1. Jehovap maniguun­nera pil­lugu Daavi qanoq oqar­pa?

ILUMUT Jehova maniguut­tuua? Aap. Daavi ima oqar­poq: “Eq­qor­tin­naveeq­qutin­nik il­lersuutis­san­nik tunivarma, ikiuiner­pil­lu [maniguun­ner­pil­lu, NW] nakus­sas­sar­paanga.” (2 Sam 22:36; Tuss 18:36) Taamatut al­lak­kami Daavip ataatami il­luani pruf­fiitimit Samuelimit Israelimi kun­ngiusus­san­ngor­tin­neqar­nini eq­qarsaatigisimas­sagunar­paa. Daavi arfineq-marlun­nik angajoqar­poq, taamaak­kaluar­torli kun­ngi Sauli paarlal­lugu Jehovamit kun­ngiusus­san­ngor­tin­neqar­poq. – 1 Sam 16:1, 10-13.

2. Al­laaserisami matumani suut sam­mis­savavut?

² Tus­siaasior­toq Jehova pil­lugu ima al­lat­toq Daavip qular­nan­ngitsumik isumaqatigisimas­savaa: ‘Pavanersuaq is­siavoq samungarsuarli isigaluni. Makitip­pai nikanar­toq pujualan­nit, aam­ma piitsoq, is­siavis­sil­lugil­lu naalagaanerit akor­nan­ni.’ (Tuss 113:6-8) Al­laaserisami matumani Jehovap maniguun­nera qanoq ilin­niarfigisin­naanerlutigu siul­ler­tut sam­mis­savar­put. Taava kun­ngi Sauli, pruf­fiiti Danieli Jiisusilu maniguun­nermik qanoq ilin­niarfigisin­naanerlugit misis­sus­savar­put.

3. Jehovap qanoq pisar­paatigut, taman­nalu sumik ersersitsiva?

³ Jehovap inuit naam­mal­luin­nan­ngitsut qanoq pisarai  takugaangatsigu maniguut­tuunera paasisar­par­put. Pal­lorfigin­nis­sin­naatiin­nar­nata ikin­ngutimisut isigaatigut. (Jaak 2:23) Taman­na ajor­narun­naarsik­kumal­lugu siul­liul­luni iliuuseqar­poq – ajor­tuliatsin­nik isumak­keerfigisin­naajumal­luta er­nini uter­titsis­sutitut pil­liutigivaa. Ila Jehovap naak­kit­tangaarluni misigin­neqataanersua!

4. Jehovap susin­naatip­paatigut, aam­ma sooq?

⁴ Jehovap maniguun­nini al­latut qanoq ersersin­neraa eq­qarsaatigiuk. Pin­ngor­titsisuugami nam­mineq aalajangiisin­naatin­nata pin­ngor­tis­simasin­naagaluar­paatigut. Im­minul­li as­silil­luni pin­ngor­tip­paatigut nam­minerlu aalajangiisin­naatil­luta. Jehovamut sanil­liul­luta san­ngiil­lutalu suun­ngitsutut ip­pugut, asan­nin­ner­pul­li kif­far­tor­nit­talu iluaqutaaneranik ilisiman­nin­ner­put tun­ngavigalugit kif­far­torfigis­sagitsin­ni kis­saatigaa. (5 Mos 10:12; Es 48:17, 18) Jehovap maniguun­nera qujamasun­nangaarami!

5. Jehovap maniguun­nis­samik qanoq ilin­niar­tit­tar­paatigut? (Saq­qaani as­siliaq takuuk).

⁵ Jehovap iliuutsimigut maniguun­nis­samik ilin­niar­tit­tar­paatigut. Tamanit silatuner­paajugaluarluni al­lat siun­nersuutaat tusaarusut­tar­pai. As­sersuutigalugu pin­ngor­titsinermini Er­nini ikior­tiseraa. (Uss 8:27-30; Kol 1:15, 16) Ajugaqan­ngitsuugaluarluni al­lat oqar­tus­saas­susiler­pai. Jiisusi Naalagaaf­fim­mini kun­ngin­ngor­tip­paa. Aam­ma inuit 144.000-t Jiisusimut naalak­kersueqataasus­satut oqar­tus­saas­susilis­savai. (Luk 12:32) Jehovali ilin­niar­titseq­qaar­tar­poq. Jiisusi kun­ngiusus­satut palasiunerusus­satul­lu ilin­niar­tip­paa. (Hebr 5:8, 9) Aam­ma Jiisusimik naalak­kersueqataasus­sat  ilin­niar­tip­pai. Taamaak­kaluar­toq suliaat tamaasa aqun­niarsarinavian­ngilai, piumasaminil­li naam­mas­sin­nik­kumaar­nerat qularutigin­ngilaa. – Saqq 5:10.

6-7. Al­lanik oqar­tus­saas­susiliinermut tun­ngatil­lugu Ataatar­put qilam­miusoq qanoq ilin­niarfigisin­naavar­put?

⁶ Ataatat­ta qilam­miusup ikior­neqar­tariaqan­ngik­kaluarluni al­lat oqar­tus­saas­susiler­tarmagit uagut­taaq taamaalior­tar­nis­sar­put suli pingaaruteqar­nerusimas­saaq. Ilaqutariin­ni it­tuuit ilagiin­niluun­niit utoq­qaaner­taal­lutit? Taamaap­pat Jehova ilaarlugu al­lat sulias­sit­tak­kit, sulial­lu qanor­piaq suliarineqar­nis­saanik nam­mineq aalajangiisit­tak­kit. Taava suliaq naam­mas­sis­saaq, sulias­sitatil­lu ilik­kagaqarsimal­lutik im­minut tatiginerulis­sap­put. (Es 41:10) Oqar­tus­saas­susil­lit Jehova qanoq al­latut ilin­niarfigisin­naavaat?

⁷ Biibilimit erser­poq Jehovap in­ngilimi isumaat pingaar­tik­kai. (1 Kng 22:19-22) Angajoq­qaajususi, Jehova qanoq ilaarsin­naavisiuk? Ajor­nan­ngik­kaangat sulias­sap qanoq suliarineqar­nis­saa pil­lugu qitor­nasi isumasior­tarsigit. Naleq­qup­pal­lu siun­nersuutaat malis­sigit.

8. Jehovap Aaperaat Saralu qanoq kamagit­tarfigai?

⁸ Jehovap maniguun­nini aam­ma kamagit­tar­nermigut ersersit­tar­paa. As­sersuutigalugu kif­fani aalajangik­kaminik apeq­qusiigaangata kamagit­tarfigisar­pai. Jehovap Sodomamik Gomorramil­lu suujun­naarsitsinialerluni Aaperaat isumaqataan­ngim­mat tusar­naar­paa. (1 Mos 18:22-33) Aam­ma eq­qaamajuk Aaperaap nulia, Sara, Jehovap qanoq pineraa. Utoq­qalil­luni naar­tuler­nis­saa pil­lugu neriorsuinini il­laatigim­magu ajual­lan­naniluun­niit kamalin­ngilaq. (1 Mos 18:10-14) Ataq­qin­nit­tumil­li pivaa.

9. Angajoq­qaat utoq­qaaner­tal­lu Jehova qanoq ilin­niarfigisin­naavaat?

⁹ Angajoq­qaajuguit utoq­qaaner­taaguil­luun­niit Jehova qanoq ilin­niarfigisin­naaviuk? Aalajangik­katit apeq­quser­neqaraangata qanoq qisuariar­tar­nerlutit eq­qarsaatigiuk. Naq­qiiniapal­lat­tar­pit? Apeq­qusiisul­luun­niit isumaat paasiniar­tar­pigit? Oqar­tus­saas­susil­lit Jehovamik ilaarsinerat ilaqutariin­nut ilagiin­nul­lu iluaqutaasar­poq. Jehovap maniguun­nermik maligas­siaa sam­mereer­par­put. Maan­na Biibilimi ilin­niarfigisin­naasavut al­lat sam­meriar­tigit.

10. Jehovap Biibilimi oqalut­tuat atorlugit qanoq ilin­niar­tit­tar­paatigut?

¹⁰ Jehovap, Ajoqersuisorsuat­ta, ilin­niar­tik­kumal­luta oqalut­tuat Biibilimi al­latsis­simavai. (Es 30:20, 21) Maligas­siuil­luar­tut maligas­siuinerlut­tul­lu pil­lugit oqalut­tuanik eq­qarsaatigin­neq­qis­saar­neq Guutip iluarisaanik pis­suseqaler­nis­samut, ilaatigut maniguun­nis­samut, iluaqutigisin­naavar­put. – Tuss 37:37; 1 Kor 10:11.

11. Saulip maligas­siuinerlun­nera qanoq ilin­niarfigisin­naavar­put?

¹¹ Kunngi Sauli eq­qarsaatigiuk. Inuusut­tuutil­luni oqar­tus­saas­sutsimi kil­leqar­nera nalun­ngilaa al­laal­lu akisus­saaf­feqar­neruler­nis­sani nangaas­sutigalugu. (1 Sam 9:21; 10:20-22) Kun­ngin­ngoreeramili makitasuun­ngor­poq. Taamaal­luni pruf­fiiti Samueli utaq­qitil­lugu erinitsap­poq. Jehovap in­nut­taminik ikiuinis­saa tatiginagu Sauli pisin­naatitaanani ikik­kagas­samik pil­liuteqar­poq. Tamatuma kingunerisaanik Sauli Jehovamit akuerisaajun­naar­poq naggataatigul­lu  kun­ngiujun­naarsitaal­luni. (1 Sam 13:8-14) Kun­ngip Saulip maligas­siuinerlun­nera ilin­niarfigalugu oqar­tus­saas­suser­put qaangerlugu iliuuseqar­naveersaarut­ta silatusaas­saagut.

12. Sooq Danieli maligas­saal­luar­pa?

¹² Kun­ngi Sauli as­siginagu pruffiiti Danieli maligas­siuil­luar­poq. Danieli inuunini tamaat maniguut­tuuvoq Jehovamul­lu tamatigut siulersoq­qusarluni. As­sersuutigalugu, Nebukadnesarip sin­nat­tuata nas­suiar­nis­saanut Jehovamit ator­neqarami Danieli im­minut ataq­qinaatis­sin­nani Jehovamut ataq­qinaat tamaat tun­niup­paa. (Dan 2:26-28) Taman­na qanoq ilin­niarfigisin­naavar­put? Oqalugiaatitsin­nik nersualaar­neqaraangat­ta oqaluus­sinermilu nuan­nersunik misigisaqaraangat­ta ataq­qinaat tamaat Jehovamut tun­niut­tariaqar­par­put. Maniguul­luta nas­suerutigisariaqar­par­put Jehovap ikiuineratiguin­naq taamatut angusaqarsin­naasugut. (Fil 4:13) Taamaaliorut­ta Jiisusip maligas­siuil­luar­nera ilaas­savar­put. Qanoq?

13. Johan­nesi 5:19, 30-milu Jiisusi pil­lugu suna paasivar­put?

¹³ Jiisusip naam­mal­luin­nar­tuugaluarluni Jehova tatigiuar­paa. (Johannesi 5:19, 30 atuakkit). Ataatani qilam­miusoq oqar­tus­saas­susianik arsaar­niarsarin­ngisaan­nar­paa. Biibilimi al­las­simavoq Jiisusip ‘arsaarinis­saq, tas­sa Guutip naliginis­saa, eq­qarsaatigin­ngil­luin­naraa’. (Fil 2:6, NW) Ataatami oqar­tus­saas­suseqar­nerunera nalunagulu ataq­qivaa.

14. Oqar­tus­saas­suseqarfigin­ngisaminik aalajangeeq­quneqarami Jiisusi qanoq qisuariar­pa?

¹⁴ Jaakup Johan­nesil­lu anaanar­tik ilagalugu Jiisusi oqar­tus­saas­suseqarfigin­ngisaanik aalajangeeq­quaat. Jiisusili qanoq qisuariar­pa? Nangaarian­ngivil­luni oqar­poq Ataatami qilam­miusup kisimi aalajanger­tus­saagaa Naalagaaf­fim­mi kik­kut taler­pim­mi tungaani saamim­milu tungaani is­sias­sanersut. (Matt 20:20-23) Oqar­tus­saas­sutsimi kil­leqar­nera nalunagu ersersip­paa. An­neruniajuik­kami Jehovap peq­qus­sutigin­ngisaanik iliuuseqar­neq ajor­poq. (Joh 12:49) Jiisusip maligas­siaa qanoq ilaarsin­naavar­put?

15-16. Korinthimiunut al­lak­kat siul­liit 4:6-imi siun­nersuut qanoq maleruarsin­naavar­put?

 ¹⁵ Jiisusi ilaas­sagutsigu al­las­simasut ilaar­torlugit iliuuseqar­tan­ngin­nis­satsin­nik Korinthimiunut al­lak­kat siul­liit 4:6-imi siun­nersuut maleruar­tariaqar­par­put. Qanoq? Siunersior­neqaraangat­ta nam­mineq isumat­ta malitsin­niarsarin­ngin­neratigut eq­qarsaq­qaar­natalu oqalut­tan­ngin­nitsigut. Paarlat­tuanik Biibilimi Biibililersaarutitsin­nilu siun­nersuutit in­nersuus­sutigisas­savavut. Taamaalior­nitsigut nas­suerutigis­savar­put suna tamaat ilisimanagu, maniguul­lutali akueris­savar­put Jehovap siun­nersuutai nam­mineq siun­nersuutitsin­nit pitsaanerujuaan­nar­tut. – Saqq 15:3, 4.

¹⁶ Jehovap ataq­qinaaser­nerata saniatigut maniguun­nis­samut al­lanik pis­sutis­saqar­pugut. Maniguun­neq qanoq nuan­naarutigisar­par­put al­lanul­lu at­taveqarlualis­sutigalugu? Taman­na sam­meriar­tigu.

17. Sooq inuit maniguut­tut nuan­naar­tuup­pat?

¹⁷ Maniguun­neq nuan­naar­nerulersitsisar­poq. Sooq taamaap­pa? Pisin­naasat­ta kil­leqar­nerinik akuerin­nin­neq al­lat ikiuineran­nut qujamasun­nerulersitsisarmat. As­sersuutigalugu Jiisusip pupis­sunik qulinik ajorun­naarsitsinera eq­qarsaatigiuk. Taak­kua ilaata ataasiin­naap nap­paam­mit ajorluin­nar­tumit ajorun­naarsin­neqarami Jiisusi qujaf­figiar­tor­paa. Angutip taas­suma maniguut­tup nalun­ngilaa im­minut ajorun­naarsis­simasin­naanani taamaat­tumil­lu ikior­neqar­nini qujamasuutigaa Guutilu un­nersiutigalugu. – Luk 17:11-19.

18. Sooq maniguuk­kut­ta ilak­kuminar­nerus­saagut? (Romamiut 12:10)

¹⁸ Inuit maniguut­tut ilak­kuminar­nerusar­put qanimul­lu ikin­nguteqaleriaan­naanerusarlutik.  Sooq taamaap­pa? Al­lat pis­susaat nuan­nersut maluginiar­taramik­kit tatigisarlugil­lu. Al­lat suliamin­nik sunil­luun­niit iluatsitsinerat inuit maniguut­tut nuan­naarutigisar­paat nersualaarin­nit­tarlutil­lu. – Romamiut 12:10 atuaruk.

19. Sooq makitasuun­ngor­naveersaar­tariaqar­pugut?

¹⁹ Akerlianik inuit makitasuut nam­min­neq nersor­neqarusun­nerusaramik nersualaarinis­sar­tik ajor­nakusoor­tit­tar­paat. Al­lanut sanil­lioq­qajaasarlutil­lu kak­kan­neruniar­tar­put. Al­lanik ilin­niar­titsisar­natil­lu akisus­saaf­filiisan­ngil­lat eq­qarsar­taramik “suliaq naam­mas­sil­luar­neqas­sap­pat nam­mineq suliarisariaqarlugu”, nam­min­nermi pitsaanerusumik suliarisin­naasorivaat. Inuk makitasooq pingaar­niakujut­tar­poq sin­ngaq­qajaasarlunilu. (Gal 5:26) Inuit taamaat­tut qaqutiguin­naq ataavar­tumik ikin­nguteqar­tar­put. Makitasuujoq­qajaasarut­ta ‘isumatsigut nutaan­ngor­titaajuaq­qul­luta’ Jehovamut un­neq­qaril­luta ikioq­qusariaqar­pugut. Taamaaliorut­ta makitaneq inut­tut pis­suserilis­san­ngilar­put. – Rom 12:2.

20. Sooq maniguut­tuusariaqar­pugut?

²⁰ Jehovap maligas­siuinera qujamasun­nangaarami! Kif­faminik pin­nit­tar­nerani maniguut­tuunera erser­poq, uagul­lu ilaarusup­par­put. Aam­ma inuit maniguul­lutik Guutimut kif­far­tor­tut Biibilimi al­laatigineqar­tut ilaarusup­pavut. Qanor­toq uagut Jehova tamatigut ataq­qinar­til­lugulu naalan­nar­tit­tar­tigu. (Saqq 4:11) Taamaaliorut­ta uagut­taaq Ataatar­put qilam­miusoq inun­nik maniguut­tunik asan­nit­toq naas­saan­ngitsumik ikin­ngutigis­savar­put.