1. Sooq Jehova pin­ngor­titsiva?

JEHOVA kisimeeq­qaar­nikuuvoq. Taman­nali aliasuutigin­ngilaa pil­luarumal­lunimi al­lanik peqateqar­tariaqan­ngilaq. Taamaak­kaluar­toq al­lat inuunermin­nik nuan­naarutigin­nin­nis­saat pil­luar­nis­saal­lu kis­saatigaa. Asan­nin­neq kajumis­sis­sutigalugu pin­ngor­titsior­tuler­poq. – Tuss 36:10; 1 Joh 4:19.

2. Jehovap pin­ngor­titai pil­lugit Jiisusi in­ngilil­lu qanoq misigip­pat?

² Jehovap er­nini, Jiisusi, siul­liul­lugu pin­ngor­tip­paa. Taan­na ikior­tigalugu al­lat tamaasa, soorlu in­ngiler­pas­suit, pin­ngor­tip­pai. (Kol 1:16) Jiisusip Ataatami ‘saniani sulior­tuunini’ nuan­naarutigingaar­paa. (Uss 8:30, tastamantitoĸaĸ) In­ngilit­taaq nuan­naaqaat. Jehova Jiisusilu qilam­mik nunamil­lu pin­ngor­titsim­mata isigin­naar­tuup­put. Qanoq qisuariar­pat? Nunarsuaq pin­ngor­tin­neqarmat ‘niper­tik il­lugalugu qiim­mat­tar­put’, al­lanit­taaq pin­ngor­titsim­mat, soorlu inun­nik, Jehova suli un­nersiutigingaar­nerusarsimas­savaat. (Job 38:7; Uss 8:31) Jehovap asan­nin­nera ilisimas­suseqar­neralu pin­ngor­titaanit tamanit erser­poq. – Tuss 104:24; Rom 1:20.

3. Korinthimiunut al­lak­kat siul­liit 15:21, 22-milu eq­qaaneqar­tutut Jiisusip uter­titsis­sutitut pil­liutaa qanoq periarfis­siiva?

³ Jehovap inuit nunarsuarmi kusanarluin­nar­tumi naas­saan­ngitsumik inuunis­saat kis­saatigaa. Adamili Evalu Jehovamut pikitsitsip­put naas­saan­ngitsumil­lu inuusin­naajun­naarlutik. Kinguaas­satil­lu tamarmik toqusus­san­ngor­put. (Rom 5:12) Jehova qanoq ilior­pa? Ingerlaan­naq aaq­qiis­sutis­samik  pilersitsivoq. (1 Mos 3:15) Adamip Eval­lu kinguaavi ajor­timit toqumil­lu aniguisin­naaq­qul­lugit Er­nini, Jiisusi, uter­titsis­sutitut pil­liutiginiarlugu aalajanger­poq. Kinaluun­niil­lu im­minut kif­far­torusut­toq naas­saan­ngitsumik inuuneqaler­nis­saanut periarfis­sip­paa. – Joh 3:16; Rom 6:23; 1 Korinthimiut 15:21, 22 atuakkit.

4. Al­laaserisami matumani apeq­qutit suut sam­mis­savavut?

⁴ Guutip makititsinis­samik neriorsuutaa eq­qarsaatigigaangatsigu im­maqa ima apeq­quteqalersar­pugut: Makititsineq qanormita ingerlas­sava? Asasavut toqusimasut makitin­neqar­pata ilisarisin­naas­savavut? Makititsineq qanoq nuan­naarutigis­savar­put? Aam­ma Jehovap asan­nin­neranik, ilisimas­suseqar­neranik erinitsajuin­neranil­lu qanoq ilin­niarfigaar­put? Apeq­qutit taak­ku sam­meriar­tigit.

5. Sooq naatsorsuutigisin­naavar­put inuit ataatsik­kut makititaanavian­ngitsut?

⁵ Jehova er­nermigut inun­nik mil­lionilip­pas­suar­nik makititsiler­pat ilimagisin­naavar­put taak­ku tamaasa ataatsik­kut makitin­navian­ngik­kai. Sooq? Nunarsuaq tas­san­ngaan­naq inup­pas­suaqaler­pat pis­sutsit torersumik ingerlasin­naas­san­ngim­mata. Jehovami aaq­qis­suus­saal­luagaan­ngitsumik iliuuseqan­ngisaan­nar­poq. Nalun­ngilaa aatsaat pis­sutsit aaq­qis­suul­luak­kamik ingerlap­pata inuit eq­qis­sil­lutik inuusin­naasut. (1 Kor 14:33) Jehova Guuti Jiisusimik suleqateqarluni nunarsuarmik inuit inuuf­figisas­saan­nik piareersaanermini ilisimas­suseqarlunilu erinitsajuip­poq. Aam­ma Jiisusi ukiuni tuusintini naalak­kersuileruni inuit Harmagedonimi aniguisimasut nunarsuarmik, makititaasus­sat  najugaqarfigisas­saan­nik, piareersaaqatigineran­ni Ataatamisut ilisimas­suseqarlunilu erinitsajuis­saaq.

6. Apustilit Suliaat 24:15 naaper­torlugu Jehovap kik­kut makitis­savai?

⁶ Harmagedonimi aniguisimasut sulias­saat pingaar­ner­paaq tas­saavoq Guutip naalagaaf­fia Jehoval­lu piumasaqaatai pil­lugit makititaasunik ilin­niar­titsineq. Sooq? Makititaasut amerlanersaat ‘iluaatsunut’, tas­sa naaper­tuil­luan­ngitsunut, ilaam­mata. (Apustilit Suliaat 24:15 atuaruk). Kristusip uter­titsis­sutaa iluaqutigiumal­lugu naas­saan­ngitsumil­lu inuujumal­lutik sor­pas­suar­nik al­lan­nguisariaqas­sap­put. Eq­qarsaatigiuk inun­nik Jehovamik ilisimasaqan­ngitsunik ilin­niar­titsinis­saq qanoq an­ner­tutigis­sasoq. Nalitsin­ni Biibilimik atuaq­qis­saaqatigin­nit­tar­nitsin­nut as­singusumik tamarmik im­mik­kut ilin­niar­tin­neqar­tas­sap­pat? Makititaasut ilagiin­nut ilan­ngul­lutik kingusin­nerusuk­kut makit­tus­sanik ilin­niar­titsinis­samin­nut sungiusar­neqas­sap­pat? Paasinarsiumaar­poq. Nalun­ngilar­pul­li Kristusip ukiuni tuusintini naalak­kersuinerata naaler­nerani ‘Jehovamik ilisimasaqar­nerup nuna tamak­kerumaaraa’. (Es 11:9) Taamanik­kus­samut ulapin­nas­saqalunilu nuan­nis­saqaaq!

7. Sooq Guutip in­nut­tai makititaasunik ilin­niar­titsinermin­ni misigin­neqataangaar­tas­sap­pat?

⁷ Kristusip ukiuni tuusintini naalak­kersuinerani Jehovap in­nut­tai tamarmik taas­suma iluarisaatut ilior­niarlutik inuunermin­ni al­lan­nguisariaqar­tas­sap­put. Taamaat­tumik makititaasut ajor­tulioq­qajaasar­neran­nik qaangiinis­saan­nut Jehoval­lu najoq­qutas­siai malil­lugit inuuler­nis­saan­nut ikiuinermin­ni misigin­neqataangaar­tas­sap­put. (1 Petr 3:8) Qular­nan­ngitsumik makititaasut Jehovap in­nut­taasa maniguul­lutik ‘an­nan­nis­samik sulis­sutigin­nit­tuar­nerat’ takugunik­ku taak­ku Jehovamik kif­far­toqatigerusulis­savaat. – Fil 2:12, tastamantitâĸ.

8. Sooq ilimagisin­naavar­put ilaqut­tavut ikin­ngutivul­lu toqusunit makititaasut ilisarisin­naas­sal­lutigit?

⁸ Arlalin­nik pis­sutis­saqarluta ilimagisin­naavar­put makititaasut asasatik ilisarisin­naajumaaraat. As­sersuutigalugu, Jehovap inun­nik itsaq makititsisimanera eq­qarsaatigigutsigu ilimagisin­naavar­put inuit toqun­ngitsiar­neran­nisul­li isik­koqar­til­lugit pis­suseqar­til­lugil­lu pin­ngor­teq­qik­kumaarai. Eq­qaamajuk Jiisusip toqu sinin­nermut makititaanerlu iter­nermut as­sersuuk­kai. (Matt 9:18, 24; Joh 11:11-13) Inuit sinereerlutik iteraangamik isik­kuat, nipaat eq­qaamasaal­lu sinilin­ngin­neran­nisut it­tar­poq. Lazarusimik oqalut­tuaq eq­qarsaatigiuk. Ul­lut sisamat toqungareerluni timaa asiulereersimavoq. Taamaak­kaluar­toq Jiisusip makitim­magu qatan­ngutaasa ilisarivaat, Lazarusil­lu taak­kua eq­qaamavai. – Joh 11:38-44; 12:1, 2.

9. Sooq toqusunit makit­tut naam­mal­luin­nar­tutut makitin­neqas­san­ngil­lat?

⁹ Jehova neriorsuivoq paratiisimi kinaluun­niit oqas­san­ngitsoq: “Nap­parsimavunga!” (Es 33:24; Rom 6:7) Toqusunit makit­tut peq­qis­sumik timeqarlutik pin­ngor­teq­qin­neqas­sap­put. Ingerlaan­narli naam­mal­luin­nar­tun­ngor­navian­ngil­lat. Taamaak­kaluar­pam­mi ilaqutaasa ikin­ngutaasalu ilisaris­sagunan­ngilaat. Ilimanar­poq Kristusip ukiuni tuusintini naalak­kersuinerani inuit naam­mal­luin­nar­tun­ngoriar­tuaas­sasut. Aatsaat ukiut tuusintit taak­kua naap­pata Jiisusip Naalagaaf­fik Ataataminut uter­tis­savaa. Sulias­siis­sutigineqar­toq taamanik­kus­samut naam­mas­sineqarsimas­saaq inuil­lu naam­mal­luin­nar­tun­ngorsimas­sal­lutik. – 1 Kor 15:25-28; Saqq 20:1-3.

10. Asasatit makeq­qip­pata qanoq misigis­savit?

¹⁰ Asasatit takoq­qik­kuk­kit qanoq misigis­sanerlutit takorlooruk. Nuan­naar­nermik il­las­savit qial­lutil­luun­niit? Nuan­naangaaravit erinarsorlutit Jehova un­nersiutigis­saviuk? Qularutigin­ngis­sin­naavar­pul­li Ataatat­ta er­neratalu asan­ningaar­tut makititsinermik tunis­sutaan­nik qujamasuutigin­nin­ner­put pis­sutigalugu asangaas­sagivut.

11. Jiisusip oqaasii Johan­nesi 5:28, 29-milu al­las­simasut naaper­torlugit Guutimut naalat­tut qanoq misigisaqas­sap­pat?

¹¹ Takorlooruk makititaasut inutoqaq iperarunik­ku Guutil­lu najoq­qutas­siai naam­mal­luin­nar­tut malil­lugit inuulerunik qanoq nuan­naar­tigis­sasut. Inuunermin­nik taamatut al­lan­nguisut paratiisimi naas­saan­ngitsumik inuusin­naas­sap­put. Akerlianil­li Guutimut naalak­kusun­ngitsut paratiisimiigin­nar­nis­saat tas­sanilu eq­qis­sineqar­nermut akor­nutaanis­saat Jehovap akuerinavian­ngilaa. – Es 65:20; Johannesi 5:28, 29 atuakkit.

12. Nunarsuarmi inuusut tamarmik qanoq Jehovamit pil­luaq­quneqas­sap­pat?

¹² Naalagaaf­fiup naalak­kersuinerani Guutip in­nut­taasa Us­satit 10:22-mi al­las­simasut uku ilumoor­nerat up­per­narsis­savaat: ‘Jehovap pil­luaq­qusinera pisuun­ngor­titsisaraaq, erloqinar­tumil­lu ilasarin­ngilaa.’ (tastamantitoĸaĸ) Guutip in­nut­tai Jehovap anersaavanit ikior­neqarlutik anersaak­kut pisuun­ngus­sap­put, tas­sa Kristusi pis­sutsimik­kut as­sigileralut­tuin­narlugu naggataatigut naam­mal­luin­nar­tun­ngus­sap­put. (Joh 13:15-17; Ef 4:23, 24) Ul­lut tamaasa timik­kut nukit­toralut­tuin­nas­sap­put inut­tul­lu pitsan­ngoralut­tuin­narlutik. Inuuneq nuan­nis­saqaaq! (Job 33:25) Makititaanis­samik eq­qarsaatigin­neq­qis­saar­neq qanoq iluaqutigisin­naaviuk?

13. Tus­siaat 139:1-4 naaper­torlugit Jehovap qanoq ilisarisimal­luar­tigaatigut, taman­nalu makititsinermini qanoq ersersis­savaa?

¹³ Eq­qar­toq­qam­mik­katsitut Jehovap inuit makitik­kunigit inuugal­lar­nerat­tul­li eq­qaamasaqar­til­lugit kinaas­suseqar­til­lugil­lu makitis­savai. Tamatuma qanoq isumaqar­nera eq­qarsaatigiuk. Jehovap asangaaramitit eq­qarsaatitit, misigis­sutsitit, oqaatsitit iliuutsitil­lu tamaasa maluginiarlugil­lu eq­qaamasar­pai. Taamaat­tumik makitit­tariaqas­sagunitit inuugal­lar­nit­tul­li kinaas­suseqar­til­lutit makiteriaan­naavaatit. Kun­ngip Daavip nalun­ngil­luar­paa Jehovap tamat­ta im­mik­kut ilisarisimal­luaraatigut. (Tussiaat 139:1-4 atuakkit). Jehovap uagutsin­nik taama ilisarisiman­nil­luar­tigineranik paasin­nin­ner­put qanoq sun­ner­neqaatigaar­put?

14. Jehovap uagutsin­nik ilisarisiman­nil­luar­neranik eq­qarsaatigin­neq­qis­saar­ner­put qanoq sun­ner­neqaatigis­savar­put?

¹⁴ Jehovap uagutsin­nik ilisarisiman­nil­luar­nera eq­qarsaatigeq­qis­saarutsigu er­numanavian­ngilagut. Sooq? Eq­qaamajuk Jehovap asangaaraatigut. Tamat­ta im­mik­kut naleqar­tingaar­paatigut. Inuunitsin­ni misigisat­ta qanoq uagutsin­nut sun­niuteqarsimanerat maluginiaq­qis­saar­tar­paa. Tup­pal­ler­nangaarami, ilaa? Kisimiit­tutut misigin­ngisaan­nas­saagut. Jehovap ul­lut tamarluin­naasa najor­tar­paatigut ikiorusut­tarlutalu. – 2 Nal 16:9.

15. Makititaanis­samik neriuum­mi Jehovap ilisimas­susia qanoq erser­pa?

¹⁵ Toqumik siooragisaqar­neq nak­kaan­nar­nermik kinguneqar­titsisar­poq. Inuit Saatanimit aqun­neqar­tut toqumik sioorasaaralutik ikin­ngutigiin­nik ilumoorfigin­nik­kun­naarsitsisar­put  ajor­tumil­lu ilior­titsisarlutik. Uagul­li sun­nersin­naan­ngilaatigut. Nalun­ngilar­put akeq­qat­ta toquk­kaluar­patigut Jehovap inuulerseq­qik­kumaaraatigut. (Saqq 2:10) Qularin­ngil­luin­nar­par­put sumil­luun­niit Jehovamik kif­far­torun­naarsin­neqarsin­naanata. (Rom 8:35-39) Makititaanis­samik neriuum­mi Jehovap ilisimas­susersua ersaringaarami! Tamatumuunak­kut Saatanip sak­kuisa sun­niuteqar­ner­paat ilaat atorsin­naajun­naar­tip­paa im­minul­lu aalajaat­tuar­nis­samut sapiis­suseqalersil­luta.

16. Im­minut qanoq aperisariaqar­pugut, akis­sutitsin­nil­lu qanoq Jehovamik tatigin­nitsiginer­put qanoq erser­pa?

¹⁶ Jehovap akeraanit toqumik sioorasaar­neqaraluaruil­luun­niit makititaanis­sat up­peris­saviuk? Taman­na qanoq nalun­ngis­sin­naaviuk? Im­minut ima aperisin­naavutit: ‘Jehovamik tatigin­nin­nera ul­luin­nar­ni aalajangiisar­nin­nit erser­pa?’ (Luk 16:10) Aam­ma ima aperisin­naavutit: ‘Naalagaaf­fik sal­liuk­kuk­ku Jehovap pisariaqar­titan­nik tunisiumaar­neranik up­perin­nin­nera inooriaatsin­nit takuneqarsin­naava?’ (Matt 6:31-33) Apeq­qutit taak­ku angeruk­kit ersersis­savat Jehova tatigalugu qanorluun­niil­lu misilin­neqar­nis­samut piareersimal­lutit. – Uss 3:5, 6.

17. (a) Makititsinis­saq Jehovap erinitsajuin­neranik qanoq ersersitsiva? (b) Jehovap erinitsajuin­nera qujamasuutigalugu qanoq ersersis­sin­naavar­put?

¹⁷ Silarsuup matuma ajor­tup qaquguk­kut nungutin­nis­saa Jehovap aalajangereersimavaa. (Matt 24:36) Erinitsan­navian­ngilaq, siusinaarlunilu iliuuseqar­navian­ngilaq. Toqusimasut makitin­nis­saat qilanaaringaar­paa, erinitsajuip­porli. (Job 14:14, 15) Pif­fis­saq eq­qorlugu makititserusup­poq. (Joh 5:28) Jehovap erinitsajuin­nerata qujamasuutiginis­saanut pis­sutis­saqarluar­pugut. Eq­qarsaatigeriaruk: Jehova erinitsajuim­mat inup­pas­suit, soorlu uagut, “al­lamik isumataar­nis­samut” periarfis­saqarsimap­put. (2 Petr 3:9) Jehovap kis­saatigaa inuit sapin­ngisamik amerlaner­paat naas­saan­ngitsumik inuus­sasut. Jehovap erinitsajuin­nera qujamasuutigalugu qanoq ersersis­sin­naavar­put? Inun­nik ‘eq­qor­tumik isigin­nit­taaseqar­ner­tik pis­sutigalugu naas­saan­ngitsumik inuulersin­naasunik’ ilungersorluta ujaasinitsigut. (ApS 13:48, NW) Taava taak­kut­taaq uagutsitut Jehovap erinitsajuin­nera iluaqutigisin­naas­savaat.

18. Al­lat sooq erinitsajuif­figisariaqar­pavut?

 ¹⁸ Naam­mal­luin­nar­tun­ngor­nis­sar­put Kristusip ukiuni 1.000-ni naalak­kersuinerata naanis­saata tungaanut Jehovap erinitsajuil­luni utaq­qis­savaa. Taman­na sioq­qul­lugu ajor­tuliatsin­nik isumak­keerfigerusup­paatigut. Maligas­siuinera ilaarlugu al­lat erinitsajuif­figalugil­lu pis­susii ajun­ngitsut isiginiar­nerusariaqar­pavut. Qatan­ngut ar­naq taamaalior­poq. Uia isumatsan­nerujus­suarmik akiugaqalerami ataatsimiigias­saar­poq. Taman­na qatan­ngutip ar­nap ima oqalut­tuaraa: “Ar­torsaqaanga. Inuuner­put al­lan­ngoriapiloor­poq, kis­saatigisatsitul­lu iliuuseqarsin­naajun­naar­pugut.” Nuliaasutul­li asan­nit­tutut uini erinitsajuif­figiuar­paa. Jehova tatigivaa tun­niutiin­nan­ngisaan­narlunilu. Jehova ilaarlugu uimi pis­susii ajun­ngitsut isiginiar­neruai. Ima nangip­poq: “Uiga nuan­ningaar­tunik pis­suseqar­poq, ilungersorlunilu isumatsaq­qanini arriitsumik qaangeriar­tor­paa.” Ilaqut­tavut ilagiitsin­niit­tul­lu unam­miniagaqar­tut erinitsajuif­figinis­saat pingaaruteqangaarami!

19. Suna aalajangiusimasariaqar­par­put?

¹⁹ Nunarsuaq pin­ngor­tin­neqaq­qaarmat Jiisusi in­ngilil­lu nuan­naangaar­put. Takorloorul­li nunarsuaq tamarmi inun­nik naam­mal­luin­nar­tunik Jehovamut asan­nil­lutil­lu kif­far­tor­tunik ulik­kaar­pat qanoq nuan­naar­nerutigis­sasut. Aam­ma qilaliar­tus­sat suliamik inun­nut iluaqutaanerat takul­lugu nuan­naangaas­sap­put. (Saqq 4:4, 9-11; 5:9, 10) An­niar­nermik qiasoqar­tarun­naarluni nuan­naar­nerup piinik qul­lilisoqar­talis­saaq, aam­ma nap­paatit, aliasuutit toqulu peerul­luin­narsimas­sap­put. (Saqq 21:4) Taman­na nal­liutserlugu Ataatat­ta asan­nit­tup, ilisimas­suseqarluar­tup erinitsajuitsul­lu ilaar­nis­saa aalajangiusimatigu. Taamaalioruit qanorluun­niit pisoqaraluar­pat nuan­naar­tuas­saatit. (Jaak 1:2-4) Jehovap ‘toqusut makik­kumaar­neran­nik’ neriorsuutaa qujamasun­nangaarami, ilaa? – ApS 24:15.