SIOR­NA qatan­ngutit angutit nunarsuaq tamak­kerlugu tuusintil­lit utoq­qaaner­tatut ilagiin­nilu kif­far­tor­tutut toq­qar­neqar­put. Taak­kua ilagip­patsit qular­nan­ngitsumik kif­far­tor­nermi im­mik­kut pisin­naatitaaf­fiit nutaaq nuan­naarutigaat.

Paasinar­porli er­numalaaruit. Jason, utoq­qaaner­taq inuusut­toq, oqar­poq: “Toq­qar­neqarama misigivunga akisus­saaf­fik­ka nutaat an­ner­tual­laar­tut.” Mosesi Jeremialu Jehovamit nutaamik sulias­sin­neqaramik ajuk­kup­put. (2 Mos 4:10; Jer 1:6) Aam­ma il­lit taamatut misigiguit qanoq im­minut tatiginerulerlutil­lu ineriar­torsin­naavit? Timotheusi ilin­niarfigingaarsin­naavat. – ApS 16:1-3.

Timotheusip apustili Paulusi angalaqatigisaleramiuk 20-t mis­saan­ni ukioqarunar­poq. Angalanis­samut qaaq­quneqaq­qaarami Timotheusi im­maqa ilin­niar­titsinis­samut al­lanil­lu siun­nersuinis­samut inuusup­pal­laarsorivoq. (1 Tim 4:11, 12; 2 Tim 1:1, 2, 7) Ineriar­tor­tuar­porli, ukiul­lu qulit qaangium­mata Paulusip Filip­pimiut ima al­laf­figai: “Naalak­kak­kut Jiisusik­kut neriup­punga ungasin­ngitsuk­kut Timotheusi ilis­sin­nut aal­lar­tis­sin­naas­sal­lugu.” Sooq Paulusi taama misigiva? Ima nas­suiaavoq: “Al­lamim­mi taas­sumatut isumalim­mik ... aal­lar­titas­saqan­ngilanga.” – Fil 2:19, 20.

Sooq Timotheusi utoq­qaaner­tanut maligas­saal­luar­pa? Uku arfinil­lit eq­qarsaatigik­kit.

1. Inunnik ilumoorluni isumassuivoq. Paulusi al­lap­poq Timotheusi Filip­pimi qatan­ngutinik ‘ilumoorluni isumagin­nis­sasoq’. (Fil 2:20) Timotheusip kis­saatigaa qatan­ngutit Jehovamut qanit­tuas­sasut, aam­ma ikiorumal­lugit pif­fis­sani nukinilu atorusup­pai.

Wil­liam, ukiut 20-t sin­nerlugit utoq­qaaner­taasoq, utoq­qaaner­tan­ngorlaat ima oqarfigisar­pai: “Qatan­ngutit asak­kit. Aqutseriaaseq pival­laar­nagu pisariaqar­titaat pingaar­nerutik­kit.” Bus­ser­titsisoq ilaasus­sat bus­sinut ikinis­saan­nik soqutigin­nip­piar­nani pif­fis­saq eq­qorlugu bus­sit unit­tarfian­nut apuut­tar­nis­saminik pingaar­titsinerusoq as­sigiler­niaqinagu.

2. Jehovamut kiffartornermik salliutitsivoq. Timotheusip maligas­siaata akerlerluin­naanik pis­susil­lit Paulusip ima al­laatigai: “[Al­lat] tamarmik nam­min­neq iluaqutis­sar­tik ujar­paat, Jiisusi-Kristusimut atasut pin­nagit.” (Fil 2:21) Paulusip maluginiar­paa qatan­ngutit angutit al­lat inuunermin­ni pisut pingaar­tip­pal­laaraat. Ilaan­nik­kut soqutigisatik Jehovamut kif­far­tor­nermit pingaar­tin­nerusar­paat. Timotheusili taamaan­ngilaq! Guutimut kif­far­tor­nermi iliuuseqar­nerunis­samut periarfis­saqaliin­narluni Esajatut qisuariar­poq, taan­na ima oqar­poq: “Piareersimavunga, aal­lar­tin­nga!” – Es 6:8.

Nam­mineq pisariaqar­titavit ilagiin­niit­tul­lu pisariaqar­titaat isumagineran­ni qanoq oqimaaqatigiis­saarisin­naavit? Siul­ler­tut, Paulusip ‘suut pingaar­nerusut qulak­keer­nis­saan­nik’ siun­nersuutaa maliguk. (Fil 1:10, NW) Jehovamut kif­far­tor­neq sal­liuguk. Aap­paat­tut, sam­misas­sat pif­fis­samik nukin­nil­lu atuinar­pal­laar­tut ingalas­simak­kit. Paulusip Timotheusi al­laf­figaa: “Inuusut­tut kajungerisaat ingalas­simaniak­kit, noq­qaas­sutigik­kil­li iluar­neq, up­per­neq, asan­nin­neq eq­qis­sinerlu.” – 2 Tim 2:22.

3. Jehovamut kiffartornermi tamaviaarpoq. Paulusip Timotheusi ima al­laatigaa: “Qitor­natut ataataminik ikiuisutut iivangkiiliumut kif­far­toqatigisimavaanga.”  (Fil 2:22) Timotheusi eqiasut­tuun­ngilaq. Paulusi tamaviaarluni suleqatigaa, taman­nalu ikin­ngutigiil­lualis­sutigaat.

Jehovap peqatigiis­sor­taani sulias­sar­pas­suaqar­poq. Sulias­saq taman­na nalerisimaar­nangaarlunilu qatan­ngutin­nut qanil­linis­samut iluaqutigis­savat. Naalak­kamut kif­far­tor­nermi ulap­puteqar­tuar­nis­sat anguniagariuk. – 1 Kor 15:58.

4. Ilikkakkaminik maleruaavoq. Paulusi Timotheusimut al­lap­poq: “Malitsigaak­kit ajoqersuutik­kut, inuutsik­kut, ilungersor­nik­kut, ilumoorsutsik­kut, naam­magit­tar­nik­kut, asan­nin­nik­kut, nikal­lujuis­sutsik­kut.” (2 Tim 3:10) Timotheusip ilik­kak­kani maleruaramigit suli an­nerusunik akisus­saaf­filer­neqar­poq. – 1 Kor 4:17.

Soormi utoq­qaaner­tamik misilit­tagar­tuumik maligas­saqaleruit? Tomip, ukior­pas­suar­ni utoq­qaaner­taasup, eq­qaamavaa utoq­qaaner­tamit misilit­tagar­tuumit inut­tut soqutigineqar­nini ilin­niar­tin­neqarluar­ninilu. Ima oqar­poq: “Akulikitsumik isumasior­tar­para siun­nersuutaalu maleruar­tarlugit. Taman­na im­minut tatigineruler­nis­samut as­sut iluaqutigaara.”

5. Imminut sungiusartuarpoq. Paulusip Timotheusi ima siun­nersor­paa: “Guutimik mianerin­nin­nermut sungius­siniar­niarit.” (1 Tim 4:7) Timersor­tar­toq sungiusaasoqaraluarluni nam­mineq sungiusar­tariaqar­poq. Paulusip Timotheusi ima kajumis­saar­paa: “Isumagisas­saris­savatit al­lak­kanik atuf­fas­sisar­neq, oqaaq­qis­saarineq ajoqersuinerlu. ... Tamak­ku tamaasa isumaginiak­kit inuuseralugil­lu ineriar­tor­nerit tamanit takuneqarsin­naaq­qul­lugu.” – 1 Tim 4:13-15.

Pigin­naanitit ineriar­tor­tit­tuar­tariaqar­patit. Biibilimik atuaq­qis­saar­tuarit peqatigiis­sor­tatsin­nil­lu ilitsersuus­sutit nutaaner­paat malin­naavigisak­kit. Im­minut tatigival­laaler­naveersaarit. Kuk­kunerus­saaq eq­qarsas­saguit misilit­tagaqangaaravit misis­sueq­qis­saaq­qaar­nak pis­sutsit suul­luun­niit isumagisin­naal­lugit. Timotheusitut tamatigut “im­minut nak­kutiginiarit, aam­ma ajoqersuisutut suliat nak­kutiginiaruk aalajangiul­lugulu”. – 1 Tim 4:16.

6. Jehovap anersaavanik tatiginnippoq. Timotheusip kif­far­tor­nera eq­qar­toramiuk Paulusip taan­na eq­qaasip­paa: “Erlin­nar­tuut pigiuminar­toq ilin­nut paarititaq nak­kutigis­savat Anersaak­kut Il­ler­nar­tuk­kut ilutsin­niit­tuk­kut.” (2 Tim 1:14) Timotheusi Guutip anersaavanik tatigin­nit­tariaqar­poq.

Donald, ukior­pas­suar­ni utoq­qaaner­taasoq, ima oqar­poq: “Angutit toq­qak­kat Guutimut at­taveqar­ner­tik eriagisariaqar­paat. Taamaalior­tut ‘ingerlas­sap­put pis­satsik­kiar­tuin­narlutik’. Guutip anersaava qin­nutigisarunik­ku tamatumalu inerititaa ineriar­tor­tit­tarunik­ku qatan­ngutimin­nut pil­luaq­qus­sutaas­sap­put.” – Tuss 84:8; 1 Petr 4:11.

Ilagiin­ni kif­far­tor­tut utoq­qaaner­tal­lu nutaat ilit­tul­li Jehovamut kif­far­tor­nermi ineriar­tor­tuar­tut takul­lugit qiim­maal­lan­nar­poq. Jason, siusin­nerusuk­kut eq­qaaneqar­toq, ima oqar­poq: “Utoq­qaaner­taanin­ni ilik­kagar­pas­suaqarlungalu im­minut tatigineruler­punga. Maan­na sulias­sara nuan­naringaarlugulu im­mik­kut pisin­naatitaaf­fit­tut nuan­nersutut isigaara!”

Il­lit ineriar­tor­tuas­savit? Timotheusi ilaaruk­ku aam­ma il­lit qatan­ngutin­nut pil­luaq­qus­sutaas­saatit.