1. Sutigut Jehova suleqatigisin­naavar­put?

JEHOVAP inuit pin­ngor­tik­kamigit taak­kunin­nga suleqateqar­nis­sani kis­saatigaa. Inuit maan­na naam­mal­luin­nan­ngitsuugaluarlutik aalajaatsut ul­lut tamaasa Jehovamut suleqataasin­naap­put. As­sersuutigalugu naalagaaf­fim­mik nutaarsias­saq nuan­nersoq oqaluus­sis­sutigigaangatsigu ajoqersugan­ngor­titsior­toraangat­talu ‘Guuti suleqatigisar­par­put’. (1 Kor 3:5-9) Pin­ngor­titsisup qutsin­nerus­saar­tup suliamut taama pingaaruteqar­tigisumut suleqatigiumam­matigut ataq­qinaataangaar­poq! Oqaluus­sinerul­li saniatigut aam­ma al­latigut Jehovamik suleqateqarsin­naavugut. Al­laaserisami matumani sam­mis­savar­put taan­na aam­ma qanoq suleqatigisar­nerlutigu ilaqut­tavut ilagiin­niit­tul­lu ikioraangatsigit, inoroorsaaraangat­ta, nunani tamalaani peqatigiif­fitsin­ni sulianut ikiuuk­kaangat­ta kif­far­toriaatsil­lu al­lat misilik­kaangatsigit. – Kol 3:23.

2. Sooq Jehovamut iliuuserisin­naasavut al­lat iliuuserisin­naasaan­nut sanil­liutin­ngisaan­nar­tariaqar­pavut?

² Al­laaserisap atuaq­qis­saar­nerani il­lit Jehovamut iliuuserisin­naasatit  al­lat iliuuserisin­naasaan­nut sanil­liuteqinagit. Qas­sinik ukioqar­neq, peq­qis­suseq, pis­sutsit atuk­kat pigin­naasal­lu inum­miit inum­mut as­sigiin­neq ajor­put. Apustili Paulusi ima al­lap­poq: “Kialuun­niit nam­mineq suliani misilis­savaa, sulianilu nam­miniin­naq usorsisimaarutigis­savai al­lanut naleq­qiun­nagit.” – Gal 6:4.

3. Sooq oqar­toqarsin­naava ilaqut­taminik isumas­suisoq Guutimik suleqateqar­toq?

³ Ilaqut­tatsin­nik isumas­suinis­sar­put Jehovap piumasaraa. As­sersuutigalugu ilaqut­tan­nik pilersuiniarlutit aningaasarsior­tariaqarsin­naavutit. Anaanar­pas­suit meeq­qatik mikisut paariniarlugit angerlarsimasar­put. Angajoq­qaavul­lu im­minut paarisin­naajun­naar­pata imaas­sin­naavoq isumagisariaqarivut. Isumagisas­sat tamak­ku pisariaqar­put. Biibilimi al­las­simavoq: “Eq­qarliminik, pingaar­tumik inoqutiminik, isumagin­nin­ngitsoq uppernerminik tunussisuuvoq up­pin­ngitsumil­lu ajor­nerul­luni.” (1 Tim 5:8) Ilaqut­tan­nik akisus­saaf­feqaruit imaas­sin­naavoq kis­saatigisat­tut Jehovamut iliuuseqar­tigisin­naan­ngitsutit. Nikal­loqinal­li! Ilaqut­tan­nik pilersuinerit Jehovap iluarisar­paa. – 1 Kor 10:31.

4. Angajoq­qaat qanoq Naalagaaf­fim­mik sal­liutitsisin­naap­pat, taman­nalu qanoq kinguneqar­tar­pa?

⁴ Angajoq­qaat kristumiut qitor­natik kif­far­tor­nermi anguniagaqaq­qul­lugit ikior­neran­ni Jehovamik suleqateqarsin­naap­put. Angajoq­qaar­pas­suit taamaalior­put. Kingunerisaanik taak­kua qitor­naat pif­fis­saq tamaat Jehovamut kif­far­tor­niarlutik aalajanger­put, al­laat ilaat ungasis­sumut nuus­simap­put. Ilaat ajoqersuiar­tor­titaap­put, al­lat oqaluus­sisar­tunik pisariaqar­titsif­fiusumut nuus­simap­put ilaal­lu Betelimi kif­far­torlutik. Soorunami qitor­nat ungasis­sumi najugaqaraangata angajoq­qaat taak­ku kis­saatigisamit­tul­li ilagisarsin­naan­ngilaat. Qitor­natil­li sumiik­kaluar­pataluun­niit Jehovamut kif­far­tor­tuaq­qul­lugit nam­minis­sarsioratik kajumis­saar­tar­paat. Sooq? Qitor­namik inuunermin­ni Jehovamik sal­liutitsinerat nuan­naarutigingaaramik­ku. (3 Joh 4) Angajoq­qaat taak­kua ilar­pas­sui Han­natut misigip­put, taan­na oqar­poq er­nini Samueli ‘Naalak­kamut pigititaasoq’. Taamatut Jehovamik suleqateqar­ner­tik ataq­qinaatitut isigaat. – 1 Sam 1:28.

5. Qatan­ngutit ilagiin­niit­tut qanoq ikiorsin­naavigit? (Al­laaserisap aal­laq­qaataani as­sit takuk­kit).

⁵ Ilaqut­tan­nut tun­ngatil­lugu an­ner­tuunik akisus­saaf­feqan­ngik­kuit up­peqatit nap­parsimasut, utoq­qaat imaluun­niit al­lanik pisariaqar­tital­lit ikiorsin­naavigit? Al­lal­luun­niit taak­kunin­nga isumas­suisut ikiorsin­naavigit? Ilagiin­ni taamatut ikior­neqar­nis­samin­nik pisariaqar­titsisut eq­qumaf­figisak­kit. As­sersuutigalugu im­maqa qatan­nguteqar­poq ar­namik angajoq­qaaminik utoq­qarmik isumas­suisumik. Taan­na al­lanik suliaqar­nias­sam­mat ataataa anaanaaluun­niit pif­fis­saqarfigilaarsin­naaviuk? Im­maqaluun­niit arlaat ataatsimiin­ner­nut biiliuk­kumaneratigut ikiorsin­naavat, pisiniul­lugu nap­parsim­mavim­mul­luun­niit pulaarlugu. Taamaalioruit imaas­sin­naavoq qinunermik akisinerani Jehova suleqatigigit. – 1 Korinthimiut 10:24 atuaruk.

6. Qanoq inoroorsaarsin­naavugut?

⁶ Guutip suleqataasa inoroorsaar­tuuner­tik ilisimaneqaatigaat. Oqaaseq grækerisooq Biibilimi ‘inoroorsaar­nermik’ nutser­neqar­toq isumaqar­poq “takor­nar­tanut inus­siar­nisaar­neq”. (Hebr 13:2) Qanoq taamatut inus­siar­nisaar­nis­satsin­nik ilin­niarfigisin­naasat­ta maligas­siaat Guutip oqaasiani atuarsin­naavavut. (1 Mos 18:1-5) Ikiuinis­samut periarfis­sarsiorluta al­lat, ‘up­peqatigigutsigit’ up­peqatigin­ngik­kaluarutsigil­luun­niit, ikior­tariaqar­pavut. – Gal 6:10.

7. Pif­fis­saq tamaat kif­far­tor­tunut inoroorsaar­neq qanoq kinguneqarluarsin­naava?

⁷ Pif­fis­saq tamaat kif­far­tor­tut tikeraar­tut inoroorsaarfigalugit Jehova suleqatigisin­naaviuk? (3 Johannesi 5, 8 atuakkit). Taamaalioraangat­ta ‘kajumis­saaqatigiin­nis­samut’ amerlaner­tigut periarfis­saasar­poq. (Rom 1:11, 12) Olafip inuusut­tuaraatil­luni misigisaa eq­qarsaatigiuk. Taamani ilagiin­nik nak­kutil­liisoq kisimiit­toq ilagiin­nut tikeraar­toq inis­saarup­poq. Nak­kutil­liisoq il­lusimatis­sin­naanerlugu Olafip angajoq­qaani Nalunaajaasuun­ngitsut aperai. Akuersip­put Olafili oqarfigaat sofami sinit­tariaqar­toq. Olafil­lu taamaalior­nini peq­qis­simis­sutigin­ngisaan­nar­paa. Olaf ima eq­qaamasalik­kersaar­poq: “Sapaatip-akun­nera nuan­ningaarami! Ilagiin­nik nak­kutil­liisar­torlu ul­laaralaak­kut makit­tar­pugut ul­laak­korsior­nitsin­nilu soqutiginar­tor­pas­suar­nik eq­qar­tuisarluta. Kajumis­saarinera pif­fis­saq tamaat kif­far­torusulis­sutigaara.” Ukiut 40-t kingul­liit Olaf nunani arlalin­ni ajoqersuiar­tor­titatut kif­far­tor­poq.

8. Al­lat aal­laq­qaam­mut qujamasup­pasin­ngik­kaluar­pataluun­niit sooq inus­siar­nersuusariaqar­pugut? As­sersuuteqarit.

⁸ Arlalitsigut inun­nut ilisarisiman­ngisatsin­nut asan­nin­nermik ersersitsisin­naavugut, aam­ma aal­laq­qaam­mut qujamasup­pasin­ngik­kaluar­pataluun­niit. As­sersuutigalugu Spaniami qatan­ngut ar­naq Ecuadorimeersumik ar­namik Biibilimik atuaq­qis­saaqateqar­tar­poq. Ul­lut ilaan­ni atuaq­qis­saar­til­lutik Yesica qiajun­naar­neq ajuler­poq. Qatan­ngutip aperaa sooq qianersoq. Yesica oqar­poq suli Spaniamiilin­ngik­kal­larami piitsuungaarsimal­luni. Ilaan­ni panim­minut tun­nius­sin­naasatuaa tas­sa imeq, nerisas­saateqan­ngin­namimi. Qitor­nani sin­nas­sar­til­lugu Guutimut ikioq­qul­luni qinuvoq. Kingunitsian­ngua Nalunaajaasut marluk Yesica pulaar­paat atuagas­siamil­lu tunil­lugu. Taak­kuli inus­siar­niif­figai atuagas­siarlu sis­sorlugu ima oqarfigalugit: “Tas­sa nerisas­sat panin­nut tun­niuteq­qusasi?” Qatan­ngutit ar­nat taan­na tup­pal­lersar­niaraluar­paat, Yesicali tusaajuman­ngilaq. Qatan­ngutit taak­kua kingusin­nerusuk­kut koori nerisas­sanik imalik matup silataanut ilivaat. Maan­na atuaq­qis­saar­til­lutik qiavoq, paasileramiuk qin­nutiminut Guutip akis­sutaa soqutigisimanagu. Yesical­li Jehovamut kif­far­tor­niarluni aalajangiusimavaa. Qatan­ngutit  taak­kua tuk­kor­nerata kinguneqarluar­titsinera ersarip­poq. – Oqal 11:1, 6.

9, 10. (a) Israelik­kut kajumis­sutsimik suliaqar­nis­samut qanoq periarfis­saqarsimap­pat? (b) Ul­lumik­kut qatan­ngutit angutit ilagiin­ni qanoq ikiuus­sin­naap­pat?

⁹ Itsaq Israelik­kut kajumis­sutsimin­nik taperseeqataanis­samin­nut periarfis­sar­pas­suaqar­put. (2 Mos 36:2; 1 Nal 29:5; Neh 11:2) Aam­ma il­lit qatan­ngutin­nik ikiuinin­ni pif­fis­san­nik, pigisan­nik pigin­naanin­nil­lu atuinis­san­nut periarfis­sar­pas­suaqar­putit. Taamaalioruit nuan­naangaarlutil­lu Jehovamit pil­luaq­qusaas­saatit.

¹⁰ Angutit ilagiin­nit­tut ilagiin­nik kif­far­tor­tutut utoq­qaaner­tatul­luun­niit kif­far­tor­nik­kut Jehovamik suleqateqaq­qul­lugit Guutip oqaasiani kajumis­saar­neqar­put. (1 Tim 3:1, 8, 9; 1 Petr 5:2, 3) Taamaalior­tut al­lanik anersaak­kut al­latigul­lu ikiuuk­kumasar­put. (ApS 6:1-4) Il­lit atuagas­sianut imaluun­niit oqaluus­sif­figisar­tak­kanut tun­ngatil­lugu ikiuun­nis­samut, aserfal­latsaaliueqataanis­samul­luuniit imaluun­niit al­latigut ikiuun­nis­samut utoq­qaaner­tanit aperineqar­nikuuit? Qatan­ngutit angutit ikiuut­tar­tut taamatut suliaqar­ner­tik nuan­ner­nerar­tar­paat.

11. Qatan­ngut ar­naq sanaar­tor­nermi suleqataanik­kut ikin­ngutitaar­tor­nini qanoq iluaqutigisimavaa?

¹¹ Sanaar­tor­nermi sulianut kajumis­sutsimin­nik suleqataasut ikin­ngutitaar­tor­tar­put. Qatan­ngut ar­naq Margiemik atilik ukiuni 18-ini naalagaaf­filersaarfilioqataasarsimavoq. Suliani taak­kunani qatan­ngutit ar­nat inuusun­nerit im­mik­kut soqutigisarlugil­lu ilin­niar­tit­tar­pai. Oqar­poq suliat taak­ku kajumis­sutsimik suleqataasunut kajumis­saaqatigiin­nis­samut periarfis­satsialaasut. (Rom 1:12) Inuunermini  ar­tor­nar­torsiorfim­mini sanaar­tor­ner­nit ikin­ngutitaaminit qiim­mas­sar­neqar­tar­poq. Sanaar­tor­nermi il­lit suleqataanikuuit? Im­mik­kut pigin­naasaqan­ngik­kaluarlutit suleqataasin­naavutit.

12. Ajunaar­nersuaqar­til­lugu qanoq ikiuus­sin­naavit?

¹² Aam­ma pin­ngor­titami ajunaar­nersuaqar­til­lugu qatan­ngutitsin­nik ikiuinik­kut Jehova suleqatigisin­naavar­put. As­sersuutigalugu aningaasanik tunis­suteqarsin­naavugut. (Joh 13:34, 35; ApS 11:27-30) Iliuuserisin­naasar­put al­la tas­saavoq ajunaar­nersuup kingor­na iluarsar­tuus­seqataaneq. Gabrielap, qatan­ngutip ar­nap Polenimeersup, qarsutsineqarmat il­lua aseruatiter­neqar­poq. Qatan­ngutit ilagiin­nit al­lanit ungasin­ngisaaneersut ikiuuk­kiar­tor­nerat nuan­naarutigingaar­paa. Misigisani eq­qarsaatigigaangamiuk pigisani an­naasani pin­nagit pis­sarsiarisani eq­qarsaatiginerusar­pai. Ima oqar­poq: “Misigisaq taman­na kristumiut ilagiivinut ilaanerma im­mik­kut it­tumik pisin­naatitaaf­fiuneranik pil­luar­nar­neranil­lu eq­qaasitsis­sutigaara.” Ajunaar­nersuaqar­til­lugu ikior­neqarsimasut aam­ma taama misiginerar­put. Qatan­ngutinil­lu taak­kunin­nga ikiuinik­kut Jehovamik suleqateqar­tut nuan­naarlutil­lu nalerisimaar­put. – Apustilit Suliaat 20:35; 2 Korinthimiut 9:6, 7 atuakkit.

13. Kajumis­sutsimik suleqataanik­kut qanoq Jehovamut asan­nin­neruler­tar­pugut? As­sersuuteqarit.

¹³ Qatan­ngut ar­naq Stephaniemik atilik oqaluus­sisar­tul­lu al­lat USA-mut sorsun­ner­nit qimaasunik ikiuinermik­kut Guutimik suleqateqar­put. Qimaasut taak­ku angerlarsimaf­fim­mik pequtinil­lu pis­sarsinis­saan­nik ikior­paat. Ima oqar­poq: “Taak­ku silarsuaq tamak­kerlugu qatan­ngutigiis­suar­nit asaneqar­ner­tik qujamasuutigalugulu nuan­naarutigigaat takul­lugu kil­litsis­sutigaar­put. Ilaqutariit taak­ku nam­min­neq misigip­put uagutsin­nit ikior­neqarlutik, ilumoor­tumil­li oqas­sagaan­ni taak­kua ikior­nerungaar­paatigut. Asan­nin­nerat, ataasioqatigiin­nerat, up­per­nerat Jehovamil­lu tatigin­nin­nerat Jehovamut asan­nin­nitsin­nut nakus­satsis­sutigingaar­par­put, taas­sumalu peqatigiis­sor­taanit pisar­tak­katsin­nut tamanut tun­ngatil­lugu qujamasun­nerulersil­luta.”

14, 15. (a) Pruf­fiiti Esaja qanoq isigin­nit­taaseqar­pa? (b) Esajap isigin­nit­taasia kristumiut qanoq ilaarsin­naavaat?

¹⁴ Suli al­latigut Jehova suleqatigerusup­piuk? Oqaluus­sisar­tunik pisariaqar­titsif­fiusumut nuuk­kusus­sin­naavit?  Soorunami tuk­kor­tuuniarluta ungasis­sumut nuut­tariaqan­ngilagut. Qatan­ngutil­li ilaat pisin­naap­put. Pruf­fiiti Esajamut as­singusumik isigin­nit­taaseqar­put. Jehova ima aperim­mat: “Kina aal­lar­tis­savara, kia oqariar­tuuk­kumavaatigut?” Akivoq: “Piareersimavunga, aal­lar­tin­nga!” (Es 6:8) Jehovap peqatigiis­sor­taanut ikiuun­nis­samut pisin­naal­lutil­lu piumas­suseqar­pit? Sutigut ikiuus­sin­naavit?

¹⁵ Oqaluus­sineq ajoqersuiar­tor­titsinerlu pil­lugit Jiisusi ima oqar­poq: “Katersugas­sat amerlaqaat sulisus­sal­li ikit­tuin­naal­lutik. Taamaat­tumik katersuinermi naalagaasoq qin­nuigisiuk katersuisus­sanik aal­lar­titseq­qul­lugu.” (Matt 9:37, 38) Pisariaqar­titsif­fiusumut nuus­sin­naavit, al­laat im­maqa pioneritut kif­far­torlutit? Imaluun­niit al­la taamaalior­nis­samut ikiorsin­naaviuk? Qatan­nguter­pas­suit misigip­put Guutimik tul­lermin­nil­lu asan­nin­nermin­nut ersersitseriaaseq pitsaaner­paaq tas­saasoq pisariaqar­titsif­fiunerusumi pioneriuneq. Kif­far­tor­nin­ni al­latigut iliuuseqarsin­naanerlutit eq­qarsaatigisin­naaviuk? Taamaalioruit pil­luas­saatit.

16, 17. Sutigut Jehovamut kif­far­tor­nermi iliuuseqar­nerusin­naavit?

¹⁶ Qaam­matialuit imaluun­niit sapaatip-akun­neranut ul­loq ataaseq ul­lualuil­luun­niit Betelimi imaluun­niit sanaar­tor­ner­ni kif­far­torumasin­naavit? Jehovap peqatigiis­sor­taani pisariaqar­titsif­fiusumut nuuk­kusut­tut aam­ma sumil­luun­niit sulias­sin­neqar­til­lutik ikiuuk­kumasut, sulianik al­lanik misilit­tagaqaraluarunil­luun­niit, pisariaqar­tin­neqar­tuaan­nar­put. Kik­kul­luun­niit pisariaqar­titsif­fiusunut sumiluun­niit kif­far­tor­nis­samut pil­liuteqar­nis­samul­lu kajumis­suseqar­tut Jehovap pingaar­tip­pai. – Tuss 110:3.

¹⁷ Jehovamut kif­far­tor­nerusin­naajumal­lutit ilin­niar­tin­neqar­nerorusup­pit? Im­maqa Kristumiunut Oqaluus­sisar­tunut Ilin­niarfim­mut qin­nuteqarsin­naavutit. Ilin­niarfim­mi tas­sani qatan­ngutit angutit ar­nal­lu anersaak­kut inersimal­luar­tut pif­fis­saq tamaat kif­far­tor­tut Jehovap peqatigiis­sor­taanit atorluar­neqarsin­naanias­sagamik ilin­niar­tin­neqar­tar­put. Tas­sunga ilin­niariar­tut sumul­luun­niit aal­lar­tin­neqar­nis­samin­nut piumas­suseqar­tariaqar­put. Jehovamut taama iliuuseqar­nerunis­samut kajumis­suseqar­pit? – 1 Kor 9:23.

18. Jehovamut ul­lut tamaasa suleqataanerup suut iluaqutis­sar­tarai?

¹⁸ Jehovamut kif­faagat­ta ul­lut tamaasa al­lanik soqutigin­nil­luta inoroorsaar­nis­samut, inus­siar­nersuunis­samut asan­nit­tuunis­samul­lu kil­lin­neqar­tar­pugut. Taman­na uagutsin­nut nuan­naar­nermik, eq­qis­sinermik pil­luar­nermil­lu kinguneqar­tar­poq. (Gal 5:22, 23) Pis­sutsit atuk­katit qanorluun­niit ik­kaluar­pata Jehovap tuk­kor­tuunera ilaar­tuaruk­ku taas­sumalu suleqataanut erlin­nar­tunut ilaaguit pil­luas­saatit. – Uss 3:9, 10.