1. Filip­pimi kik­kut ilagiin­nik pilersitseqataap­pat?

IL­LOQARFIM­MUT Filip­pimut tikik­kamik apustili Paulusi, Silasi, Lukasi Timotheusilu nutaarsias­samik nuan­nersumik soqutigin­nit­tor­pas­suar­nik naapitsip­put. Oqaluus­sisar­tut aal­lus­sil­luar­tut taak­ku sisamat ilagiin­nik pilersitseqataap­put. Ilagiit naapeqatigiit­taler­put, im­maqa up­per­tup Lydiamik atil­lip inoroorsaar­tuusup angerlarsimaf­fiani. – ApS 16:40.

2. Ilagiit ingerlaan­naq qanoq misilin­neqar­pat?

² Ilagiit pilersin­neqarlaat ingerlaan­naq misilin­neqar­put. Saatanip inuit sal­lusuis­sum­mik akerlilersuisut kristumiunut aalajaatsunut taak­kunun­nga saas­sus­sitip­pai. Paulusi Silasilu tigusaap­put, peq­qar­niitsumik naal­liutsin­neqar­put par­naarus­saal­lutil­lu. Par­naarus­sivim­mit iperagaareerlutik ajoqersugan­ngorlaat qiim­mas­sariar­tor­paat. Taava Timotheusi ilagalugu il­loqarfik qimap­paat, Lukasili tas­saniigin­narunar­poq. Filip­pimi ilagiit qanoq ingerlap­pat? Jehovap anersaavata ikiuineratigut aal­lus­sil­luarlutik Jehovamut kif­far­tor­tuar­put. (Fil 2:12) Paulusi taak­ku pil­lugit tul­luusimaar­nis­saminut pis­sutis­saqarluar­poq!

3. Filip­pimiut 1:9-11 al­laatigineqar­tutut Paulusip suut qin­nutigai?

³ Ukiut qulit mis­saat qaangium­mata Paulusi Filip­pimiunut al­lap­poq. Al­lak­kat atuar­nerisigut Paulusip qatan­ngutiminut asan­nin­nera ersarip­poq. Ima al­laf­figai: “Guuti up­per­narsaasigaara tamas­si qanoq kipitsavigitigigis­si Kristusi-Jiisusip asan­ningaar­neratigut.” (Fil 1:8) Aam­ma al­laf­figai  Jehova qin­nuigisarlugu taas­suma ikiuineratigut asan­nin­ner­tik al­liar­tuin­nar­tis­sagaat, suut pingaar­nerusut qulak­kiis­sagaat, minguitsuus­sasut, naak­kius­sutaas­san­ngitsut aam­ma inerititanik iluar­tunik inerititaqar­tuas­sasut. Paulusip uum­mam­mit pisumik oqaasii nalitsin­ni ilin­niarfigisin­naagatsigit al­latai atuarusun­nar­put. (Filippimiut 1:9-11 atuakkit). Eq­qaasai pingaar­nerit suunersut qanorlu inuunitsin­ni atorsin­naagivut al­laaserisami sam­mis­savavut.

4. (a) Johan­nesip al­lagai siul­liit 4:9, 10-lu naaper­torlugit Jehovap uagutsin­nut asan­nin­nini qanoq ersersip­paa? (b) Guuti qanoq asatigis­savar­put?

⁴ Jehovap asangaaramisigut er­nini nunarsuarmut aal­lar­tip­paa taas­suma ajor­tivut pil­lugit inuunini pil­liutiginias­sam­magu. (1 Johannesi 4:9, 10 atuakkit). Guutip nam­minis­sarsiun­ngitsumik asan­nin­nera kil­lin­neqaatigalugu taan­na asavar­put. (Rom 5:8) Qanorli asatigis­savar­put? Jiisusip farisiiarimut oqaasiinit taman­na erser­poq: “Guutit asas­savat uum­matik­kut iluun­ngarlutit tar­nik­kul­lu iluun­ngarlutit isumak­kul­lu iluun­ngarlutit.” (Matt 22:36, 37) Jehovamut asan­nin­ner­put ilaan­nakuutik­kusun­ngilar­put. Taamaat­tumik taas­sumun­nga asan­nin­ner­put ul­lut tamaasa ineriar­tor­tik­kusup­par­put. Paulusip Filip­pimiut al­laf­figai asan­nin­nerat ‘al­liar­tuin­nas­sasoq’. Guutimut asan­nin­ner­put qanoq ineriar­tor­tis­sin­naavar­put?

5. Asan­nin­ner­put qanoq al­liar­tuin­narsin­naava?

⁵ Guuti asajumal­lugu ilisarisimasariaqar­par­put. Biibilimi ima al­las­simasoqar­poq: “Asan­nin­ngitsup Guuti ilisiman­ngilaa, Guutimi tas­saavoq asan­nin­neq.” (1 Joh 4:8) Apustilip Paulusip nas­suiar­paa Guuti pil­lugu sal­lusuis­sut taas­sumalu isigin­nit­taasia paasiar­tor­nerutil­lugit Jehova asanerulis­sagip­put. (Fil 1:9) Biibilimik atuaq­qis­saar­taleq­qaarat­ta Jehovap pis­susiinik nuan­nersunik kil­lilim­mik ilisimasaqaraluarluta taan­na asaler­par­put. Jehovalu ilisarisimaneruleriar­tor­til­lugu asan­nin­ner­put al­liar­tor­poq. Tupin­nan­ngilaq aalajangersimasumik Biibilimik atuaq­qis­saar­tar­neq atuak­katsin­nil­lu eq­qarsaatigin­neq­qis­saar­tar­neq inuunitsin­ni pingaaruteqar­ner­paanut ilaam­mata! – Fil 2:16.

6. Johan­nesip al­lagai siul­liit 4:11, 20, 21-lu naaper­torlugit aam­ma kik­kut asasariaqar­pavut?

⁶ Guutip uagutsin­nut asan­ningaar­nera kil­lin­neqaatigalugu qatan­ngutivut asavavut. (1 Johannesi 4:11, 20, 21 atuakkit). Im­maqa eq­qarsar­pugut qatan­ngutit­ta asanis­saat ajor­nar­tin­naviar­nagu. Jehovami pal­lorfigaar­put pis­susiilu nuan­nersut ilaar­niar­tarlugit. Aam­ma Jiisusip, asan­ningaarami uagut pil­luta toqusup, maligas­siaa ilaar­par­put. Taamaak­kaluar­torli asaqatigiin­nis­samut peq­qus­sutip maleruar­nis­saa ilaan­nik­kut ajor­nar­tis­sin­naavar­put. Filip­pimi ilagiin­ni pisimasoq tamatumin­nga ersersitsivoq.

7. Paulusip Euodiamut Syntykimul­lu oqaaq­qis­saarutaanit suna ilik­kar­par­put?

⁷ Euodia aam­ma Syntyki ar­naap­put aal­lus­sil­luar­tut Paulusi peqatigalugu suleqatigiis­simasut. Im­maqali isumaqatigiin­ngin­namik im­min­nut alar­put. Ilagiin­nut Euodiap Syntykil­lu kif­far­torfigisaan­nut al­lak­kamini Paulusip atiisigut taal­lugit oqaaq­qis­saar­pai “isumaqatigeeq­qul­lugit”. (Fil 4:2, 3) Paulusi misigivoq ilagiin­niit­tut tamaasa ima al­laf­figisariaqarlugit: “Sulias­sasi suliariniarsigit naam­magit­taal­lior­nasi pinaaser­nasilu.” (Fil 2:14) Qular­nan­ngilaq Paulusip oqaaq­qis­saarutaa ar­nanut aalajaatsunut taamaal­laat pin­nani ilagiin­niit­tunul­li tamanut asaqatigiin­nis­samut iluaqutaasimas­sasoq.

8. Asaqatigiin­nis­samut suna akor­nutigisin­naavar­put, qanorli qaanger­neqarsin­naava?

 ⁸ Qatan­ngutit­ta kuk­kus­sutaat eq­qarsaatiginerugutsigit Euodiap Syntykil­lu asaqatigiin­nis­samut akor­nutigisaat uagut­taaq akor­nutigilersin­naavar­put. Tamat­ta ul­lut tamaasa kuk­kusar­pugut. Al­lat kuk­kus­sutaat eq­qarsaatiginerugutsigit taak­kunun­nga asan­nin­ner­put nil­loriar­tus­saaq. As­sersuutigalugu qatan­ngutit­ta naalagaaf­filersaarfim­mi eq­qiaaqataanis­sani puior­pagu arras­sin­naavugut. Taava kuk­kus­sutai tul­leriiaarlugit eq­qaaqat­taalerutsigit arran­neruleriar­torluta qatan­nguter­put asajun­naariar­tus­savar­put. Taamatut misigiguit pingaarutilik una eq­qarsaatigiuk: Jehovap kuk­kus­sutitit qatan­ngutivil­lu kuk­kus­sutai tamaasa ilisimavai. Taamaat­torli suli qatan­ngutit asavaa, soorlu il­lit asagaatit. Taman­na pis­sutigalugu Jehovap asan­nin­nera ilaar­tariaqar­par­put qatan­ngutit­talu pis­susii nuan­nersut isiginiar­nerul­lugit. Qatan­ngutit­ta asanis­saat ilungersuutigigutsigu ataasioqatigiin­ner­put nakus­satsis­savar­put. – Fil 2:1, 2.

9. Kristumiunut suut ‘pingaar­nerusunut’ ilaap­pat?

⁹ Jehovap Paulusi isumas­sarsisil­lugu Filip­pimiunut al­latsip­paa ‘suut pingaar­nerusut qulak­kiis­sagaat’. (Fil 1:10, NW) Uagut­taaq suut pingaar­nerusut qulak­keer­tariaqar­pavut. Taak­kunun­nga ilaap­put Jehovap aq­qata qutsis­sisin­neqar­nera, siuner­taasa eq­quun­nerat aam­ma ilagiin­ni eq­qis­seqatigiin­neq ataasioqatigiin­nerlu. (Matt 6:9, 10; Joh 13:35) Taak­ku inuunitsin­ni pingaar­ner­paatik­kutsigit Jehova asal­lugu ersersis­savar­put.

10. Jehovamit akuerisaas­sagut­ta susariaqar­pugut?

¹⁰ Paulusi aam­ma al­lap­poq ‘minguitsuus­sasugut’. Soorunalimi Guuter­put il­ler­nar­toq as­sigalugu minguil­luin­nar­tuusin­naan­ngilagut. Sapin­ngisar­pul­li tamaat asan­nin­ner­put ineriar­tor­tik­kutsigu pingaar­nerusul­lu qulak­keerlugit Jehovap akueris­savaatigut. Asan­nin­nitsin­nik ersersitsinitsin­nut ilaavoq sapin­ngisamik al­lanut naak­kius­sutaanaveersaar­neq.

11. Sooq naak­kius­sutaanaveersaas­saagut?

¹¹ ‘Al­lanut naak­kius­sutaan­ngin­nis­samik’ peq­qus­sut pimoorus­sas­saavoq. (Fil 1:10, NW) Qanoq naak­kius­sisoorsin­naavugut? Suut aliik­kutariniar­nerlugit, suut atisariniar­nerlugit al­laal­lu suna sulif­figiniar­nerlugu aalajangiinik­kut. Imaas­sin­naavoq toq­qak­kavut im­mini ajor­tuun­ngitsut. Al­lal­li nalun­ngeqatigin­nis­sutaanut naaper­tuutin­ngip­pata naak­kius­sutigisin­naavai. Taman­nalu ajorluin­nar­poq! Jiisusi oqar­poq qatan­ngutitsin­nut naak­kius­sutaanermit ujarak oqimaatsoq qungasitsin­nut qilerul­lugu im­mamut naloriun­neqarut­ta pitsaanerus­sagaluar­toq. – Matt 18:6.

12. Aap­pariit pioneriusut qanoq ilin­niarfigisin­naavavut?

¹² Aap­pariit pioneriusut Jiisusip mianersoq­qus­sutaa qanoq maleruar­paat? Taak­kua aap­pariit kuiserlaat sukan­nersumik perorsagaasimasut ilageeqatigaat. Aap­pariit kuiserlaat isumaqar­put kristumiut filmeriar­tas­san­ngitsut, filmi takutin­neqar­toq suugaluar­pal­luun­niit. Tusaramik­ku aap­pariit pioneriusut filmeriarsimasut mamiatsap­put. Tamatuma kingor­na aap­pariit pioneriusut sivisuumik filmerian­ngil­lat. Aatsaat kuiserlaat taak­ku nalun­ngeqatigin­nis­suser­tik sungiusareerlugu ajun­ngitsoq ajor­torlu im­mik­koor­til­luarsin­naalermas­suk aap­pariit pioneriusut filmeriaq­qit­taler­put. (Hebr 5:14) Nam­minis­sarsiun­ngin­nermik­kut ersersip­paat qatan­ngutitik asal­lugit, oqaatsik­kuin­naan­ngitsoq  aam­mali iliuutsimik­kut. – Rom 14:19-21; 1 Joh 3:18.

13. Al­lap ajor­tulior­neranut qanoq pisuusin­naavugut?

¹³ Aam­ma al­lap ajor­tulior­neranut pisuunik­kut naak­kius­sutaasin­naavugut. Qanoq? As­sersuusioriar­ta. Biibilimik atuaq­qis­saar­tar­tup ukior­pas­suar­ni ilungersorsimal­luni kiisami imigas­samik pin­ngitsuuisin­naan­ngin­nini aqus­sin­naaler­paa. Paasivaa aalakoor­nar­tor­talin­nik pin­ngisaan­nar­tariaqarluni. Anersaak­kut siumukapal­lap­poq kuisil­lunilu. Kingor­na kristumiut katerisimaar­neran­nut qaaq­qusisup ajor­tumik isumaqan­ngik­kaluarluni kuiserlaaq imigas­samik sas­saal­lerfigaa, oqarluni: “Maan­na kuisimasuugavit Jehovap anersaavata najor­paatit. Anersaap inerititaanut ilaavoq im­minut naalak­kersin­naaneq. Im­minut naalak­kersin­naaguit imigas­samik pilaarsin­naavutit.” Takorloorsin­naavar­put qatan­ngutip kuiserlaajusup kuk­kusumik siun­nersor­neqar­nini maleruar­pagu qanoq ajor­tigisumik kinguneqarsin­naasoq.

14. Filip­pimiut 1:10-mi peq­qus­sutit maleruar­nis­saan­nut ataatsimiin­nivut qanoq iluaqutigaavut?

¹⁴ Ataatsimiin­nitsin­ni peq­qus­sutit Filip­pimiut 1:10-mi al­las­simasut amerlasuutigut qanoq maleruarsin­naanerlugit ilin­niar­tar­par­put. Siul­ler­tut, ataatsimiin­ner­ni sam­misar­tak­katsin­ni erser­poq Jehovap suut pingaar­ner­paatin­nerai. Aap­paat­tut, minguitsooq­qul­luta ilik­kak­kavut qanoq maleruarsin­naanerlugit paasisar­par­put. Pingajuat­tul­lu, “asaqatigiin­nermut ajun­ngitsulior­nermul­lu” kajumis­saaqatigiit­tar­pugut. (Hebr  10:24, 25) Qatan­ngutitsin­nit kajumis­saar­neqaraangat­ta taak­kunun­nga aam­ma Guutimut asan­nin­ner­put al­liar­tuin­nar­tar­poq. Uum­matik­kut iluun­ngarluta qatan­ngutivut Guutilu asagutsigit al­lanut naak­kius­sutaan­ngin­nis­sar­put ilungersuutigis­savar­put.

15. ‘Inerititanik iluar­tunik ilumioqangaar­neq’ qanoq paasisariaqar­pa?

¹⁵ Paulusip Filip­pimiut ‘inerititanik iluar­tunik ilumioqangaas­sasut’ qaman­nga pisumik Jehovamut qin­nutigaa. (Fil 1:11) Qular­nan­ngilaq Jehovamut taas­sumalu in­nut­taanut asan­nin­nerat ‘inerititat iluar­tut’ ilagigaat. Aam­ma Jiisusimut up­per­nermin­nik nuan­nersumil­lu neriuuteqar­nermin­nik oqaluus­sisar­nerat ilagaat. Paulusip al­latut as­sersuusiorluni al­laf­figai ‘qilaap qaam­maq­qutaasutut silarsuaq qin­ngorfigis­sagaat’. (Fil 2:15) Taman­na naleq­qup­poq, Jiisusim­mi ajoqersuk­kani ima oqarfigai: “Ilis­si silarsuup qaamasoraasi.” (Matt 5:14-16) Aam­ma ajoqersugan­ngor­titsior­toq­quai, oqarluni nalunaajaajumaar­tut ‘nunarsuup isua tikil­lugu al­laat’. (ApS 1:8; Matt 28:18-20) Uagut ‘iluar­tunik inerititaqar­tar­pugut’ suliami tamatumani pingaarutilim­mi ilungersuuteqar­nik­kut.

16. Filip­pimiut 1:12-14 qanoq erser­pa unam­miniar­nar­tunik atugaqaraluarluta silarsuarmi qaam­maq­qutaasin­naasugut? (Saq­qaani as­siliaq takuuk).

¹⁶ Qanorluun­niit atugaqaraluarut­ta silarsuarmi qaam­maq­qutaasin­naavugut. Ilaan­nik­kut pis­sutsit oqaluus­sinis­satsin­nut ajoqutaar­pasis­sin­naasut ilumoor­tumik periarfis­saasin­naasar­put. As­sersuutigalugu apustili Paulusi Romami il­lumini par­naarus­saaq­qatil­luni Filip­pimiunut al­lap­poq. Kalun­ner­nik qilersugaagaluarluni paarsisuminut pulaar­tuminul­lu oqaluus­sisar­poq. Paulusip aal­lus­sil­luar­neranit qatan­ngutit “sapiil­lisin­neqarsimap­put ersior­natik Guutip oqaasia oqaluus­sis­sutigisin­naan­ngorlugu”.  – Filippimiut 1:12-14 atuakkit; Fil 4:22.

17. Qatan­nguter­pas­suavut ajor­naraluar­toq qanoq oqaluus­siuar­pat?

¹⁷ Qatan­nguter­pas­suavut Paulusitut sapiis­suseqar­put. Nunani il­lumiit il­lumut al­latul­lu am­masumik oqaluus­sif­fiusin­naan­ngitsuni najugaqar­put, taamaat­tumil­lu al­latut oqaluus­sinis­samin­nut periarfis­sarsior­tar­put. (Matt 10:16-20) Nunat ilaan­ni ilagiin­nik nak­kutil­liisoq siun­nersuivoq oqaluus­sisar­tut tamarmik im­mik­kut “oqaluus­sif­figisar­tagaqas­sasut”, tas­sa ilaqut­tamin­nut, sanilimin­nut, atuaqatimin­nut, suleqatimin­nut ilisarisimasamin­nul­lu al­lanut oqaluus­sisas­sasut. Ukiut marluk ingerlaneran­ni ilageeqatigiin­ni taak­kunani ilagiit amerliar­tupiloor­put. Imaas­sin­naavoq najugaqarfigisan­ni am­masumik oqaluus­sisin­naasutit. Qatan­ngutivul­li isumas­sarsiul­laq­qis­sut taak­ku ilin­niarfigisin­naavatit. Qanoq? Qanorluun­niit ajor­nar­tigigaluar­toq oqaluus­sinis­samut periarfis­sarsior­tuarit tatigalugu Jehovap nukis­san­nik tuniumaaraatit. – Fil 2:13.

18. Suna aalajangiusimal­luin­nas­savar­put?

¹⁸ Peq­qus­sutit Paulusip Filip­pimiunut al­lagaani al­las­simasut maleruar­nis­saasa aalajangiusimal­luin­nar­nis­saat aatsaat taama pingaaruteqar­tigaaq. Suut pingaar­nerusut qulak­keer­tariaqar­pavut, minguitsuusariaqar­pugut, naak­kius­sutaanaveersaar­tariaqar­pugut iluar­tunil­lu inerititaqarluta. Taava asan­nin­ner­put al­liar­tuin­nas­saaq Ataatar­pul­lu asan­nit­toq, Jehova, ataq­qinarsisil­lugu.