1. Jehovap tuk­kor­tuunera qanoq erser­pa?

JEHOVA pin­ngor­titsin­ngik­kal­larami kisimiik­kaluarluni im­minuin­naq eq­qarsaatigin­ngilaq. Inuunermim­mi tunis­sut silas­soris­sunut, anersaanut inun­nul­lu, tun­niup­paa. ‘Guutip pil­luar­tup’ ajun­ngitsunik tunisinis­sani nuan­naraa. (1 Tim 1:11; Jaak 1:17) Jehoval­lu pil­luar­nis­sar­put kis­saatigigamiuk aam­ma uagut tuk­kor­tuunis­satsin­nik ilin­niar­tip­paatigut. – Rom 1:20.

2, 3. (a) Sooq tuk­kor­tuugaangat­ta pil­luar­tar­pugut? (b) Al­laaserisami matumani suut sam­mis­savavut?

² Guutip im­minik as­silil­luni inuit pin­ngor­tip­pai. (1 Mos 1:27) Tas­sa taas­suma pis­susiinik pis­suseqarsin­naatil­luta pin­ngor­tip­paatigut. Pil­luarumal­luta Jehovamil­lu pil­luaq­qusaajumal­luta taas­suma maligas­siaa malit­tariaqar­par­put. Inun­nik al­lanik soqutigin­nit­tariaqarlutalu tuk­kor­tuusariaqar­pugut. (Fil 2:3, 4; Jaak 1:5) Sooq? Taamatut Jehovap pin­ngor­tis­simam­matigut. Naam­mal­luin­nan­ngitsuugaluarluta Jehova ilaarsin­naal­lugulu tuk­kor­tuusin­naavugut.

 ³ Tuk­kor­tuuneq pil­lugu Biibilimi ilin­niar­titsis­sutigineqar­tut maan­na sam­mis­savavut. Tuk­kor­tuugaangat­ta sooq Jehovap iluarisar­neraa paasis­savar­put. Aam­ma Jehovamit sulias­sin­neqar­nitsin­ni tuk­kor­tuuneq qanoq iluaqutigisarlugulu pil­lualis­sutigisarip­put sam­mis­savar­put. Kiisalu sooq tuk­kor­tuujuar­tariaqar­tugut paasis­savar­put.

4, 5. Tuk­kor­tuunermut tun­ngatil­lugu Jehova Jiisusilu uagutsin­nut qanoq maligas­siuip­pat?

⁴ Jehovap ilaas­sagitsin­ni kis­saatigigamiuk tuk­koraangat­ta nuan­naar­tar­poq. (Ef 5:1) Jehovap aam­ma inuit pil­luar­nis­saat kis­saatigaa. Taman­na tupin­nar­tumik pin­ngor­titaanitsin­nit pin­ngor­titarsuarmiit­tunil­lu tamanit nuan­naarutigisin­naasatsin­nit erser­poq. (Tuss 104:24; 139:13-15) Taamaam­mat al­lat nuan­naar­tin­niarlugit iliuuseqaraangat­ta Jehova ataq­qisar­par­put.

⁵ Aam­ma Jiisusi, inuup qanoq tuk­kor­tuusin­naaneranik maligas­siuisoq naam­mal­luin­nar­toq, ilaarsin­naavar­put. Oqar­poq “Inuup Er­nera tikiutin­ngitsoq kif­far­torfigeq­qul­luni, nam­minerli kif­far­tus­sal­luni inuuninilu akis­satut tun­niutis­sal­lugu amerlasuut uter­tin­neqaatis­saat­tut”. (Matt 20:28) Aam­ma apustilip Paulusip kristumiut ima kajumis­saar­pai: “Ilasi al­lat pil­lugit isumalior­taritsi Kristusi-Jiisusimiit­tutut.” (Fil 2:5) Jiisusilu pil­lugu al­lap­poq: “Im­minut imaar­poq inus­siatul­lu isik­koqalerluni inuil­lu as­sigilerlugit.” (Fil 2:7, NW) Im­minut ima aperisin­naavugut: ‘Jiisusip maligas­siaa suli an­nerusumik ilaarsin­naavara?’ – 1 Petrusi 2:21 atuaruk.

6. Samariamiu tul­lerminik naak­kin­nit­toq pil­lugu as­sersuusiorami Jiisusip sumik ilin­niar­tip­paatigut? (Al­laaserisap aal­laq­qaataani as­siliaq takuuk).

⁶ Jehovap Jiisusil­lu maligas­siaat ilaaraangatsigit Jehovap iluarisar­paa. Taamaalior­tar­pugut inun­nik soqutigin­nin­nik­kut taak­kualu pisariaqar­titaan­nik eq­qumaf­figin­nin­nik­kut. Jiisusip Samariamiu naak­kin­nit­toq pil­lugu as­sersuusiorami tamatuma pingaaruteqas­susia ersersip­paa. (Lukasi 10:29-37 atuakkit). Ajoqersuk­kani al­lanik, kik­kuugaluar­tunik sumin­ngaan­neersuugaluar­tunil­lu, ikiuisar­nis­saan­nik ilin­niar­tip­pai. Sooq Jiisusi taama oqalut­tuar­nersoq eq­qaamaviuk? Angutip juutiusup ima aperim­mani: “Kinami tul­leraara?” Jiisusip akis­sutaanit erser­poq Jehovamit iluarisaarusuk­kut­ta Samariamiutul­li tuk­kor­tuusariaqar­tugut.

7. Jehovap periaasii pitsaaner­paajusut up­peralugit qanoq ersersit­tar­par­put? Nas­suiaruk.

⁷ Tuk­kor­tuunis­samut pis­sutaasoq al­la naatsiivim­mi Edenimi pisumut at­tuumas­suteqar­poq. Adami Evalu Jehovamut naalan­ngip­pata im­minuin­narlu eq­qarsaatigip­pata Saatanip pil­luar­nerus­sanerar­pai. Eva nam­minis­sarsiorluni Guutitut ik­kusup­poq. Adami nam­minis­sarsiorlunilu Evamit, Guutimiun­ngitsoq, iluarisaarusun­neruvoq. (1 Mos 3:4-6) Kinguneri ajorluin­nar­put. Kinaluun­niit nam­minis­sarsior­toq pil­luarsin­naan­ngitsoq erser­poq. Nam­minis­sarsioratalu tuk­kor­tuugaangat­ta Jehovap periaasii pitsaaner­paajusut up­peralutigit ersersit­tar­par­put.

8. Sooq Adamip Eval­lu al­lat eq­qarsaatigisus­saagaluar­paat?

⁸ Adamip Eval­lu naatsiivim­mi Edenimi marluin­naagaluarlutik al­lat eq­qarsaatigisus­saagaluar­paat. Sooq? Jehovamit sulias­sin­neqaramik. Nunarsuaq qitor­namin­nik tamak­kis­sagaat paratiisin­ngor­tis­sagaal­lu taas­suma piumasaraa. (1 Mos 1:28) Adamip Eval­lu qitor­nar­taas­satik pil­luar­nis­saat kis­saatigisus­saagaluar­paat, soorlu Jehovap tamarmik pil­luar­nis­saat kis­saatigigaa. Tamarmiul­lutik nunarsuaq paratiisin­ngor­til­lugu suleqatigiit­tus­saagaluar­put. Taman­na sulias­sarujus­suus­sagaluar­poq nuan­nersoq!

9. Sooq inuit nunarsuarmik paratiisin­ngor­titseqataaneq pil­lualis­sutigisimas­sagaluar­paat?

⁹ Inuit naam­mal­luin­nar­tut nunarsuaq paratiisin­ngor­tin­niarlugu Jehoval­lu piumasaa naam­mas­siumal­lugu taan­na aam­ma qanimut suleqatigisariaqar­paat. Taamaalior­nik­kut taas­suma qasuersaarfianut isis­sagaluar­put. (Hebr 4:11) Suliap tamatuma qanoq nalerisimaar­nar­tigis­sagaluar­nera nuan­ner­tigis­sagaluar­neralu takorlooruk! Taak­ku nam­minis­sarsiun­ngin­neran­nut al­lanul­lu isumagin­nit­tuuneran­nut Jehovap pil­luaq­qungaarsimas­sagaluar­pai.

10, 11. Oqaluus­sinis­satsin­nut ajoqersugan­ngor­titsior­tor­nis­satsin­nul­lu suna iluaqutigis­savar­put?

¹⁰ Aam­ma uagut Jehovap im­mik­kut  it­tumik sulias­sip­paatigut. Oqaluus­seq­qul­lutalu ajoqersugan­ngor­titsior­toq­quaatigut. Taman­na suliaris­sagutsigu inuit ilumoorluta soqutigisariaqar­pavut. Tas­sa taman­na suliarisin­naavar­put aatsaat eq­qor­tumik pis­sutiginiagaqarut­ta: Jehovamut asan­nin­neq inun­nul­lu asan­nin­neq.

¹¹ Paulusi al­lap­poq ukiuni hundredelin­ni siul­ler­ni nam­mineq kristumioqatinilu oqaluus­sil­lutil­lu inun­nik sal­lusuis­sut pil­lugu ilin­niar­titsigamik tas­saal­lutik “Guutip suleqatai”. (1 Kor 3:6, 9) Aam­ma uagut ‘Guutimut suleqataasin­naavugut’ kajumil­luta oqaluus­sinermi pif­fis­satsin­nik, nukitsin­nik atuinitsigut pigisatsin­nil­lu Guutip sulias­siis­sutaanut tapersiinitsigut. Taman­na ataq­qinaataangaar­poq!

12, 13. Ajoqersugan­ngor­titsinermi suut nuan­naalis­sutaaneras­savigit?

¹² Oqaluus­sinermi ajoqersuinermilu pif­fis­satsin­nik nukitsin­nil­lu kajumingaarluta atuiner­put nuan­naalis­sutigisar­par­put. Qatan­nguter­pas­suit Biibilimik atuaq­qis­saaqateqar­tarsimasut aam­ma taama isumaqar­put. Atuaq­qis­saaqatigisat­ta Biibilimi sal­lusuis­sutit paasil­lugit qiim­mat­taraangata, up­per­neruleraangata, inuunermin­ni al­lan­nguigaangata ilik­kak­katil­lu al­lanut ingerlateq­qik­kaangatigit nuan­naangaar­tar­pugut. Jiisusi oqaluus­sisar­tut 70-it * aal­lar­titani misigisatik pil­lugit ‘nuan­naarlutik utermata’ aam­ma nuan­naar­poq. – Luk 10:17-21.

¹³ Nunani tamalaani qatan­ngutivut inuit Biibilimi oqariar­tuut inuunermin­ni qanoq iluaqutigigaat takugaangamik­kit nuan­naar­tar­put. As­sersuutigalugu qatan­ngut ar­naq inuusut­toq kisimiit­toq An­namik atilik iliuuseqar­nerujumal­luni Europap Kangisis­suanut oqaluus­sisar­tunik pisariaqar­titsif­fiusumut nuup­poq. * Ima al­lap­poq: “Maani Biibilimik atuaq­qis­saaqateqar­nis­samut periarfis­sar­pas­suaqar­poq, taman­nalu nuan­nareqaara. Oqaluus­sinera nuan­naalis­sutigisar­para. Angerlaraangama im­minuin­naq eq­qarsaatiginis­samut pif­fis­saqar­neq ajor­punga. Atuaq­qis­saaqatik­ka – taak­kua ajor­nar­torsiutaat isumakuluutaal­lu – eq­qarsaatigisar­pak­ka. Qanoq qiim­mas­sarsin­naanerlugit ikiorsin­naanerlugil­lu periarfis­sarsior­tar­punga. Qularutigin­ngilaralu ‘tunisineq pil­luar­nar­nerusoq tigusinermit’.” – ApS 20:35.

14. Inuit tusarusun­ngik­kaluar­pataluun­niit oqaluus­sinerit qanoq nuan­naarutigisin­naaviuk?

¹⁴ Inuit oqaluus­sigaangat­ta tusar­naan­ngik­kaluar­pataluun­niit, nutaarsias­samik nuan­nersumik tusar­nis­saan­nut periarfis­sit­taratsigit nuan­naarsin­naavugut. Jehova Ezekielimut peq­qusinermisul­li ima peq­quaatigut: “Oqaasereq­qusan­nik oqaluf­figis­savatit naalas­sap­pata  naalas­san­ngip­pataluun­niit.” (Ez 2:7; Es 43:10) Tas­sa inuit qanorluun­niit qisuariaraluar­pata Jehovap iliuutsivut pingaar­tip­pai. (Hebræerit 6:10 atuaruk). Qatan­ngut angut oqaluus­sisar­nini pil­lugu ima oqar­poq: “Ik­kus­suisar­pugut, imer­terisarluta qinusarlutalu neriuutigalugu Jehovap soqutigin­nin­neq naajar­tor­tik­kumaaraa.” – 1 Kor 3:6.

15. Aatsaat inuit qujamasuk­kaangata tuk­kor­tas­saagut? Nas­suiaruk.

¹⁵ Jiisusip tuk­kor­tuunik­kut nuan­naaler­nis­sar­put kis­saatigaa. Tuk­kor­tuugaangat­ta inup­pas­suit aam­ma tunisiumaneruler­tar­put. Taamaat­tumik ima kajumis­saarivoq: “Tunisigitsi, taava ilis­sis­saaq tunineqas­saasi. Uut­tuk­kap imai ajun­ngitsut naqit­taas­sat aalaterus­sat qam­misimasul­lu ilis­sin­nut tun­niun­neqarumaar­put. Uut­tuutigisas­sin­nim­mi uut­tuif­figineqarumaar­pusi.” (Luk 6:38) Soorunami tuk­koraangavit inuit tamarmik qujamasut­tar­navian­ngil­lat. Ilaal­li qujamasup­pasin­ngik­kaluar­pataluun­niit tunisiuarit. Ataasiaan­narluniluun­niit tuk­korluni tunisineq ilimagin­ngisamik kinguneqarluarsin­naavoq.

16. Kik­kun­nut tuk­kor­tuusariaqar­pugut, aam­ma sooq?

¹⁶ Ilumoorlutik tuk­kor­tut nam­min­neq tunineqar­nis­sar­tik naatsorsuutigin­ngik­kaluarlugu tunisisar­put. Jiisusi oqar­poq: “[Nerersuar­titsiniaruit] piitsut, iloqiaat, nukil­laarsimasut tap­piitsul­lu qaaq­quk­kit. Taava pil­luas­saatit, taak­kumi akil­lutit neriar­toq­qus­sal­lutit akis­saqan­ngim­mata.” (Luk 14:13, 14) Biibilimi al­laq­qavoq: “Pil­luaq­qusaas­saaq al­lanut ajun­ngitsulior­toq.” Aam­ma: “Pil­luar­poq san­ngiitsumik isumas­suisoq.”  (Uss 22:9; Tuss 41:2) Al­lanik ikiuuk­kusuk­kat­ta tuk­kor­tuusariaqar­pugut.

17. Nuan­naalis­sutigisatsin­nik sutigut tun­nius­sisin­naavugut?

¹⁷ Jiisusip oqaasii, “tunisineq pil­luar­nar­neruvoq tigusinermit”, Paulusip is­suaramigit piin­nan­ngilaa nunap piinik tunisineq. Aam­ma qiim­mas­saanik­kut, Biibilimit siun­nersuinik­kut ikiuinik­kul­lu tunisisarsin­naavugut. (ApS 20:31-35) Pif­fis­satsin­nik nukitsin­nil­lu atuinitsigut, isumas­suinitsigut asan­nit­tulior­nitsigul­lu tuk­kor­tuunis­sat­ta qanoq pingaaruteqar­tigineranik Paulusip oqaatsimigut iliuutsimigul­lu ilin­niar­tip­paatigut.

18. Misis­sueq­qis­saar­tar­tut amerlasuut tuk­kor­tuuneq pil­lugu qanoq oqar­pat?

¹⁸ Inuit pis­susaan­nik misis­sueq­qis­saar­tar­tut aam­ma paasisimavaat tunisineq inuit pil­lualis­sutigisaraat. Al­laaserisami ataatsimi al­laq­qavoq ‘inuit al­lanut ajun­ngitsulioreerlutik pil­luar­nerulersutut misiginerar­tut’. Misis­sueq­qis­saar­tar­tut oqar­put al­lanik ikiuigaangat­ta misigiler­tar­tugut inuuner­put siuner­taqarluar­toq. Taamaat­tumik ilisimatuut ilaasa siun­nersuutigaat inuit pil­luar­nerujumal­lutik peq­qin­nerujumal­lutil­lu kajumis­sutsimin­nit suliaqarsin­naasut. Soorunami taak­kua paasisaat tupaal­laatigin­ngilavut, Pin­ngor­titsisit­tami asan­nit­tup Jehovap tunisigaangat­ta pil­lualis­sutaasar­nera al­laatigereersimavaa. – 2 Tim 3:16, 17.

19, 20. Sooq tuk­kor­toorusup­pit?

¹⁹ Im­minuin­naq eq­qarsaatigineq nalingin­naam­mat tuk­kor­tuujuar­nis­sar­put saper­nar­tis­sin­naavar­put. Jiisusil­li eq­qaasip­paatigut inas­sutit pingaar­ner­paat marluk tas­saasut uum­matik­kut, tar­nik­kut, isumak­kut iluun­ngarluni nukiil­lu tamak­kerlugit Jehovamik asan­nin­neq tul­litsin­nil­lu im­mitsitut asan­nin­nis­sar­put. (Mark 12:28-31) Al­laaserisami matumani ilin­niareer­par­put Jehovamik asan­nit­tut taas­sumin­nga ilaarsisar­tut. Jehova Jiisusilu tuk­kor­tuup­put. Maligas­siuiner­til­lu ilaaq­qul­lugu kajumis­saar­paatigut nalun­ngin­namik­ku taman­na pil­lualivis­sutigis­sagip­put. Guutimut inoqatitsin­nul­lu iliuutsitsigut tuk­kor­tuugut­ta Jehova ataq­qil­lugulu im­mitsin­nut aam­ma al­lanut iluaqusiis­saagut.

²⁰ Al­lanut, ingam­mik qatan­ngutin­nut, tuk­kor­tuuniarlutit ilungersor­tutit qular­nan­ngilaq. (Gal 6:10) Taamaalior­tuaruit inuit qujamasul­lutil­lu asas­savaatsit, il­lil­lu pil­luas­saatit. Biibilimi al­laq­qavoq: “Angut tunisiumatooq siuariaateqas­saaq; al­lanik qiim­mas­saasoq qiim­mas­sar­neqarumaar­poq.” (Uss 11:25, New International Version) Inuunitsin­ni kif­far­tor­nitsin­nilu nam­minis­sarsior­nata inus­siar­nisaar­nis­samut tuk­kor­tuunis­samul­lu periarfis­sar­pas­suaqar­pugut. Taak­kua ilaat al­laaserisami tul­liani sam­mis­savavut.