1. Jehovap pin­ngor­titar­pas­sui eq­qarsaatigigaangatsigit suna tupigusuutigisar­par­put?

JEHOVAP pin­ngor­titar­pas­sui eq­qarsaatigigaangatsigit im­maqa tus­siaasior­tutut Daavitut ima misigisar­pugut: “Takugaangak­kit qilak pigisat, as­sap­pit pin­ngor­titaat, qaam­mat ul­loris­sal­lu tas­sani iver­titatit, taava inuk suum­mat eq­qaasar­piuk, inuup qitor­naa suum­mat isumagisar­piuk?” (Tuss 8:4, 5) Avataarsuaniit­tunut sanil­liul­luta qanoq mikitiginer­put eq­qarsaatigigaangatsigu Jehovamit maluginiar­neqar­tar­ner­put tupigusuutigisar­par­put. Taamaak­kaluar­toq Jehovap inuit siul­liit, Adami Evalu, isumas­sorlugil­lu ilaqutariis­sor­taminut ilan­ngutitip­pai.

2. Jehovap Adami Evalu qanoq piumasaqarfigai?

² Jehovap nunarsuarmi qitor­nai siul­liit tas­saap­put Adami Evalu, taak­kualu Jehova ataataraat asan­nit­toq. Jehovap naatsorsuutigaa ilaqutariis­sor­taminut piumasani aap­pariit taak­kua suleqataaf­figis­sagaat. Ima oqarfigai: “Kinguaas­siorlusi amerliar­toritsi nunarsuaq tamak­kerlugu ilis­sin­nul­lu naalatsigitil­lugu.” (1 Mos 1:28) Tas­sa qitor­niorlutil­lu nunarsuaq angerlarsimaf­fitsik isumagil­luar­tus­saagaluar­paat. Jehovap piumasaa naalas­simasuugunik­ku Adami Evalu qitor­natil­lu Jehovap ilaqutariis­sor­taanut naas­saan­ngitsumik ilaasin­naasimas­sagaluar­put.

3. Sooq oqarsin­naavugut Adami Evalu Jehovap ilaqutariis­sor­taani pingaar­tin­neqar­tut?

³ Adami Evalu Jehovap ilaqutariis­sor­taani pingaar­tin­neqar­put. Jehovap inun­nik pin­ngor­titsisimanera pil­lugu Tus­siaat 8:6-imi Daavi ima al­lap­poq: “Im­man­nguaan­naq Guutimit  [in­ngilinit, NW] nikanar­nin­ngor­tip­pat, naalan­naam­mik ataq­qinaam­mil­lu niaqoruser­pat.” Inuit in­ngilitul­li pis­saaneqar­tiginatil­lu silas­soritsiginatil­lu pigin­naaneqar­tigin­ngil­lat. (Tuss 103:20) Taamaak­kaluar­toq inuit anersaanit pis­saaneqangaar­tunit “im­man­nguaan­naq” ap­pasin­nerup­put. Ilaa tupin­naq! Jehovap inuit siul­liit pin­ngor­titani nuan­ningaar­tumik inuuneqalersip­pai.

4. Adami Evalu Jehovamut naalan­ngim­mata susoqar­pa, al­laaserisamilu matumani suut sam­mis­savagut?

 ⁴ Ajoraluar­tumik Adami Evalu naalan­ngin­nerat pis­sutigalugu Jehovap ilaqutariis­sor­taanut ilaajun­naarmata kinguaavinut kingunerlungaar­poq. Jehoval­li siuner­taa al­lan­ngun­ngilaq. Inuit naalat­tut naas­saan­ngitsumik qitor­narerusup­pai. Maan­na sam­mis­savar­put Jehovap qanoq ataq­qinarsisik­kaatigut. Taava sam­mis­savar­put Guutip ilaqutariis­sor­taanut ilaarusun­ner­put sutigut ersersis­sin­naagip­put. Kiisalu Jehovap qitor­naasa nunarsuarmiit­tut naas­saan­ngitsumik pil­luaq­qus­sutisias­saat sam­mis­savagut.

5. Guutip im­minut as­silil­luni uagutsin­nik pin­ngor­titsisimanera qujamasuutigalugu qanoq ersersis­sin­naavar­put?

⁵Jehovap imminut assililluni pinngortik­kamisigut ataq­qinarsisip­paatigut. (1 Mos 1:26, 27) Guuti as­silil­lugu pin­ngor­titaagat­ta pis­susii nuan­nersor­pas­suit, soorlu asan­nin­neq, misigin­neqataaneq, ilumoorfigin­nin­neq naaper­tuil­luas­suserlu, pis­suserilersin­naavagut. (Tuss 86:15; 145:17) Tamak­kunin­nga pis­suseqar­nitsigut Jehova ataq­qinarsisit­tar­par­put taas­sumun­ngalu qujamasun­ner­put ersersit­tarlugu. (1 Petr 1:14-16) Ataatat­ta qilam­miusup iluarisaanik pis­suseqaraangat­ta nalerisimaarlutalu pil­luar­tar­pugut Jehoval­lu ilaqutariis­sor­taanut ilaanis­samut periarfis­saqaler­tarluta.

6. Jehovap nunarsuaq pin­ngor­tik­kamiuk inuit qanoq ataq­qinarsisip­pai?

⁶Jehovap immik­kuullaris­sumik angerlarsimaf­filiuup­paatigut. Inun­nik pin­ngor­titsin­ngin­nermini Jehovap nunarsuaq inuit najugaqarfis­saat­tut pin­ngor­tip­paa. (Job 38:4-6; Jer 10:12) Jehova isumas­suisuul­lunilu tuk­kor­tuugami nuan­naarutigisin­naasar­pas­suatsin­nik pilersitsivoq. (Tuss 104:14, 15, 24) Pin­ngor­titani eq­qarsaatigigaangamigit ‘ajun­ngitsuusut’ paasisar­paa. (1 Mos 1:10, 12, 31) Uumasunut pin­ngor­titarsuarmul­lu alianaangaar­tumut inuit ‘naalagan­ngor­tik­kamigit’ ataq­qinarsisip­pai. (Tuss 8:7) Guutip siuner­taraa inuit naam­mal­luin­nar­tut tamak­kunin­nga paarsiner­tik naas­saan­ngitsumik nuan­naarutigis­sagaat. Neriuut nuan­nersoq taman­na pil­lugu Jehova qutsavigisar­piuk?

7. Josva 24:15-imi inuit nam­mineq aalajangiisin­naatitaanerat qanoq ersersin­neqar­pa?

⁷Jehovap nam­mineq aalajangiisin­naatip­paatigut. Qanoq inooriaaseqas­sanerluta nam­mineq aalajangersin­naavar­put. (Josva 24:15 atuaruk). Guuter­put asan­nit­toq nuan­naar­tar­poq kif­far­torfiginiarlugu aalajangeraangat­ta. (Tuss 84:12; Uss 27:11) As­sigiin­ngitsor­pas­suar­tigut ajun­ngitsumik aalajangiisin­naavugut. Jiisusi qanoq taamaaliorsimasoq sam­meriar­tigu.

8. Jiisusip nam­mineq aalajangiisin­naatitaanini ilaan­ni qanoq ator­paa?

⁸ Jiisusi ilaarlugu inuit al­lat im­mitsin­nit pingaar­tin­neruniarlugit aalajangersin­naavugut. Ilaan­ni Jiisusi apustilil­lu qasungaarlutik qasuersaarfigisin­naasamin­nut aal­lar­put. Inup­pas­suil­li Jiisusimit ilin­niar­tin­neqarusul­lutik or­nigum­mata qasuersaan­ngitsoor­put. Jiisusip uumitsaan­nagit nal­ligigamigit ‘amerlasuunik ajoqersuler­pai’. (Mark 6:30-34)  Jiisusi ilaarlugu al­lat ikiorumal­lugit pif­fis­sar­put nukigul­lu atoraangatsigit Ataatatsin­nut qilam­miusumut ataq­qinaataasar­pugut. (Matt 5:14-16) Aam­ma Jehovap ilaqutariis­sor­taanut ilaarusun­ner­put ersersit­tar­par­put.

9. Angajoq­qaat suna eq­qarsaatigisariaqar­paat?

⁹Jehovap inuit meeq­qiorsin­naatip­pai qitornamin­nillu perorsaanis­saannik akisus­saaf­filerlugit. Angajoq­qaajuguit tunis­sut taman­na im­mik­kuul­laris­soq qujamasuutigaajuk? In­ngilit pisin­naatitaaf­fip­pas­suaqaraluarlutik meeq­qiorsin­naatitaan­ngil­lat. Taman­na eq­qarsaatigalugu angajoq­qaat qitor­namin­nik perorsaasin­naatitaaner­tik qujamasuutigingaas­savaat. Angajoq­qaat qitor­natik perorsar­tas­savaat “anusin­ngorsar­tarlugit oqaaq­qis­saar­tarlugil­lu Naalak­kamit pisumik”, tas­sa Jehovamik asan­nin­nis­saan­nik kif­far­torfigin­nin­nis­saan­nil­lu ilin­niar­tis­savaat. (Ef 6:4; 5 Mos 6:5-7; Tuss 127:3) Angajoq­qaat ikiorumal­lugit atuagas­siat, isigin­naagas­siat, nipilersuutit inter­netik­kul­lu al­laaserisat Biibilimik tun­ngavil­lit Guutip peqatigiis­sor­taasa pilersip­paat. Erseq­qip­poq Ataatat­ta qilam­miusup Er­neratalu meerar­tagut pingaar­tingaaraat. (Luk 18:15-17) Angajoq­qaat Jehova nuan­naar­tit­tar­paat taas­suma piumasaatut qitor­natik sapin­ngisamin­nik perorsaraangamik­kit. Angajoq­qaat taamaalior­tut qitor­natik naas­saan­ngitsumik Jehovap ilaqutariis­sor­taanut ilaaler­nis­saan­nut periarfis­sip­paat!

10-11. Jehovap uter­titsis­sutitut pil­liut uagut pil­luta tun­niuk­kamiuk qanoq neriuuteqalersip­paatigut?

¹⁰Jehovap ilaqutariis­sortaminut ilaalersin­naanias­sagatta ernini asasani uagut pilluta tunniuppaa.  Im­mik­koor­tumi 4-mi eq­qaaneqar­tutut Adami Evalu Jehovap ilaqutariis­sor­taanut ilaajun­naar­put, taman­nalu pis­sutigalugu kinguaas­saat ilaasin­naajun­naar­put. (Rom 5:12) Adamip Eval­lu piaaralutik Guuti naalan­ngim­mas­suk ilaajun­naarsitaanerat pis­susis­samisoor­poq. Kinguaas­saam­mi qanoq pineqas­sap­pat? Jehovap asan­nil­luni inuit naalat­tut ilaqutariis­sor­taminut ilaaler­nis­saan­nut periarfis­sip­pai. Taamaalior­poq Er­nituani Jiisusi Kristusi pil­liutitut tun­niuk­kamiuk. (Joh 3:16; Rom 5:19) Jiisusip inuunini pil­liutigim­magu inuit aalajaatsut 144.000-t Guutimit qitor­navis­siar­taarineqar­put. – Rom 8:15-17; Saqq 14:1.

¹¹ Ul­lumik­kut inuit mil­lionil­lit al­lat kajumil­lutik Guutip piumasaa naalat­tar­paat. Guutip ilaqutariis­sor­taanut ilaalis­sap­put Kristusip ukiuni 1.000-ni naalak­kersuinerata naanerani inaarutaasumik misilin­neqareerunik. (Tuss 25:14; Rom 8:20, 21) Taamatut neriugisaqaramik Pin­ngor­titsiser­tik Jehova maan­nangaaq ‘Ataatamis­sut’ taasin­naavaat. (Matt 6:9) Aam­ma inuit toqusunit makitin­neqar­tut Jehovap piumasaa pil­lugu ilin­niar­tin­neqas­sap­put, piumasaatul­lu iliorunik Jehovap ilaqutariis­sor­taanut ilaalis­sap­put.

12. Maan­na suna akis­sutis­sarsis­savar­put?

¹² Paasivar­put Jehovap inuit as­sigiin­ngitsor­pas­suar­tigut ataq­qinarsisit­tarai. Tanitat qitor­navis­siar­taarereer­pai, neriorsuivorlu “inup­pas­suit” Harmagedonimit aniguisus­sat silarsuar­taas­sami qitor­navis­siar­taariumaarlugit. (Saqq 7:9) Jehovap ilaqutariis­sor­taanut naas­saan­ngitsumik ilaarusun­ner­put maan­na qanoq ersersis­sin­naavar­put?

13. Guutip ilaqutariis­sor­taanut ilaasin­naajumal­luta susin­naavugut? (Markusi 12:30)

¹³Jehovap uum­matik­kut iluun­ngarlutit kiffartorfigineratigut taas­sumin­nga asan­nin­nerit ersersiguk. (Markusi 12:30 atuaruk). Guutip uagutsin­nut tun­nius­sar­pas­suisa an­ner­paar­taasa ilagaat taas­sumun­nga  guutisiorsin­naaner­put. Jehovap ‘inas­sutaanik maleruaanik­kut’ ersersit­tar­par­put taas­sumin­nga asan­nil­luta. (1 Joh 5:3) Jiisusi Ataatani sin­nerlugu peq­qusivoq ajoqersugan­ngor­titsis­sasugut taak­kulu imermut morsutsis­sagigut. (Matt 28:19) Aam­ma asaqatigeeq­quaatigut. (Joh 13:35) Jehovap inuit naalat­tut nunarsuaq tamak­kerlugu ilaqutariis­sor­taminut ilaalersit­tar­pai. – Tuss 15:1, 2.

14. Inoqatigut qanoq asan­nit­tuliorfigisin­naavagut? (Mat­thæusi 9:36-38; Romamiut 12:10)

¹⁴Inoqatinnik asannittuugit. Jehovap pis­susiisa pingaar­nersaat tas­saavoq asan­nin­neq. (1 Joh 4:8) Jehovap suli ilisarisiman­ngik­kitsin­ni asan­nit­tuliorfigaatigut. (1 Joh 4:9, 10) Taan­na ilaar­tar­par­put inoqatitsin­nut asan­nit­tulioraangat­ta. (Ef 5:1) Inoqatitsin­nik Jehova pil­lugu ilin­niar­titsineq asan­nit­tulioriaatsit pingaar­ner­paar­taasa ilagaat. (Matthæusi 9:36-38 atuakkit). Taamaalioraangat­ta inoqatigut Jehovap ilaqutariis­sor­taanut ilaaler­nis­saan­nut periarfis­sit­tar­pagut. Aam­ma Nalunaajaasun­ngoreersut asajuarlugil­lu ataq­qiuar­tariaqar­pagut. (1 Joh 4:20, 21) Ilaatigut taamaaliorsin­naavugut up­peqatigut tatigalugil­lu ajor­tumik nam­minis­sarsior­tumil­luun­niit pis­sutiginiagaqarsorisan­ngin­nerisigut. Tas­sa up­peqatigut ataq­qil­lugil­lu uagutsin­nit pingaar­nerutis­savagut. – Romamiut 12:10 atuaruk; Fil 2:3.

15. Kik­kut nal­lit­torlugil­lu inus­siar­nerfigis­savagut?

¹⁵Inuit tamaasa nallittorlugillu inussiarnerfigikkit. Jehovap ilaqutariis­sor­taanut naas­saan­ngitsumik ilaarusuk­kut­ta Guutip oqaasia maleruar­tariaqar­par­put. As­sersuutigalugu Jiisusi oqar­poq inuit tamaasa, al­laat akeq­qagut, nal­lit­torlugil­lu inus­siar­nerfigis­sagigut. (Luk 6:32-36) Ilaan­nik­kut taamaalior­nis­saq saper­narsin­naasar­poq. Saper­nar­tik­kutsigu Jiisusitut eq­qarsar­neq iliuuseqar­nerlu ilin­niar­tariaqar­par­put. Jehova naalak­kumal­lugulu Jiisusi ilaar­niarlugu sapin­ngisatsin­nik iliuuseqaraangat­ta Ataatat­ta qilam­miusup ilaqutariis­sor­taanut naas­saan­ngitsumik ilaarusun­ner­put ersersit­tar­par­put.

16. Jehovap ilaqutariis­sor­tai qanoq tusaamanerlugaatin­naveersaarsin­naavagut?

¹⁶Jehovap ilaqutariis­sortai tusaamanerlugaatin­naveersaakkit. Ilaqutariin­ni nalingin­naavoq nukap­piaq­qap angajuminik ilaarsisar­nera. Angajul­liup najoq­qutas­siat Biibilimeersut maleruarunigit nuk­kaminut maligas­siuil­luas­saaq. Ajor­tumil­li inooriaaseqaleruni im­maqa nuk­kaminit ilaar­neqas­saaq. Jehovap ilaqutariis­sor­taani aam­ma taamaap­poq. Kristumiu aalajaatsuusimagaluar­toq tunus­sisun­ngoruni kinguaas­siuutitigul­luun­niit inuunerlut­tun­ngoruni al­lanit ilaar­niar­neqalersin­naavoq. Taamaat­toqar­nera Jehovap ilaqutariis­sor­taanik tusaamanerlugaalersitsisar­poq. (1 Th 4:3-8) Maligas­siuinerlut­tunik ilaarsinaveersaar­tariaqar­pugut, Ataatatsin­nul­lu qilam­miusumut asan­nit­tumut at­taveqar­ner­put sumil­luun­niit ajoquser­tik­kusun­ngilar­put.

17. Qanoq eq­qarsar­naveersaas­saagut, aam­ma sooq?

¹⁷Pigisat pinnagit Jehova isumalluutigiuk. Jehovap neriorsor­paatigut kun­ngeqarfini, tas­sa naalagaaf­fini, sal­liutik­kutsigu naaper­tuil­luar­tumil­lu inooriaaseqarut­ta nerisas­satsin­nik, atisas­satsin­nik inis­satsin­nil­lu isumagiumaarluta. (Tuss 55:23; Matt 6:33) Taman­na nalun­ngin­natsigu eq­qarsar­naveersaar­tar­pugut silarsuarmi matumani pigisatigut neqeroorutigineqar­tut toq­qis­sisimatitsil­lutil­lu pil­lualivitsitsisin­naasut. Nalun­ngilar­put Jehovap piumasaatut ilior­nik­kuin­naq eq­qis­sineq piviusoq misigisin­naagip­put. (Fil 4:6, 7) Sor­pas­suar­nik pisinis­samut akis­saqaraluarut­taluun­niit eq­qarsaatigisariaqar­par­put pisiarerusutat­ta ator­nis­saan­nut ilumut pif­fis­saqar­nerluta  nukis­saqar­nerlutalu. Pigisagut pingaar­tip­pal­laalersin­naavagut? Eq­qaamasariaqar­par­put Guutip ilaqutariis­sor­taani sulias­sin­neqarluta. Taamaat­tumik al­lamut saasar­tin­naveersaar­tariaqar­pugut. Angut inuusut­toq pigisaminik pingaar­titsival­laarami Jehovamut kif­far­torusun­ngitsoq – taamaalil­luni Jehovamit qitor­navis­siar­taarineqarsin­naanerminik an­naasaqar­toq – as­sigerusun­ngilar­put! – Mark 10:17-22.

18. Inuit naalat­tut qanoq naas­saan­ngitsumik ataq­qinaatis­sin­neqarlutil­lu pil­luaq­quneqas­sap­pat?

¹⁸ Inuit naalat­tut Jehovamik naas­saan­ngitsumik asan­nis­sin­naaner­tik guutisiorsin­naaner­til­lu ataq­qinaatigis­savaat. Nunarsuarmi inuunis­samik neriugisal­lit nunarsuaq alianaatsoq angerlasimaf­fis­samit­tut Jehovap pin­ngor­titaa paaris­savaat. Qanit­tuk­kut nunarsuaq tas­saniit­tul­lu tamarmik Guutip kun­ngeqarfiata naalak­kersuinerani alianaatsun­ngor­tin­neqaq­qis­sap­put. Adamip Eval­lu Jehovap ilaqutaariis­sor­taanut ilaajuman­ngin­nerat pis­sutaal­luni pis­sutsit ajor­tun­ngorsimasut Jiisusip atuuk­kun­naarsis­savai. Jehovap toqusimasut mil­lionil­lit makitis­savai nunarsuarmilu paratiisiusumi peq­qil­luin­narlutik naas­saan­ngitsumik inuunis­saan­nik periarfis­sil­lugit. (Luk 23:42, 43) Jehovamut kif­far­tor­tut nunamiit­tut naam­mal­luin­nar­tun­ngorunik Daavip al­laatigisaatut tamarmik im­mik­kut ‘naalan­naat ataq­qinaal­lu’ ersersis­sin­naalis­savaat. – Tuss 8:6.

19. Suut eq­qarsaatigiuar­tariaqar­pagut?

¹⁹ ‘Inup­pas­suar­nut’ ilaaguit nuan­ningaar­tumik neriuuteqar­putit. Guutip asal­lutil­lu ilaqutariis­sor­taminut ilaatik­kusup­paatit. Taamaat­tumik sapin­ngisan­nik nuan­naar­tin­niar­tuaruk. Ul­lut tamaasa Guutip neriorsuutai eq­qarsaatigisak­kit. Ataatat­ta qilam­miusup asasat­ta guutisiorfigisin­naanera qujamasuutigalugulu naas­saan­ngitsumik un­nersiutigisin­naanera pingaar­tiguk!