alak­karusul­lugil­lu Biibilimik paasin­nin­nis­samik ikior­niarlugit pif­fis­saqarfigisar­pavut.

¹² Oqaluus­sisar­tun­ngorlaat oqaluus­seqatigigaangatsigit oqaloqateqar­nis­samut piumas­suseqar­tunik pulaaq­qiinis­samik ilin­niar­tit­tarsin­naavavut. Aam­ma pulaaq­qit­tak­katsin­nut Biibilimil­lu atuaq­qis­saaqatigisar­tak­katsin­nut ilagisin­naavavut. Taamaalil­lutik al­lanik ilin­niar­titsineq ilin­nias­sal­lugulu Jehova pil­lugu sal­lusuis­sutinik ilin­niar­titsineq qanoq nuan­ner­tigisoq misigis­savaat. Tamatuma kingunerisaanik oqaluus­sisar­tun­ngorlaat pulaaq­qiinis­sar­tik Biibilimil­lu atuaq­qis­saaqateqar­nis­sar­tik nuan­narilis­savaat. Aam­ma nikal­lujuin­neq angerlarsiman­ngitsoor­titsinermilu kingusin­nerusuk­kut aggeq­qit­tar­nis­saq ilin­nias­savaat. – Gal 5:22; takuuk ungalusaq “ Aggeq­qit­tuar­poq”.

13, 14. (a) Inuit Biibilimi eq­qaaneqar­tut al­lanik ikiuiumal­lutik iliuuseqangaarsimasut ilaan­nik eq­qaasaqarit. (b) Oqaluus­sisar­tun­ngorlaat inuusut­tul­lu qatan­ngutinut asan­nit­tulior­nermik qanoq ilin­niar­tis­sin­naavigit?

¹³ Jehovap piumasaraa kif­fani qatan­ngutigiit­tut asaqatigiis­sal­lutil­lu kif­far­toqatigiis­sasut. (Lukasi 22:24-27; 1 Petrusi 1:22 atuak­kit). Biibilimi nas­suiar­neqar­poq Jiisusip al­lat ikiorumal­lugit inuunini al­laat tun­niuk­kaa. (Mat­t 20:28) Tabitha ‘ajun­ngitsuliungaar­tar­poq tunis­sutinil­lu amerlasuunik tunisisarluni’. (ApS 9:36, 39) Mariap Romami qatan­ngutini ‘sul­lil­luar­pai’. (Rom 16:6) Oqaluus­sisar­tun­ngorlaat qatan­ngutinut ajun­ngitsulior­tar­nerup pingaaruteqas­susianik paasin­neq­qul­lugit qanoq ikiorsin­naavavut?

¹⁴ Utoq­qar­nut nap­parsimasunul­luun­niit pulaaleraangat­ta oqaluus­sisar­tun­ngorlaat  ilaserisarsin­naavavut. Aam­ma angajoq­qaat taak­kunun­nga pulaaleraangamik naleq­qup­pat qitor­natik ilagisarsin­naavaat. Utoq­qaaner­tat taak­ku ikior­niarlugit nerisas­sior­nermi angerlarsimaf­fiiniluun­niit iluarsar­tuus­sinermi inuusut­tut oqaluus­sisar­tun­ngorlaal­luun­niit ikior­tiserisarsin­naavaat. Inuusut­tut oqaluus­sisar­tun­ngorlaal­lu taamaalil­lutik qatan­ngutitut ikioqatigiin­neq ilik­kas­savaat. As­sersuutigalugu avin­ngarusimasumi oqaluus­sinermi utoq­qaaner­tap qatan­ngut angut tas­sani najugalik ajun­ngin­nersoq paasiniarlugu pulaakulasar­paa. Qatan­ngutip angutip inuusut­tup oqaluus­seqatigisar­tagaata utoq­qaaner­tap maligas­siuil­luar­neranit qatan­ngutinik isumas­suineq ilik­kar­paa. – Rom 12:10.

15. Sooq utoq­qaaner­tat ilagiin­ni angutit anersaak­kut ineriar­tor­nis­saan­nik soqutigin­nin­nis­saat pingaaruteqar­pa?

¹⁵ Jehovap angutit ilagiin­ni Guutip oqaasianik ilin­niar­titsisar­nermik akisus­saaf­filer­pai. Taamaat­tumik qatan­ngutit angutit oqalugiar­nermin­ni ilin­niar­titsil­luar­nermik ilin­niar­tin­neqar­nis­saat pingaaruteqar­poq. Utoq­qaaner­taaguit ilagiin­ni kif­far­tor­toq oqalugiar­nis­saminut piareersar­toq pik­korin­neruler­nias­sam­mat tusar­naarsin­naavat. – Neh 8:8. ^[3]

16, 17. (a) Timotheusi anersaak­kut ineriar­tor­nias­sam­mat Paulusi soqutigin­nin­nermik qanoq ersersitsiva? (b) Utoq­qaaner­tat ilagiin­nik paarsisun­ngor­nis­samut piuk­kun­nar­tut qanoq sun­niuteqarluar­tumik ilin­niar­tis­sin­naavaat?

¹⁶ Qatan­ngutit angutit amerlanerusut ilagiin­nik paarsisuunermik ilin­niar­tin­neqar­nis­saat pisariaqar­tin­neqar­poq. Paulusip Timotheusi ilin­niar­tik­kamiuk al­lanik ilin­niar­titsisaq­qul­lugu ima kajumis­saar­paa: “Kristusi-Jiisusip saam­maan­nerani nakuugit! Ilisiman­nit­tut amerlaqisut najuun­neran­ni uan­nit tusak­katit paarisas­san­ngor­tis­savatit inun­nut tatiginar­tunut aam­mat­taaq al­lanik ajoqersuisin­naajumaar­tunut.” (2 Tim 2:1, 2) Timotheusip Paulusimit utoq­qaaner­taasumit apustiliusumil­lu as­sigiin­ngitsor­pas­suit, soorlu oqaluus­sil­laq­qin­neruler­neq ilagiin­niit­tunil­lu ikiuineq, ilik­kar­pai. – 2 Tim 3:10-12.

¹⁷ Paulusip Timotheusi ilin­niar­til­luar­neqas­sasoq qulak­keerusuk­kamiuk pif­fis­sarujus­suaq atorlugu ilagisar­paa. (ApS 16:1-5) Utoq­qaaner­tat Paulusi ilaarlugu ilagiin­ni kif­far­tor­tut piuk­kun­nar­tut paarsisutut pulaar­ner­nut ilagisarsin­naavaat. Taamaalil­lutik ilagiin­ni kif­far­tor­tut savanik paarsinermi al­lanik ilin­niar­titsineq, nikal­lujuin­neq, asan­nin­neq Jehovamil­lu tatigin­nin­neq utoq­qaaner­tanit ilik­kas­savaat. – 1 Petr 5:2.

18. Sooq Jehovamut kif­far­tor­nermi al­lanik ilin­niar­titsineq pingaar­tit­tariaqar­par­put?

¹⁸ Ul­luni kingul­ler­ni mak­kunani oqaluus­sisar­tun­ngorlaat ilin­niar­tin­neqar­tariaqar­put. Aam­ma qatan­ngutit angutit ilagiin­nik isumas­suinermik ilin­niar­tin­neqar­tariaqar­put. Jehovap kif­fani tamarmik ilin­niar­til­luar­neqas­sasut kis­saatigigamiuk oqaluus­sisar­tun­ngorlaanik ikiuinermik im­mik­kut pisin­naatitaaf­filer­paatigut. Taamaat­tumik Jiisusi Paulusilu ilaarlugit ilungersorluni al­lanik ilin­niar­titsineq pingaaruteqar­poq. Naggatis­sap nal­liutin­ngin­nerani oqaluus­sinermi sulias­sar­pas­suaqarmat sapin­ngisamik amerlaner­paat ilin­niar­tit­tariaqar­pavut.

19. Sooq qularin­ngis­sin­naaviuk Jehovamut kif­far­tor­nermi al­lanik ilin­niar­titsinerit iluatsis­sasoq?

¹⁹ Oqaluus­sisar­tun­ngorlaanik ilin­niar­titsineq pif­fis­sar­tor­narlunilu tamaviaar­nar­poq. Qularin­ngis­sin­naavar­pul­li Jehovap Jiisusil­lu pitsaaner­paamik al­lanik ilin­niar­titsinitsin­ni ikius­sagaatigut. Ilin­niar­titavut ilagiin­ni oqaluus­sinermiluun­niit ‘tamaviaarlutik sulisut’ takul­lugit nuan­naangaas­saagut. (1 Tim 4:10) Tamatuma saniatigut nam­mineq anersaak­kut ineriar­torumal­luta, kristumiutut pis­suserineqar­tus­sanik ineriar­tor­titsiumal­luta Jehovamul­lu qanil­liumal­luta sapin­ngisatsin­nik iliuuseqar­tuar­tariaqar­pugut.