1-2. Al­laaserisami matumani suut sam­mis­savagut?

PISARIAQAR­TIL­LUIN­NAK­KAT al­lak­kerisarfik­kut nas­sius­saq ul­lormi naatsorsuutigisan­ni tigun­ngik­kuk­ku qanoq misigis­savit? Isumalus­savit? Us­satit 13:12-imi ima al­las­simavoq: “Utaq­qival­laar­neq tar­nik­kut an­niaataalersar­poq.” (Testamentitoqaq) Taavami paasiguk­ku nas­sius­sap suli tikis­siman­ngin­neranut pis­sutis­saqarluar­toq? Ilimanar­poq utaq­qisin­naas­suseqar­nerus­sasutit.

² Al­laaserisami matumani sam­mis­savagut najoq­qutas­siat as­sigiin­ngitsut Biibilimeersut utaq­qisin­naas­suseqar­nis­samut iluaqutigisin­naasagut. (Upp 3:26) Taava sam­mis­savagut Jehovap iliuuseqar­nis­saanut utaq­qisin­naas­suseqarfiusariaqar­tut marluk. Kiisalu Jehovamik utaq­qisin­naas­suseqar­tut siunis­sami pil­luaq­qus­sutisias­saat sam­mis­savagut.

3. Najoq­qutas­siaq Us­satit 13:11-mi al­las­simasoq qanoq ilin­niarfigaar­put?

³ Utaq­qisin­naas­suseqar­nerup iluaqutis­sar­taasa ilaat Us­satit 13:11-mi ima al­laatigineqar­poq: “Pisuus­sutit ajor­nan­nginaarlugit pisat nunguk­kiar­tupal­lat­tar­put, as­sam­minil­li katersuerusaartoq pigisaq­qor­tusisar­poq.” Taman­na qanoq ilin­niarfigaar­put? Tas­sa utaq­qisin­naas­suseqarluni ataasiak­kaaril­luni iliuuseqar­neq silatusaar­neruvoq.

4. Us­satit 4:18-imi suna ersersin­neqar­pa?

⁴ Us­satit 4:18-imi ima al­las­simavoq: “Iluar­tup aq­qusinin­nguata as­sigaa ul­laap qaam­maler­nera qaam­maris­siar­tor­toq  ul­loqeq­qaaneratut qaamatigilerserluni.” Versimi tamatumani ersersin­neqar­poq Jehovap siuner­tani tamaat ataatsik­kut in­nut­taminut paasitin­neq ajoraa. Versil­li aam­ma ersersip­paa kristumiu anersaak­kut qanoq siumukar­tar­toq. Anersaak­kut siumukar­neq suk­katsin­neqarsin­naan­ngilaq. Peq­qis­saarluta atuaq­qis­saar­tarut­ta siun­nersuutil­lu Guutip oqaasianeersut peqatigiis­sor­taaneersul­lu maleruar­tarutsigit pif­fis­sap ingerlanerani Kristusitut pis­suseqar­nerujar­tulis­saagut Guutilu ilisarisimanerulerlugu. Maan­na sam­meriar­tigu Jiisusip anersaak­kut siumukar­neq sumut as­sersuuk­kaa.

5. Jiisusip inuup al­lan­ngoriar­torusaar­nera sumut as­sersuup­paa?

⁵ Jiisusip Kun­ngeqarfik, tas­sa Naalagaaf­fik, pil­lugu tusarlius­sap inuup uum­mataanut sun­niuk­kiar­tuaar­nera naatsiias­samut as­sersuup­paa. Ima oqar­poq: “[Karrit] naajar­tor­put al­liar­torlutil­lu, naluaali [siaruar­terisup] qanoq pisut. Nuna im­minik inerititaqar­poq – siul­lermik kanaar­tamik, taava karrer­taqarfim­mik taavalu karrer­taqarfim­mi karrer­tanik ineris­simasunik.” (Mark 4:27, 28) Jiisusip suna ersersin­niar­paa? Ersersin­niar­paa inuup Kun­ngeqarfik pil­lugu tusarlius­samik akuersiar­torusaar­nera as­sigigaa naasup naajar­torusaar­nera. As­sersuutigalugu Biibilimik ilin­niar­titagut Jehovamut qanil­liar­tor­til­lutik inuunermin­nik al­lan­nguisar­nerat malugisar­par­put. (Ef 4:22-24) Eq­qaamasariaqar­par­pul­li Jehova naajar­tor­titsisuusoq. – 1 Kor 3:7.

6-7. Jehovap nunarsuarmik pin­ngor­titseriaasianit suna ilik­kar­par­put?

⁶ Jehova sugaluaraangamiluun­niit utaq­qisin­naas­suseqarlunilu tuaviuus­sineq ajor­poq. Taamaalior­nermigut atini ataq­qinarsisit­tar­paa al­lanul­lu iluaqutaatil­lugu. As­sersuutigisin­naavar­put Jehovap nunarsuaq inun­nut piareersaramiuk sunik tamanik ataatsik­korsuaq pin­ngor­titsin­ngin­nera.

 ⁷ Jehovap nunarsuarmik pin­ngor­titsinerata Biibilimi al­laatigineqar­nerani al­las­simavoq Jehovap nunarsuup “uut­tuutis­sai” aalajangerai, “sukai tun­ngaviusut” man­ngus­suuk­kai aam­ma “ujarak teqeq­qus­saq” inis­sik­kaa. (Job 38:5, 6) Al­laat suliaminik eq­qarsaatigin­nin­nis­sani pif­fis­saqarfigaa. (1 Mos 1:10, 12) Takorloorsin­naaviuk Jehovap pin­ngor­titai amerliar­tor­til­lugit in­ngilit qanoq misigisimas­sasut? Pis­sanganarsimas­saaq! Al­las­simavormi ‘niper­tik il­lugalugu qiim­mat­tar­tut’. (Job 38:7) Suna ilik­kar­par­put? Jehova ukiuni tuusintilip­pas­suar­ni pin­ngor­titsivoq, taava peq­qis­saarluni pin­ngor­tis­simasani qimerlooramigit takuaa “ajun­ngingaar­tut”. – 1 Mos 1:31.

8. Maan­na suut sam­mis­savagut?

⁸ Paasisatsitut Guutip oqaasiani najoq­qutas­siar­pas­suaqar­poq utaq­qisin­naas­suseqar­nis­samut iluaqutigisin­naasatsin­nik. Man­na sam­mis­savagut Jehovap iliuuseqar­nis­saanut utaq­qisin­naas­suseqarfiusariaqar­tut marluk.

9. Ilaatigut qaquguk­kut Jehova utaq­qisariaqar­tar­par­put?

⁹Qinnutitta akineqarnis­saat utaq­qisariaqarsin­naavarput. Misilin­neqar­nitsin­ni san­ngiis­sutit­taluun­niit akior­nis­saanut nukis­saqaq­qul­luta qinugut­ta im­maqa neriuutigisatsitut ingerlaan­naq Jehovamit akineqar­navian­ngilagut. Sooq Jehovap qin­nutit­ta ilaan­nai ingerlaan­naq akisar­pai?

10. Sooq qin­nutitsin­nut tun­ngatil­lugu utaq­qisin­naas­suseqar­tariaqar­pugut?

¹⁰ Jehovap qin­nutigut tusar­naaq­qis­saar­tar­pai. (Tuss 65:3) Uum­mam­mit pisumik qin­nutigut up­perluar­tuunitsin­nut ersiutaasutut isigai. (Hebr 11:6) Jehovap aam­ma paaserusut­tar­paa qin­nutigut piumasaalu naaper­torlugit iliuuseqar­nis­sar­put aalajangiusimanerip­put. (1 Joh 3:22) Taamaat­tumik ileq­qupalaatsin­nik san­ngis­sutitsin­nil­luun­niit akiuinitsin­ni utaq­qisin­naas­suseqarlutalu qin­nutigut naaper­torlugit iliuuseqar­tariaqar­pugut. Jiisusip ersersip­paa qin­nutit­ta ilaat ingerlaan­naq akineqar­navian­ngitsut, ima oqarami: “Qinujuarus­si tunineqas­saasi, ujarler­tuarus­si nanisis­saasi kasut­tor­tuarus­silu am­maan­neqas­sal­lusi. Kinaluun­niim­mi qinusoq tunineqar­tar­poq, kinaluun­niil­lu ujarler­toq nanisisar­poq, kinaluun­niil­lu kasut­tor­toq am­maan­neqas­saaq.” (Matt 7:7, 8, NW) Siun­nersuut taman­na malik­kutsigu ‘qasusuil­lutalu qinusarut­ta’ Ataatatsin­nit qilam­miusumit tusar­neqar­nis­sar­put akineqar­nis­sar­pul­lu qularis­san­ngilar­put. – Kol 4:2.

11. Isumaqarut­ta qin­nutigut akineqarumaataar­tut Hebræerit 4:16 qanoq iluaqutigis­savar­put?

¹¹ Isumaqaraluarut­taluun­niit qin­nutigut akineqarumaataar­tut Jehovap neriorsuinermisut “pif­fis­saq eq­qorlugu” qin­nutigut akiumaar­pai. (Hebræerit 4:16 atuaruk). Taamaat­tumik naatsorsuutigisatsitut ingerlaan­naq akineqan­ngik­kut­ta Jehova avoq­qaaris­san­ngilar­put. As­sersuutigalugu inup­pas­suit qin­nutigisarsimavaat Guutip kun­ngeqarfiata silarsuaq ajor­toq man­na suujun­naarsis­sagaa. Jiisusi aam­ma oqar­poq taman­na qin­nutigisas­sagip­put. (Matt 6:10) Naggatis­sal­li inuit naatsorsuutigisaat­tut nal­liutiaan­ngin­nera pis­sutigalugu up­per­nikil­ligut­ta sianiitsulior­nerus­saaq! (Hab 2:3; Matt 24:44) Jehova utaq­qigutsigu akis­sagaatigul­lu up­peralugu qin­nuigiuarutsigu silatusaar­nerus­saaq. Pif­fis­saq eq­qoq­qis­saarlugu naggatis­saq nal­liutis­saaq,  qaqugumi nal­liun­nis­saa Jehovap aalajangereer­paa. Ul­lorlu Jehovap aalajangigaa tamanut pitsaaner­paavoq. – Matt 24:36; 2 Petr 3:15.

12. Ingam­mik qaquguk­kut utaq­qisin­naas­suseqar­nis­saq saper­narsin­naava?

¹²Naapertuilluan­ngitsumik pineqarnitsinni pinertusaarlutalu utaq­qisin­naas­suseqartariaqar­pugut. Jehovamut kif­far­tor­tuun­ngitsut ar­naqatigin­ngisatik, anguteqatigin­ngisatik, naggueqatigin­ngisatik nunaq­qatigin­ngisatil­luun­niit ajor­tumik pigajup­paat. Al­lat timik­kut isumak­kul­luun­niit ajoquteqar­ner­tik pis­sutigalugu ajor­tumik pineqar­tar­put. Aam­ma Jehovamut kif­far­tor­tor­pas­suit Biibilimik up­perin­nin­ner­tik pis­sutigalugu ajor­tumik pineqar­tar­put. Taamatut pineqar­nitsin­ni Jiisusip oqaasii uku eq­qaamasariaqar­pagut: ‘Naggatis­samut nikal­lujuitsuusoq an­naan­neqas­saaq.’ (Matt 24:13) Ilagiin­niit­tum­mi ilaata ingasat­tumik ajor­tuliorsimanera paasiguk­ku? Taman­na pil­lugu utoq­qaaner­tat paasitin­neqareer­pata utaq­qisin­naas­suseqarlutit Biibilimut naaper­tuut­tumik iliuuseqas­sasut up­peris­saviuk? Utoq­qaaner­tat susar­pat?

13. Ingasat­tumik ajor­tulior­toqarsimap­pat Biibili tun­ngavigalugu utoq­qaaner­tat sus­sap­pat?

¹³ Utoq­qaaner­tat ilagiin­ni ingasat­tumik ajor­tulior­toqarsimasoq paasigunik­ku Jehovamit ikior­neqarumal­lutik ‘ilisimas­suseq pavan­nga pisoq’ qin­nutigis­savaat. (Jaak 3:17) Ajor­nan­ngip­pat ajor­tuliorsimasoq peq­qis­simil­luni ajor­tulior­tarun­naar­nis­saanut ikius­savaat. (Jaak 5:19, 20) Aam­ma ilagiin­niit­tut il­lersorumal­lugit ajor­tuliorfigineqar­tul­lu tup­pal­lersarumal­lugit sapin­ngisamin­nik iliuuseqarusup­put. (2 Kor 1:3, 4) Utoq­qaaner­tat ingasat­tumik ajor­tulior­toqarsimanera paasigunik­ku pisimasumut tun­ngasut tamaasa paaseq­qaar­tariaqar­paat. Taava qinoreeraangamik Biibilimik tun­ngavilim­mik “ingasaas­saan­ngitsumik” oqaaq­qisaarisar­put. (Jer 30:11) Utoq­qaaner­tat sulias­sanik kinguar­titerin­ngik­kaluarlutik aalajangiipal­lan­neq ajor­put. Pineqar­toq eq­qor­tumik iliuuseqarfigineqaraangat ilagiin­niit­tut tamarmik iluaqutigisar­paat. Utoq­qaaner­tat taamaalioreeraluar­tut inuk ajor­tuliamik sun­ner­neqar­toq suli aliasus­sin­naavoq. Il­lit taamatut misigiguit suut iluaqutigisin­naavigit?

14. Up­peqatin­nit misigis­sutsik­kut an­nersin­neqaruit Biibilimi oqalut­tuarineqar­toq kina ilin­niarfigisin­naaviuk?

 ¹⁴ Arlaan­nit, im­maqa al­laat up­peqatin­nit, misigis­sutsik­kut an­nersin­neqar­nikuuit? Maligas­saal­luar­tut Jehovap aaq­qiis­suteqar­nis­saanik utaq­qin­nit­tut Guutip oqaasiani oqalut­tuarineqar­tut ilin­niarfigisin­naavagut. As­sersuutigalugu Josefi qatan­ngutiminit naaper­tuil­luan­ngitsumik pineqaraluarluni narrutsas­simaalin­ngilaq. Jehovamul­li kif­far­tor­nini pingaar­ner­paatit­tuar­paa, utaq­qisin­naas­suseqarlunilu piner­tusaarami pil­luaq­quneqangaar­poq. (1 Mos 39:21) Pif­fis­sap ingerlanerani Josefip qatan­ngutini isumak­keerfigisin­naaler­pai Jehovamil­lu pil­luaq­quneqar­tarsimanini takusin­naal­lugu. (1 Mos 45:5) Josefitut Jehovamut qanik­kut­ta naaper­tuil­luan­ngitsuliorfigineqar­nigul­lu Jehovamut isumagitik­kutsigit taman­na tup­pal­lersaatigis­savar­put. – Tuss 7:18; 73:28.

15. Qatan­ngutip ar­nap ajor­tumik pineqar­nermini piner­tusaar­nis­saminut suna iluaqutigaa?

¹⁵ Josefip misigisaatut ingasatsigisumik pineqar­neq ajoraluarluta ajor­tumik pineqar­ner­put ajual­laatigisin­naavar­put. Jehovamut kif­far­tor­tuun­ngitsumiil­luun­niit ajor­tumik pineqar­nitsin­ni najoq­qutas­siat Biibilimeersut maleruarutsigit iluaqutigis­savar­put. (Fil 2:3, 4) Qatan­ngut ar­naq as­sersuutigeriar­tigu. Paasigamiuk suleqatiminit oqaluuserinerlun­neqarsimal­luni aliasungaar­poq. Qisuariapiloor­nanili Jiisusip qanoq iliorsimanera eq­qarsaatigeq­qis­saar­paa. Taan­na ajor­tumik pineqaraangami akiniaaneq ajor­poq. (1 Petr 2:21, 23) Taman­na eq­qarsaatigigamiuk pisimasoq iliuuseqarfiginiar­nagu aalajanger­poq. Kingusin­nerusuk­kut paasivaa suleqatini peq­qiil­lior­nini pis­sutigalugu isumakuluuteqangaar­toq. Taamaat­tumik qatan­ngut eq­qarsar­poq suleqatimi oqaatsini ilumoorutin­ngik­kai. Qisuariapiloorsiman­ngin­nini utaq­qisin­naas­suseqarlunilu piner­tusaar­nini nuan­naarutigai qamuunalu eq­qis­sisimal­luni.

16. Naaper­tuil­luan­ngitsuliorfigineqaruit suna tup­pal­lersaatigisin­naaviuk? (1 Petrusi 3:12)

¹⁶ Naaper­tuil­luan­ngitsuliorfigineqaruit al­latul­luun­niit ajual­latsin­neqaruit eq­qaamajuk Jehovap “sequmis­simasumik uum­matil­lit” qanit­tarai. (Tuss 34:19) Utaq­qisin­naas­suseqaravit  naner­tuutigisatil­lu taas­sumun­nga isumagitit­tarak­kit asavaatit. (Tuss 55:23) Nunarsuarmiit­tunut tamanut eq­qar­tuus­sisuugami pisut tamaasa eq­qumaf­figisar­pai. (1 Petrusi 3:12 atuaruk). Iliuuseqarfigisin­naan­ngisatsin­nik ajor­nar­torsior­nitsin­ni Jehovap iliuuseqar­nis­saanut utaq­qisin­naas­suseqar­nis­saq pingaaruteqar­poq.

17. Esaja 30:18 naaper­torlugu Jehovap qanoq neriorsor­paatigut?

¹⁷ Qanit­tuk­kut Ataatat­ta qilam­miusup kun­ngeqarfini aq­qutigalugu pil­luaq­qus­savaatigut. Esaja 30:18-imi ima al­las­simavoq: “[Jehovap] qilanaaraa ilis­sin­nik saam­maas­sinis­sani, nikuik­kumaar­poq nal­lit­torumal­lusi. Naalagarmi Guutiuvoq naaper­tuil­luar­toq. Pil­luar­put tamarmik taas­sumun­nga erinisut­tut!” Jehovamik utaq­qin­nit­tuar­tut maan­nak­kut siunis­samilu paratiisis­sami pil­luaq­quneqangaas­sap­put.

18. Siunis­sami nuan­nersut suut misigis­savagut?

¹⁸ Guutip in­nut­tai paratiisimiilerunik nalitsin­nitul­li ajor­nar­torsiuteqar­natil­lu isumakuluuteqas­san­ngil­lat. Naaper­tuil­luan­ngitsulior­toqarun­naarlunilu an­niar­toqarun­naas­saaq. (Saqq 21:4) Pisariaqar­titatsin­nik amigaateqas­san­ngin­nat­ta isumakulut­tariaqan­ngilagut. (Tuss 72:16; Es 54:13) Pil­luar­narunas­susia!

19. Jehovap maan­nak­kut sumut piareersar­tip­paatigut?

¹⁹ Jehovap ileq­qupalaaqarun­naar­nis­satsin­nut nuan­narisaminil­lu pis­suseqaler­nis­satsin­nut ikiorluta paratiisimi inuunis­satsin­nut piareersar­tip­paatigut. Nikal­lorlutit tun­niutiin­naqinak. Inuuneq pitsaaner­paaq misigiliivip­par­put! Nuan­nersumik siunis­saqarat­ta Jehovap iliuuseqar­nis­saanut kajumil­luta utaq­qisin­naas­suseqar­ta!