1, 2. (a) Sooq aperisarsin­naavugut “qanoq sivisutigisumik”? (b) Sooq itsaq Guutip kif­faasa aalajaatsut maligas­siaat qiim­maal­lan­nar­pat?

“QANOQ sivisutigisumik?” Pruf­fiitit aalajaatsut Esaja Habak­kukilu taama aperip­put. (Es 6:11; Hab 1:2) Kun­ngi Daavi Tus­siaat 13 al­lak­kamiuk sisamariarluni aam­ma taama aperivoq. (Tuss 13:2, 3) Aam­ma Jiisusi Kristusi inuit up­pin­ngitsut akor­nan­niil­luni ima aperivoq: “Qanoq sivisutigisumik?” (Matt 17:17) Im­maqa aam­ma uagut taama aperisar­pugut.

² Sooq aperisarsin­naavugut “qanoq sivisutigisumik”? Im­maqa naaper­tuil­luan­ngitsumik misigisaqar­pugut, nap­parsimavugut utoq­qalil­lutaluun­niit. Im­maqaluun­niit “ul­lut atugarliungaarfis­sat” nalaan­ni inuugat­ta er­numavugut. (2 Tim 3:1) Im­maqa inun­nik pis­susilut­tunik avatangiiseqarat­ta qasul­lutalu nikal­lungavugut. Sunaluun­niit pis­sutaagaluar­pat itsaq Jehovap kif­fani aalajaatsut taama aperisut avoq­qaarin­ngik­kai nalunagu toq­qis­sisimanar­poq.

3. Piner­tusaar­niar­neq saper­nar­tik­kutsigu suna iluaqutigisin­naavar­put?

 ³ Piner­tusaar­niar­neq saper­nar­tik­kutsigu suna iluaqutigisin­naavar­put? Jiisusip af­farmik qatan­ngutaata Jaakup isumas­sarsisin­neqarluni ima al­laf­figaatigut: “Qatan­ngutit, erinitsan­naveersaarlusi Naalak­kap tikiun­nis­saa utaq­qisiuk.” (Jaak 5:7) Tas­sa tamat­ta erinitsan­naveersaar­tariaqar­pugut. Qanorli erinitsajuis­sin­naavugut?

4, 5. (a) Qanoq erinitsajuis­sin­naavugut? (b) Jaakup erinitsajuin­neq qanoq nas­suiar­paa? (Al­laaserisap aal­laq­qaataani as­siliaq takuuk).

⁴ Biibilimi al­las­simavoq erinitsajuin­neq Guutip anersaavanit il­ler­nar­tumit pisoq. Inuit naam­mal­luin­nan­ngitsut Guutimit ikior­neqan­ngik­kunik piner­tusaar­niar­neq saper­nar­tingaas­savaat. Erinitsajuin­neq Guutimit tunis­sutaavoq, erinitsajuin­nik­kul­lu Jehovamik inoqatitsin­nil­lu asan­nin­ner­put ersersit­tar­par­put. Erinitsajagaangat­ta asaqatigiin­ner­put san­ngiil­lisar­poq. (1 Kor 13:4; Gal 5:22) Qanoq erinitsajuis­sin­naavugut? Piner­tusaar­til­luta isumal­luar­tuunitsigut. (Kol 1:11, 12; Jaak 1:3, 4) Qanorluun­niil­lu ajor­nar­torsioraluarut­ta erinitsajuin­neq Jehovamut aalajaan­nis­satsin­nut iluaqutigisar­par­put. Naal­liuk­kaangat­ta akiniaan­ngin­nis­satsin­nut iluaqutigis­savar­put. Biibilimi al­las­simavoq utaqqisariaqarneq naammagittarluta akuerisariaqaripput. Pingaarutilik taman­na Jaaku 5:7, 8-mi erseq­qis­sar­neqar­poq. (Atuakkit).

⁵ Sooq Jehovap iliuuseqar­nis­saa naam­magit­tarluta utaq­qisariaqar­par­put? Ajoqersuk­kap Jaakup pis­sutsit atuk­kavut naasoris­saanermut as­sersuup­pai. Naasoris­saasup inerit­tus­sanik ik­kus­suil­luni sulerulooraluarluni silap qanoq in­nera aqus­sin­naan­ngilaa ik­kus­suk­kanilu naajar­tupal­latsis­sin­naanagit. “Nunap inerititas­sai pingaaqisut” erinitsajuil­luni utaq­qisariaqar­pai. Tamatumun­nga as­singusumik Jehovap neriorsuutaasa piviusun­ngor­nis­saata tungaanut sor­pas­suit aqus­sin­naan­ngilavut. (Mark 13:32, 33; ApS 1:7) Naasoris­saasutul­li erinitsajuil­luta utaq­qisariaqar­pugut.

6. Pruf­fiiti Mika qanoq ilin­niarfigisin­naavar­put?

⁶ Pruf­fiiti Mika piner­tusaar­tariaqar­poq, soorlu ul­lumik­kut aam­ma uagut taamaat­tariaqar­tugut. Mika kun­ngip Akazip ajor­tup naalak­kersuinerata nalaani peq­quserlut­tor­pas­suaqarfiusumi inuuvoq. Pis­sutsit ajungaarmata Biibilimi al­las­simavoq inuit ‘ajor­tulior­nis­samut piumasut’. (Mika 7:1-3 atuakkit). Mikap nalun­ngilaa pis­sutsit al­lan­ngor­tis­sin­naanagit. Susin­naavali? Ima al­lap­poq: “Uanga Naalagaq alaatsinaas­savara, Guuti an­natsitsisiga neriuf­figis­savara, Guutima qin­nutiga tusarumaar­paa!” (Mika 7:7) Mikatut Guuti neriuf­figalugu utaq­qisin­naas­suseqar­tariaqar­pugut.

7. Sooq Jehovap neriorsuutiminik eq­quutitsinis­saa utaq­qiin­narutsigu naam­man­ngila?

⁷ Mikatut up­persuseqarut­ta naammagittarluta Jehova utaq­qis­savar­put. Pis­sutsit atuk­kavut inuup par­naarus­sivim­mi pil­laatitut toqutaanis­saminik utaq­qisup atugaanit al­laanerup­put. Par­naarus­saq utaq­qisariaqar­poq ul­lorli nal­liut­tus­saq qilanaarin­ngilaa. Uagul­li utaq­qerusus­suseqar­pugut nalun­ngin­natsigu  Jehovap neriorsuutini pif­fis­saq eq­qoq­qis­saarlugu naas­saan­ngitsumik inuuler­nis­satsin­nik neriorsuutini eq­qor­tik­kumaaraa! Taamaat­tumik ‘nikal­lujuil­lutalu tipaatsuppugut’. (Kol 1:11, 12, tastamantitâĸ 1961-imi naqitigaq) Utaq­qitil­luta Jehovap kis­saatigisatsitut iliuuseqajaan­ngin­nera naam­magit­taal­liuutiginaveersaas­savar­put. Naam­magit­taal­liorut­ta iluarinavian­ngilaatigut. – Kol 3:12.

8. Angutit ar­nal­lu aalajaatsut itsaq inuusut qanoq ilin­niarfigisin­naavavut?

⁸ Utaq­qinitsin­ni naam­magit­tar­nerunis­samut suna iluaqutigis­savar­put? Angutit ar­nal­lu aalajaatsut itsaq inuusut Jehoval­lu neriorsuutiminik eq­quutitsinis­saanik utaq­qerusus­suseqar­tut eq­qarsaatigisin­naavavut. (Rom 15:4) Maligas­siuineran­nik eq­qarsaatigin­niitigaluta pitsaas­saaq eq­qaamagutsigu taak­ku qanoq sivisutigisumik utaq­qinersut, sooq utaq­qerusus­suseqar­nersut erinitsajuin­neral­lu pil­lugu Jehovap qanoq pil­luaq­qunerai.

9, 10. Aaperaap Saral­lu qanoq sivisutigisumik Jehova utaq­qivaat?

⁹ Aaperaat Saralu eq­qarsaatigik­kit. ‘Up­per­tuugamik erinitsajuikkamillu un­nersuutigisamik kingor­nus­sip­put’. Biibilimi al­las­simavoq Aaperaat ‘erinitsajuin­nermik’ ersersitsereersoq Jehovap taan­na pil­luaq­qujumal­lugu inuias­suar­nul­lu ataatan­ngor­tik­kumal­lugu neriorsoraa. (Hebr 6:12, 15) Sooq Aaperaat erinitsajuit­tariaqar­pa? Neriorsuut taman­na  ingerlaan­naq eq­quun­navian­ngim­mat. Kr.in.si. 1943-mi nisanip 14-ian­ni Aaperaap Saral­lu inoqutitik ilagalugit Kuus­suaq Eufrati ikaar­paat nunamul­lu neriorsuutigisamut apuul­lutik. Aaperaal­li Iisaamik er­ner­taar­nis­sani ukiuni 25-ni utaq­qisariaqar­paa sulilu ukiuni 60-ini Esauimik Jaakumil­lu er­nutar­taar­nis­sani utaq­qisariaqarlugu. – Hebr 11:9.

¹⁰ Aaperaap nunap neriorsuutigisap ilaa qanoq an­ner­tutigisoq kingor­nup­paa? Biibilimi al­las­simavoq Jehovap ‘tas­sani nunaatis­saanik isik­katul­luun­niit silitsigiin­nar­tumik tunin­ngik­kaa, neriorsor­paali nuna taan­na Aaperaamut kinguaas­saanul­lu pigisas­san­ngor­tik­kumaarlugu naak qitor­naatsuugaluar­toq’. (ApS 7:5) Aaperaap Kuus­suup Eufratip ikaar­nerata kingor­na ukiut 430-t qaangiut­tut aatsaat taas­suma kinguaavisa nunagisas­sar­tik nunagiler­paat. – 2 Mos 12:40-42; Gal 3:17.

11. Sooq Aaperaat naam­magit­tarluni utaq­qiva, pil­luaq­qus­sutil­lu erinitsajuin­nermi kingunerisai suut takus­savai?

¹¹ Jehovap neriorsuutini eq­qor­tit­tarai up­peril­luin­naramiuk Aaperaat naam­magit­tarluni utaq­qivoq. (Hebræerit 11:8-12 atuakkit). Aaperaat toqutin­nani Jehovap neriorsuutaasa tamarmik eq­quun­nerat takun­ngik­kaluarlugit utaq­qerusus­suseqar­poq. Nunamul­li paratiisiusumut makititaaguni nuan­naar­nis­saa takorlooruk. Tupaal­las­saaq Biibilip ilarujus­suani inuunermi ilaqut­tamilu inuunerat oqalut­tuarineqar­toq atuaruniuk. * Mis­siarsimut neriorsuutigisamut tun­ngatil­lugu Jehovap siuner­taani pingaaruteqangaarsimal­luni paasiguniuk qanoq nuan­naar­tigis­sasoq takorlooruk! Qular­nan­ngitsumik misigis­saaq taama sivisutigisumik utaq­qineq im­minut akilersin­naasoq.

12, 13. Sooq Josefi erinitsajuit­tariaqar­pa, isumal­luar­tumil­lu qanoq isigin­nit­taaseqar­pa?

¹² Aaperaap er­nutaq­qiutaa Josefi aam­ma naam­magit­tarluni utaq­qivoq. Naaper­tuil­luan­ngitsuliorfigineqar­poq. Siul­lermik, 17-it mis­saan­nik ukioqarluni qatan­ngutiminit inus­siaasus­satut tunineqar­poq. Taava naalak­kami nulianik pin­ngitsaaliil­luni atoqateqar­niar­tutut eq­qun­ngitsumik un­nerluutigineqar­poq par­naarus­saal­lunilu. (1 Mos 39:11-20; Tuss 105:17, 18) Josefi Guutimut kif­fatut aalajaatsuugaluar­toq pil­luaq­quneqar­pasigani pil­lar­neqarsorinar­poq. Ukiul­li 13-it qaangiut­tut suut tamarmik al­lan­ngor­put. Josefi par­naarus­sivim­miit iperagaal­luni Egyptenimi naalak­kersuisumut pis­saaneqar­ner­paamut tul­lersor­tin­ngor­poq. – 1 Mos 41:14, 37-43; ApS 7:9, 10.

¹³ Josefip naaper­tuil­luan­ngitsuliorfigineqar­nini kamalis­sutigaa? Misigiva Jehovap qimak­kaani? Naamik, naam­magit­tarluni utaq­qivoq. Suna iluaqutigaa? Jehovamut up­per­nini. Jehovap pis­sutsit aqus­sin­naagai nalun­ngilaa. Taman­na qatan­ngutiminut oqaasiinit erser­poq: “Siooraqinasi. Uanga Guutiusoraasinga? Ilis­si pilersaarutigisimagaluar­parsi ajor­tumik iliorfigiumal­lunga, Guutil­li mumis­simavaa ajun­ngitsun­ngor­til­lugu; siuner­tarisimavaa maan­na pereersimasoq, tas­sa inup­pas­suit inuugin­nar­tik­kumal­lugit.” (1 Mos 50:19, 20) Josefip  nalun­ngilaa Jehovap pil­luaq­qusinis­saata utaq­qinis­saa im­minut akilersin­naasoq.

14, 15. (a) Sooq Daavip erinitsajuin­nera maluginiar­nar­pa? (b) Daavip erinitsajuil­luni utaq­qinis­saminut suna iluaqutigaa?

¹⁴ Aam­ma kun­ngi Daavi arlaleriarluni naaper­tuil­luan­ngitsuliorfigineqar­poq. Jehovap Daavi inuusut­tuusoq Israelimi kun­ngis­satut tanip­paa. Daavil­li nam­mineq naggueqatigiis­sor­tamini kun­ngin­ngor­nis­sani ukiuni 15-ini utaq­qivaa. (2 Sam 2:3, 4) Utaq­qinermi pif­fis­sap ilaani kun­ngip Saulip toqun­niarsarim­mani qimaasariaqarlunilu iser­tor­tariaqar­poq. * Taamaat­tumik Daavi nam­mineq angerlarsimaf­feqan­ngilaq. Nunagin­ngisaminiin­ngik­kuni inoqajuitsumi qaarusum­miit­tariaqar­poq. Naggataatigut Sauli akiuun­nermi toqutaavoq. Daavili Israeli tamak­kerlugu kun­ngiuler­nis­saminut suli ukiut arfineq-marluk mis­saan­ni utaq­qisariaqar­poq. – 2 Sam 5:4, 5.

¹⁵ Sooq Daavi erinitsajuil­luni utaq­qerusup­pa? Tus­siaam­mi sisamariarluni “qanoq sivisutigisumik” apeq­quteqarfigisamini apeq­qut taman­na nam­mineq ima akivaa: “Tatigaara un­neq­qaris­sutsit, uum­matima qiim­mat­taatigis­savaa an­naas­sinis­sat. Naalagaq erinarsorfigis­savara ajun­ngitsuliorfigim­manga.” (Tuss 13:6) Daavip nalun­ngilaa Jehovap asagaani ilumoorfigiuas­sagaanilu. Sior­natigut Jehovamit ikior­neqar­tar­nini eq­qarsaatigaa an­nikil­liuutiminil­lu Jehovap atuuk­kun­naarsitsif­fis­saa qilanaaralugu. Nalun­ngilaa Jehovap pil­luaq­qusinis­saata utaq­qinis­saa im­minut akilersin­naasoq.

16, 17. Jehova Guuti aam­ma Jiisusi Kristusi naam­magit­tarluni utaq­qinermi qanoq maligas­siuil­luar­pat?

¹⁶ Jehovap nam­mineq iliuusererusun­ngisaminik iliuuseqaq­qun­ngilaatigut. Erinitsajuil­luni utaq­qisin­naanermut tun­ngatil­lugu nam­mineq maligas­siuil­luar­ner­paavoq. (2 Petrusi 3:9 atuaruk). As­sersuutigalugu ukiut tuusintil­lit matuma sior­na naatsiivim­mi Edenimi Jehova naaper­tuil­luan­ngitsulior­tutut Saatanimit un­nerluutigineqar­poq. Jehovap aterminik il­ler­narsisitsil­luin­narfis­sani erinitsajuil­luni utaq­qivaa. Il­ler­narsisitsip­pat “taas­sumun­nga erinisut­tut” pil­luaq­quneqangaarumaar­put. – Es 30:18.

¹⁷ Aam­ma Jiisusi naam­magit­tarluni utaq­qivoq. Nunamiik­kal­larami toqus­si tikil­lugu aalajaap­poq. Uter­tin­neqaatis­satut pil­liutimi nalinga ukiumi 33-mi qilam­mi Jehovamut sas­saap­paa. 1914-inil­li tungaanut kun­ngitut naalak­kersuiler­nis­sani utaq­qisariaqarsimavaa. (ApS 2:33-35; Hebr 10:12, 13)  Taamaak­kaluar­toq Jiisusip ukiuni tuusintini naalak­kersuinermi naanis­saata tungaanut akeq­qaminik tamanik piuneerus­sinis­sani suli utaq­qisariaqar­paa. (1 Kor 15:25) Utaq­qinas­saqaaq. Pil­luaq­qus­sutisias­sanil­li utaq­qineq im­minut akilersin­naavoq.

18, 19. Naam­magit­tarluta utaq­qinis­samut suna iluaqutigis­savar­put?

¹⁸ Erseq­qip­poq Jehovap kis­saatigigaa naam­magit­tarluta utaq­qis­sasugut. Taamaalior­nis­samut suna iluaqutigis­savar­put? Guutip anersaava il­ler­nar­toq qin­nutigisariaqar­par­put. Eq­qaamajuk erinitsajuin­neq Guutip anersaavata il­ler­nar­tup inerititarigaa. (Ef 3:16; 6:18; 1 Th 5:17-19) Taamaat­tumik erinitsajuil­lutit piner­tusaar­nis­san­nut ikioq­qul­lutit Jehova kimigiiserfigiuk!

¹⁹ Eq­qaamajut­taaq Aaperaap, Josefip Daavil­lu erinitsajuil­lutik Jehovap neriorsuutaasa eq­quun­nis­saat utaq­qinermin­nut suna iluaqutigigaat. Tas­sa Jehovamik up­per­ner­tik tatigin­nin­ner­til­lu iluaqutigaat. Im­minuin­naq nam­minerlu kis­saatigisatik kisiisa eq­qarsaatigin­ngilaat. Taak­ku qanoq ingerlal­luar­tigisut eq­qarsaatigigaangatsigit aam­ma uagut utaq­qisin­naas­suseqar­nis­samut kajumis­sisar­pugut.

20. Suna aalajangiusimas­savar­put?

²⁰ Taamaat­tumik an­nikil­lioraluaraangat­taluun­niit ‘utaq­qiumas­suseqarumaneq’ aalajangiusimavar­put. Ima aperisimagut­ta: “Naalagaq, qanoq sivisutigisumik?” (Es 6:11) Guutil­li anersaava il­ler­nar­toq iluaqutigalugu pruf­fiiti Jeremia ima oqar­toq ilaarsin­naavar­put: ‘Jehova utaq­qivara.’ – Up­p 3:21, 24.