1. Ilaqut­tavut pil­lugit tamat­ta suna kis­saatigaar­put?

“SAL­LUSUIS­SUT paasigak­kuli kis­saatigingaar­para ilaqut­tama tamarmik paratiisimeeqatigiumaaraan­nga,” Pauline oqar­poq. * “Pingaar­tumik uima, Waynep, er­nit­talu Jehovamut kif­far­toqatigis­sagaan­nga kis­saatigaara.” Aam­ma il­lit Jehovamik ilisarisiman­nin­ngitsunik sulilu taas­sumun­nga asan­nin­ngitsunik ilaqutaqar­pit? Taamaap­pat ilaqut­tatit pil­lugit Paulinetut misigisimas­saatit.

2. Al­laaserisami apeq­qutit suut sam­mineqas­sap­pat?

² Ilaqut­tavut nutaarsias­sap nuan­nersup akuerinis­saanut pin­ngitsaalisin­naan­ngilavut. Biibilil­li tusarlius­saanut tusar­naarusulersis­sin­naavavut. (2 Tim 3:14, 15) Ilaqut­tavut sooq nalunaajaaf­figis­savavut? Sooq misigis­susii paasiniar­tas­savavut? Uagutsitul­li Jehova asanias­sam­mas­suk ilaqut­tavut qanoq ikiorsin­naavavut? Ilagiin­niit­tul­lu tamarmik qanoq ikiueqataasin­naap­pat?

3. Petrusip al­lagaasa aap­paat 3:9 naaper­torlugu sooq ilaqut­tavut nalunaajaaf­figis­savavut?

³ Jehovap qanit­tuk­kut Saatanip silarsuaa piuneerutis­savaa. “Eq­qor­tumik isigin­nit­taaseqar­ner­tik pis­sutigalugu naas­saan­ngitsumik inuulersin­naasut” taamaal­laat aniguis­sap­put. (ApS 13:48, NW) Inun­nut nalusatsin­nut najugaqarfigisatsin­niit­tunut oqaluus­siniar­nermi pif­fis­saq an­ner­tooq nukip­pas­suil­lu  ator­tar­pavut, taamaat­tumik pis­susis­samisuugin­nar­poq kis­saatigis­sal­lugu ilaqut­tavut­taaq Jehovamut kif­far­tor­tun­ngus­sasut. Ataatat­ta asan­nit­tup, Jehovap, ‘kimil­luun­niit tam­maq­qusin­ngin­nami tamaasa al­lamik isumataar­nis­samut periarfis­sik­kusup­pai’. – 2 Petrusi 3:9 atuaruk.

4. Ilaqut­tavut qanoq kuk­kusumik nalunaajaaf­figisin­naavavut?

⁴ Eq­qaamasariaqar­par­put tusarlius­saq an­nas­sutaasin­naasoq eq­qor­tumik kuk­kusumil­lu tusarliun­neqarsin­naam­mat. Nalusatsin­nut nalunaajaagaangat­ta periaaserik­kaluarluta ilaqut­tavut sukan­ner­pal­laar­tumik oqaloqatigisin­naasar­pavut.

5. Ilaqut­tat­ta nalunaajaaf­figilin­ngin­neran­ni suna eq­qaamasariaqar­par­put?

⁵ Ilar­pas­suat­ta ilaqut­tamin­nut nalunaajaaniaq­qaar­nermin­ni periuuser­tik peq­qis­simis­sutigisarunar­paat. Apustili Paulusi kristumiunut ima siun­nersuivoq: “Tamatigut oqalut­tas­saasi inus­siar­nersumik tarajulim­mil­lu, ilisimaq­qul­lugu kik­kut tamaasa qanoq akisariaqar­tas­sagisi.” (Kol 4:5, 6) Ilaqut­tavut nalunaajaaf­figinialeraangatsigit siun­nersuut taman­na eq­qaamasariaqar­par­put. Taamaaliun­ngik­kut­ta tusar­naarusulersin­nagit ungasil­lisiin­narsin­naavavut.

6-7. Aap­pap Nalunaajaasuun­ngitsup misigis­susiinik paasin­nin­niar­nerup pingaaruteqas­susianik as­sersuuteqarit.

⁶ Ilaqut­tavit misigis­susii paasiniar­tak­kit. Pauline, siusin­nerusuk­kut eq­qaaneqar­toq, ima oqar­poq: “Aal­laq­qaam­mut uiga anersaak­kut tun­ngasuin­nar­nik oqaloqatigerusut­tar­para. Ul­luin­nar­ni pisar­tut eq­qar­tor­neq ajor­pavut.” Paulinep uiata, Waynep, Biibili pil­lugu ilisimasaqar­pian­ngin­nami suna  eq­qar­tor­neraa paasineq ajor­paa. Taamaat­tumik eq­qarsar­poq Paulinep up­perisani kisiat pingaar­tik­kaa, up­perisarsioqatigiin­nul­lu im­mik­koor­niar­tunut navianar­tunut ilan­ngutilersorim­magu an­nilaangavoq.

⁷ Paulinep nas­suerutigaa un­nuk­kut aam­ma sapaatit-akun­nerisa naaneran­ni anersaak­kut qatan­ngutini pulaarlugit al­latigul­lu peqatigalugit, soorlu ataatsimiin­ner­ni oqaluus­sinermilu, pif­fis­saq an­ner­tooq ator­tarlugu. Ima oqar­poq: “Ilaan­nik­kut Wayne angerlaraangami isersimasoqar­neq ajor­poq, kiserliuler­tarlunilu.” Paasinar­poq Waynep nuliani er­ninilu maqaasisarai. Nuliami er­nermilu ilagisar­tagaat naluai, misigivorlu taak­ku nam­minermit Paulinemut pingaar­nerulersimasut. Taamaat­tumik Waynep nuliani avin­niarlugu sioorasaar­paa. Pauline uimi misigis­susiinik qanoq paasin­nin­nerusimasin­naagaluar­pa?

8. Petrusip al­lagai siul­liit 3:1, 2-lu naaper­torlugit ilaqut­tatsin­nut suna sun­niuteqar­ner­paasin­naava?

⁸ Pis­susilersor­nik­kut maligas­siuigit. Amerlaner­tigut ilaqut­tat­ta oqaatsivut pin­nagit iliuutsivut maluginiar­nerusar­paat. (1 Petrusi 3:1, 2 atuakkit). Paulinep taman­na paasiar­tuler­paa. Ima oqar­poq: “Nalun­ngilara Waynep asagaatigut avin­nis­sar­pul­lu kis­saatigivin­ngik­kaluaraa. Avin­niarlunili sioorasaarim­mat paasiler­para Jehovap aap­pariin­nut peq­qus­sutai maleruar­tariaqarlugit. Ajun­ngitsumik pis­susilersor­nis­sara oqalus­sif­figinis­saanit pingaaruteqar­neruvoq.” Paulinep uini Biibilimik eq­qar­tuinis­samut pin­ngitsaaliniar­tarun­naar­paa ul­luin­nar­nilu pisunik oqaloqatigisalerlugu. Waynep maluginiar­paa Pauline ilak­kuminar­nerulersoq er­neral­lu pis­suserin­nerulerluni. (Uss 31:18, 27, 28) Waynep Biibilimi al­las­simasut ilaqut­taminut  sun­niuteqarluar­nerat maluginiaramiuk Guutip oqaasiani tusarlius­sat eq­qarsaatigilerlugil­lu tusar­naarusun­neruler­pai. – 1 Kor 7:12-14, 16.

9. Sooq ilaqut­tavut ikior­niar­tuar­tariaqar­pavut?

⁹ Ilaqut­tatit ikior­niar­tuak­kit. Jehova maligas­siuivoq. Inuit nutaarsias­samut nuan­nersumut ajun­ngitsumik qisuariaq­qul­lugit inuuin­naq­qul­lugil­lu periarfis­sit­tuar­pai. (Jer 44:4) Aam­ma apustilip Paulusip Timotheusi al­laf­figaa qasusuil­luni ikiuiniar­tuas­sasoq. Sooq? Taamaalioruni im­minut an­naatis­sagami tusar­tinilu an­natsil­lugit. (1 Tim 4:16) Ilaqut­tavut asagatsigit sal­lusuis­sutinik Biibilimeersunik ilisimatik­kusup­pavut. Pif­fis­sap ingerlanerani Paulinep oqaasii iliuusiilu ilaqut­taminut ajun­ngitsumik sun­niuteqar­put. Maan­na uimi Jehovamut kif­far­toqatiginera nuan­naarutigaa. Marluul­lutik pioneriup­put Waynelu utoq­qaaner­taal­luni.

10. Sooq nikal­lujuit­tariaqar­pugut?

¹⁰ Nikal­lujuigit. Guutip najoq­qutas­siaanik maleruaalerat­ta ilaqut­tat­ta al­lamik up­perisaqaler­ner­put inooriaaseqaler­ner­pul­lu im­maqa akueriuminaatsip­paat. Amerlaner­tigut siul­ler­tut maluginiar­tar­paat up­perisarsior­nik­kut nal­liut­torsioqataasarun­naar­tugut politik­kimul­lu akulius­simajun­naar­tugut. Imaas­sin­naavoq aal­laq­qaam­mut kamaak­kaatigut. (Matt 10:35, 36) Taamaat­torli nikal­lujuit­tariaqar­pugut. Up­perisatsin­nik paasin­nin­nis­saan­nut ikior­niarun­naarutsigit naas­saan­ngitsumik inuulersin­naan­ngitsutut nalilerlugit eq­qar­tuuteriis­savavul­lusooq. Jehoval­li eq­qar­tuus­sisus­san­ngor­tin­ngilaatigut – eq­qar­tuus­sinis­saq Jiisusimut suliarisas­san­ngor­tip­paa. (Joh 5:22) Erinitsajuik­kut­ta pif­fis­sap ingerlanerani ilaqut­tat­ta tusar­naarusulersin­naavaatigut. – Ungalusaq “ Nit­tar­tagar­put atorluaruk” takuuk.

11-13. Alicep angajoq­qaaminut pis­susilersor­neranit suna ilik­kar­piuk?

¹¹ Aalajangersimagit periaaseril­lutil­li. (Uss 15:2) Alicep maligas­siaa eq­qarsaatigiuk. Angajoq­qaani, politik­kimi akulius­simal­lutil­lu guuteqan­ngin­neraasut, najor­nagit nunami al­lami najugaqarluni Jehova pil­lugu ilin­nialer­poq. Paasivaa ilik­kak­kani nuan­nersut pil­lugit piaar­tumik taak­ku oqalut­tuut­tariaqarlugit. Ima oqalut­tuar­poq: “Up­perisat iliuutsitil­lu al­lan­ngor­tis­simal­lugit ingerlaan­naq oqalut­tuan­ngik­kuit ilaqut­tatit tupaal­lan­nerus­sap­put.” Alicep angajoq­qaani al­laf­figisar­pai Biibilimi sam­mineqar­tut soqutigisin­naasaat, soorlu asan­nin­neq, qanoq isumaqarfigineraat aperalugit. (1 Kor 13:1-13) Perorsaaneran­nut isumas­suisimaneran­nul­lu angajoq­qaani qutsavigisar­pai tunis­sutinil­lu nas­sit­tarlugit. Angajoq­qaani tikeraaramigit anaanami il­lumi sulias­saanik ikior­niarlugu ilungersor­poq. Alicep up­perisar­taani pil­lugu oqalut­tuum­magit aal­laq­qaam­mut angajoq­qaavi nuan­naan­ngil­lat.

¹² Angajoq­qaamini tikeraar­til­luni Alicep pisar­nermisut Biibili ul­lut tamaasa atuar­tar­paa. Ima oqalut­tuar­poq: “Taamaalior­tarama anaanama paasiler­paa Biibili uan­nut qanoq pingaaruteqar­tigisoq.” Alicep ataataata panim­mi eq­qarsar­taasia paasiumal­lugu Biibilil­lu eq­qun­ngitsuunera up­per­narsarumal­lugu Biibili pil­lugu paasiniaaniarluni aalajanger­poq. Alice ima nangip­poq: “Biibilimik tunivara tas­sanilu al­lagaaran­nguamik al­laf­figalugu.” Qanoq kinguneqar­pa? Alicep ataataata Biibilip eq­qun­ngitsuunera up­per­narsar­nagu atuak­kani kil­litsis­sutigingaar­pai.

¹³ Misilin­neqar­nitsin­ni al­laat aalajangiusimal­lutalu periaaserit­tariaqar­pugut. (1 Kor 4:12b) As­sersuutigalugu Alice anaanaminit akerlilersor­neqar­poq. “Kuisik­kama anaanama  ‘panipalaamik’ taavaanga.” Alice qanoq qisuariar­pa? “Up­perisar­taara nipangiutiin­nar­nagu ataq­qin­nit­tumik nas­suiar­para Jehovamik Nalunaajaasun­ngor­nera aalajangiusimal­lugu, taman­nalu al­lan­ngor­tin­neqarsin­naan­ngitsoq. Anaanaga asangaarlugu oqarfigaara, marluul­lutalu qiavugut. Kingor­na mamar­tunik iggap­para. Taamanimiil­li anaanama akuerileriar­tor­paa Biibilimi ilik­kak­kama inut­tut ajun­ngin­nerulersik­kaan­nga.”

14. Sooq tatineqar­nitsin­ni nak­kaan­nan­ngisaan­nar­tariaqar­pugut?

¹⁴ Ilaan­nik­kut aatsaat pif­fis­sap ingerlanerani ilaqut­tat­ta paasiar­tuler­tar­paat Jehovamut kif­far­tor­ner­put qanoq pimoorutsigigip­put. As­sersuutigalugu Alice angajoq­qaami piumasaat­tut qaf­fasis­sumik ilin­niagaqaler­nani pionerin­ngor­niarluni aalajangermat anaanaa qiaq­qip­poq. Alicel­li aalajangik­kani al­lan­ngor­tin­ngilaa. Ima oqar­poq: “Ataasiaan­narlutil­luun­niit ilaqut­tan­nit tatineqar­nin­ni nak­kaan­naruit aam­ma al­latigut tatiniarsarisin­naavaatsit. Aalajangersimaguil­li sulilu periaaseril­lutit ilaqut­tavit ilaasa tusar­naarusulersin­naavaatsit.” Taman­na Alicep misigaa. Maan­na angajoq­qaavi pioneriup­put ataataalu utoq­qaaner­taal­luni.

15. Mat­thæusi 5:14-16 aam­ma Petrusip al­lagai siul­liit 2:12 naaper­torlugit al­lat ‘suliaat ajun­ngitsut’ ilaqut­tatsin­nut qanoq iluaqutaasin­naap­pat?

¹⁵ Jehovap kif­fami ‘suliai ajun­ngitsut’ aq­qutigalugit inuit im­minut kajungilersit­tar­pai. (Matthæusi 5:14-16; 1 Petrusi 2:12 atuakkit). Nalunaajaasuun­ngitsumik aap­paqaruit ilagiin­niit­tunik naapitsinikuua? Paulinep, siusin­nerusuk­kut eq­qaaneqar­tup, ilagiin­niit­tut  ilaat qaaq­quai uimi, Waynep, ilisarisimaler­nias­sam­magit. Waynep Nalunaajaasut pil­lugit ajun­ngin­nerusumik isigin­nit­taaseqaler­nis­saminut qatan­ngum­mit angum­mit ikior­neqarsimanerminik ima oqalut­tuar­poq: “Timersor­tunik isigin­naaqatiginiaan­narlunga ul­loq ataaseq sulin­ngilaq. Eq­qumiis­sasoralugu sunaaf­fa taamaan­ngitsoq!”

16. Sooq ilaqut­tavut ataatsimiin­nitsin­nut qaaq­qusas­savavut?

¹⁶ Ilaqut­tatsin­nik ikiueriaatsit pitsaasut ilagaat ataatsimiin­nitsin­nut qaaq­qusar­neri. (1 Kor 14:24, 25) Wayne eq­qaaniaanermi nal­liut­torsioqataal­luni ataatsimiigiaq­qaar­poq taman­na sulinerup kingor­na pim­mat sivisual­laar­nanilu. Ima oqar­poq: “Oqalugiaam­mi saq­qum­miun­neqar­tut paasin­ngilak­ka, inuil­li puiun­ngilak­ka. Tikil­luaq­qujumal­lunga as­sam­mik­kiar­tor­paan­nga. Malun­nar­tumik inutsialaap­put.” Ingam­mik aap­pariit ataatsit Paulinemut ajun­ngisaar­tarsimap­put. Ataatsimiin­ner­ni oqaluus­sinermilu er­neranik ikior­tar­paat. Taamaat­tumik Wayne aalajangermat Paulinep up­perisaa pil­lugu paasiniaasariaqarluni uiusoq aperaa Biibilimik atuaq­qis­saaqatigerusun­neraani.

17. Sumut tun­ngatil­lugu im­minut pisuutis­san­ngilagut, kisian­ni sooq eq­qarsas­san­ngilagut ilaqut­tavut al­lan­ngorsin­naan­ngitsut?

¹⁷ Neriuutigaar­put ilaqut­tat­ta Jehovamut kif­far­toqatigilerumaaraatigut. Ikior­niarlugil­li ilungersoraluarluta imaas­sin­naavoq sal­lusuis­sum­miilin­ngitsut. Taamaap­pat nam­min­neq aalajangigaan­nut im­minut pisuutis­san­ngilagut. Kinaluun­niim­mi uagutsitut up­perisaqaleq­qul­lugu pin­ngitsaalisin­naan­ngilar­put. Puioqinaguli il­lit Jehovamut kif­far­tor­nin­ni nuan­naar­nerit ilaqut­tavit takugunik­ku sun­niuteqarsin­naasoq. Qin­nut­tak­kit. Periaaseril­lutit oqaloqatigisak­kit. Ikior­niar­tuak­kit! (ApS 20:20) Ilungersoravit Jehovap pil­luaq­qujumaaraatit up­peril­luin­naruk. Ilaqut­tatil­lu tusar­naar­niarlutit aalajangerunik taak­kut­taaq an­naan­neqas­sap­put!