1. Pin­ngor­titsisor­put pil­lugu qanoq ilin­niar­tin­neqar­nikuuit?

ILAQUTARIIN­NI Jehovamik Nalunaajaasuusuni peroriar­torsimaguit meeraal­lutil­li Jehova pil­lugu ilik­kagaqarsimas­saatit. Paasitin­neqarsimas­saatit Pin­ngor­titsisuusoq, nuan­nersunik pis­suseqar­toq nunarsuul­lu paratiisin­ngor­tin­neqar­nis­saanik siuner­taqar­toq. – 1 Mos 1:1; ApS 17:24-27.

2. Pin­ngor­titsisoqar­neranik up­perin­nit­tut qanoq isumaqarfigineqar­tar­pat?

² Inup­pas­suil­li Guuteqar­nera pin­ngor­titsisoqar­neralu up­perin­ngilaat. Up­peraat inuuneq nalaatsor­nerin­nak­kut piulersimasoq suul­lu tamarmik pin­ngoriar­tuaarsimasut. Inuit taak­kua ilaat ilin­niagar­tuujup­put, oqar­tar­pul­lu Biibili ilisimatusar­nermut naaper­tuutin­ngitsoq. Aam­ma isumaqar­put pin­ngor­titsisoqar­neranik up­perin­nit­tut ilisimasakitsuusut, sianiitsuusut up­per­tik­kuminar­tuusul­lu.

3. Sooq up­per­nit­ta nakus­sas­sar­nis­saa pingaaruteqar­pa?

³ Pin­ngor­titsisoqar­neranik up­perin­nin­ner­put tun­ngaveqarluar­pat ilin­niagar­tuunit qulalersin­neqarsin­naanavian­ngilagut. Taamaat­tumik una eq­qarsaatigis­sal­lugu pingaaruteqar­poq: Maleruutiin­narlunga pin­ngor­titsisoqar­nera up­peraara, imaluun­niit nam­mineq misis­suinik­kut taman­na up­per­narsinikuuara? (1 Kor 3:12-15) Qanorluun­niit sivisutigisumik Jehovamut kif­far­torsimagaluarut­ta up­per­ner­put tamat­ta nakus­sas­sar­tuar­tariaqar­par­put. Taamaaliorut­ta Biibilimik akerlilersuisut ‘ilisimaq­qis­saar­niutaan­nit sal­loqit­taataan­nil­lu piun­ngitsunit’ uukapaatin­neqas­san­ngilagut. (Kol 2:8; Hebr 11:6) Up­per­ner­put nakus­sas­sar­niarlugu iluaqutigisin­naasagut uku al­laaserisami matumani sam­mis­savagut: (1) Sooq inup­pas­suit pin­ngor­titsisoqar­nera up­perin­ngik­kaat, (2) pin­ngor­titsisoqar­neranik up­perin­nin­ner­put qanoq nakus­sas­sarsin­naagip­put, kiisalu (3) qanoq up­per­tuarsin­naasugut.

4. Hebræerit 11:1 naaper­torlugu up­per­neq qanoq paasisariaqar­pa?

⁴ Inuit ilaat isumaqar­put up­per­tut tamarmik up­per­narsaatinik tun­ngaveqaratik up­perisaqar­tut. Up­per­nerli Biibilimi al­latorluin­naq al­laatigineqar­poq. (Hebræerit 11:1 atuaruk). Nas­suiar­neqar­pormi tas­saasoq “takun­ngisamik qularuteqan­nginneq”. Tas­sa takusin­naan­ngisagut – soorlu Jehova, Jiisusi kun­ngeqarfil­lu qilam­miit­toq – up­peris­sagutsigit piviusuunerat uppernarsisin­naasariaqar­parput. (Hebr 11:3) Ilisimatooq kingor­na Nalunaajaasun­ngor­toq ima oqar­poq: “Jehovap Nalunaajaasuisa up­perisaat tun­ngavis­saqarluar­poq. Ilisimatuus­sutsik­kut paasisat isigin­ngitsuusaagin­nar­neq ajor­paat.”

5. Sooq inup­pas­suit isumaqar­pat pin­ngor­titsisoqan­ngitsoq?

⁵ Im­maqali ima eq­qarsar­putit: ‘Pin­ngor­titsisoqar­nera up­per­narsar­neqarsin­naap­pat sooq inup­pas­suit taman­na up­perin­ngilaat?’ Pis­sutaaqataasut ilagaat inuit ilaasa nam­mineerlutik up­per­narsaatinik misis­suisiman­ngin­nerat. Rober­t, Jehovamik Nalunaajaasun­ngorsimasoq, ima oqar­poq: “Pin­ngor­titsinermik oqalut­tuaq atuarfim­mi ilin­niar­titsis­sutigineqan­ngisaan­narmat up­periuminaatsin­nikuuara. Aatsaat inersimasun­ngoreerlunga Jehovap Nalunaajaasuinik oqaloqateqar­talerama paasivara pin­ngor­titsisoqar­nera Biibilimi tun­ngavilersugaal­luar­toq.” * – Ungalusaq “ Angajoq­qaanut kajumis­saarut” takuuk.

6. Sooq ilaasa pin­ngor­titsisoqar­nera up­perin­ngilaat?

⁶ Al­lat oqar­tar­put takusin­naasatik kisiisa  up­perisin­naagamik­kit pin­ngor­titsisoqar­nera up­perisin­naanagu. Taamaat­torli takus­saan­ngitsut al­lat – soorlu nunap nutsuinera – qularutigineq ajor­paat. Takussaanngitsut suugaluartulluunniit up­peris­sagutsigit up­per­narsar­neqarluarsimasariaqar­put. (Hebr 11:1) Up­per­narsaatinik misis­suineq pif­fis­sar­tor­narlunilu nukip­pas­suar­nik atuif­fiusar­poq. Inup­pas­suil­lu taamaalior­nis­sar­tik eqiagisaramik­ku ilaat iner­niliisar­put Guuteqarsimanavian­ngitsoq.

7. Ilin­niagaqarluarsimasut tamarmik Guuteqan­ngin­neraasuup­pat? Nas­suiaruk.

⁷ Ilisimatuut ilaat up­per­narsaatinik misis­suereerlutik iner­niliisimap­put Guuti sunik tamanik Pin­ngor­titsisuusoq. * Taman­na universitetini  ilin­niar­titsis­sutigineqan­ngisaan­narmat aal­laq­qaam­mut up­perisiman­ngik­kaluar­paat. Kingor­nali Jehova ilisarisimalerlugulu asangaalersimavaat. Uagut­taaq qanorluun­niit ilin­niagaqarsimatigigaluarut­ta Guutimut up­per­ner­put nakus­sas­sar­tuar­tariaqar­par­put. Al­lat sin­nerluta taamaaliorsin­naan­ngil­lat.

8-9. (a) Apeq­qut suna maan­na sam­mis­savar­put? (b) Pin­ngor­titarsuarmik eq­qarsaatigin­neq­qis­saar­nerit qanoq iluaqutigis­saviuk?

⁸ Pin­ngor­titsisoqar­nera illit qanoq up­perinerulersin­naaviuk? Iliuuserisin­naasatit sisamat maan­na sam­meriar­tigit.

⁹Pinngortitarsuaq ilinniarfigiuk. Pin­ngor­titarsuarmik qimerluuinitsigut Pin­ngor­titsisitsin­nut up­per­ner­put nakus­sas­sarsin­naavar­put. (Tuss 19:2; Es 40:26) Jehovap pin­ngor­titai eq­qarsaatigeq­qis­saaraangatsigit Pin­ngor­titsisuunera up­perineruler­tar­par­put. Atuagas­siaatitsin­ni pin­ngor­titsisoqar­nera ersaris­sumik al­laaserineqar­tar­poq. Taak­ku paasiuminaatsik­kuk­kit tun­niutiin­naqinak, sapin­ngisan­nil­li pis­sarsif­figiniar­tak­kit. Aam­ma pin­ngor­titsisoqar­nera pil­lugu videut ukiuni kingul­ler­ni ataatsimeersuar­nitsin­ni saq­qum­mersin­neqar­tar­tut nit­tar­tak­katsin­ni, jw.org-imi, misis­sor­tak­kit.

10. Pin­ngor­titsisoqar­neranut takus­sutis­sat ilaan­nik as­sersuuteqarit. (Romamiut 1:20)

¹⁰ Avatangiisin­nik misis­sueq­qis­saaraangavit Pin­ngor­titsisoq qanoq ilisarisimanerulersin­naal­lugu eq­qarsaatigisaruk. (Romamiut 1:20 atuaruk). As­sersuutigalugu seqer­ngup kis­sar­nera qaamaneralu tamat­ta pisariaqar­tip­par­put. Seqinerli qin­ngor­ner­nik uloriar­nar­tunik aniatitsisar­poq. Qanorli il­lersor­neqar­pugut? Nunarsuat­ta avataani gas­si il­lersuutaasoq ozonimik taaneqar­tar­toq piuler­tar­poq. Seqer­ngup qin­ngor­neri ulorianar­tut sak­kor­tusigaangata gas­si taan­na an­ner­tusisar­poq. Tamak­ku tamarmik nam­mineq pilersimasoraagit imaluun­niit asan­nit­tumik silatuumil­lu pin­ngor­titsisoqarsoraajuk?

11. Paasis­sutis­sat pin­ngor­titsisoqar­neranik up­perin­nin­nin­nut nakus­sas­saatigisin­naasatit sumi misis­sorsin­naavigit? (Ungalusaq “ Up­per­neruler­nis­samut iluaqutigisin­naasatit” takuuk).

¹¹ Paasis­sutis­sat pin­ngor­titsisoqar­neranik up­perin­nin­nin­nut nakus­sas­saatigisin­naasatit Jehovap Nalunaajaasuisa ujarliutaat-ni jw.org-imilu misis­sorsin­naavatit. As­sersuutigalugu una iserfigisin­naavat: “Ilusilersugaava?” Al­laaserisani videunilu tas­saniit­tuni uumasut naasul­lu pil­lugit paasis­sutis­sat nuan­nersut takusin­naavatit. Aam­ma ilisimatuut pin­ngor­titarsuarmiit­tunik ilaarsil­lutik ilusilersuisar­nerat pil­lugu paasisaqarsin­naavutit.

12. Biibili misis­soq­qis­saaraangatsigu suut maluginiar­tariaqar­pagut?

¹²Biibili misis­soq­qissaar­taruk. Ilisimatuup im­mik­koor­toq 4-mi eq­qaaneqar­tup pin­ngor­titsisoqar­nera up­perin­ngeq­qaaraluar­paa, kingor­nali ima oqar­poq: “Up­per­nera ilisimatusar­nik­kut ilik­kak­kan­nik tun­ngaveqaan­narani aam­ma Biibilimik misis­sueq­qis­saar­nin­nik tun­ngaveqar­poq.” Im­maqali il­lit Biibili ilisimal­luar­pat. Taamaak­kaluar­pal­luun­niit pin­ngor­titsisoqar­neranik up­per­nerit nakus­sas­sar­tuar­tariaqar­pat Biibililu misis­sor­tuar­tarlugu. (Jos 1:8; Tuss 119:97) Itsaq pisimasut Biibilimi qanoq eq­qoq­qis­saar­tigisumik al­laatigineqar­nerat eq­qarsaatigisaruk. Siulit­tuutit Biibilil­lu ataqatigiil­luin­nar­nera maluginiar­tak­kit. Taamaalior­taruit up­perinerulis­savat asan­nit­tumik silas­soris­sumil­lu pin­ngor­titsisoqar­tugut uagutsin­nul­lu oqariar­tuutini  Biibilimi al­latsis­simagaa. * – 2 Tim 3:14; 2 Petr 1:21.

13. Biibilimi siun­nersuum­mik iluaqutigisin­naasatsin­nik as­sersuuteqarit.

¹³ Biibilimi siun­nersuutit qanoq iluaqutaatiginerat maluginiar­taruk. As­sersuutigalugu Biibilimi qangarsuarli erseq­qis­sar­neqar­poq aningaaserituut ‘im­min­nut amerlasuunik erloqis­sutis­sior­tar­tut’. (1 Tim 6:9, 10; Uss 28:20; Matt 6:24) Suli taamaap­pa? Nalitsin­ni inuit pis­susilersor­nerat pil­lugu atuak­kior­tut ilaat ima al­lap­poq: “Aningaaserituut pil­luan­ngin­nerusar­put isumatsas­simaq­qajaanerusarlutil­lu. Al­laam­mi isumakuluuteqar­nerusar­put peq­qiil­lior­nerusarlutil­lu.” Taamaat­tumik aningaaserituun­ngun­ngin­nis­samik siun­nersuut iluaqutaangaar­poq. Biibilimi najoq­qutas­sianik al­lanik il­lit iluaqutigisimasan­nik eq­qaasaqarsin­naavit? Siun­nersuutit Biibilimiit­tut pingaar­tik­kutsigit Pin­ngor­titsisor­put asan­nit­toq kil­leqan­ngitsumil­lu ilisimas­suseqar­toq tatiginerulis­savar­put. (Jaak 1:5) Tamatuma kingunerisaanik nuan­naar­nerulis­saagut. – Es 48:17, 18.

14. Biibilimik misis­suinin­ni Jehovap ilisarisimaneruler­nis­saa pingaar­nerutit­taruk­ku suna paasis­saviuk?

¹⁴Biibilimik misis­suininni Jehovap ilisarisimanerulernissaa pingaar­nerutit­taruk. (Joh 17:3) Taamaalior­taruit paasilis­savat Jehovap pis­susii Biibilimi al­laatigineqar­tut pin­ngor­titarsuarmil­lu qimerluuinin­ni paasisimasatit im­min­nut naaper­tuut­tut. Jehova ilisarisimanerujar­tor­til­lugu piunera qulariun­naariar­tus­savat. (2 Mos 34:6, 7; Tuss 145:8, 9) Aam­ma asanerulerlugulu ikin­ngutigil­luar­nerulis­savat.

15. Oqaluus­sisar­nerit qanoq iluaqutigis­saviuk?

¹⁵Oqaluus­sisarit, taman­na up­per­nik­kut nakus­satsis­sutigis­savat. Oqaluus­sif­figisavim­mi Guuteqar­nera apeq­quser­pagu qanorlu akis­sal­lugu naluguk­ku? Taava Biibililersaarutigut iluaqutigalugit al­las­simaf­fin­nik tun­ngavilersuutigisin­naasan­nik ujarlerit. (1 Petr 3:15) Aam­ma Nalunaajaasoqatin­nut ikioq­qusin­naavutit. Taamaalioreeruit oqaluus­sif­figisat uterfigalugu nas­suiaak­kiar­toruk. Taas­suma tusar­naarumap­patit tusar­naaruman­ngip­patil­luun­niit il­lit misis­suisimanerit up­per­nerulis­sutigis­savat. Kingunerisaanik im­minut ilisimatuujusorisut ilin­niagar­tuul­lu pin­ngor­titsisoqan­ngin­neraagaangata up­perinavian­ngilatit.

16. Up­per­ner­put nakus­sas­sar­tuan­ngik­kutsigu qanoq pisoqarsin­naava?

¹⁶ Qanorluun­niit sivisutigisumik Jehovamut kif­far­torsimagaluarut­ta up­per­ner­put nakus­sas­sar­tuar­tariaqar­par­put. Sooq taamaap­pa? Mianersun­ngik­kut­ta up­perun­naariar­torsin­naagat­ta. Eq­qaamajuk up­per­neq tas­saasoq takunngisamik qularuteqan­ngin­neq. Takusin­naan­ngisagut puigupal­las­sin­naasar­pagut. Paulusip up­perun­naariar­tor­neq tas­saanerar­paa ‘ajor­ti uagutsin­nik tigum­min­nin­niar­toq’. (Hebr 12:1) Taamaap­pat qanoq up­perluar­tuujuarsin­naavugut? – 2 Th 1:3.

17. Suna iluaqutigalugu up­perluar­tuujuarsin­naavugut?

¹⁷ Siul­ler­tut, anersaaq iller­nartoq Jehovamut qin­nutigikulasaruk. Sooq? Anersaaq il­ler­nar­toq iluaqutigalugu up­per­nerulersin­naasarat­ta. (Gal 5:22, 23) Taamaat­tumik anersaaq il­ler­nar­toq Jehovamut qin­nutigiuar­tariaqar­par­put. (Luk 11:13) Al­laal­lumi ‘up­per­nermik an­nerusumik tuneq­qul­luta’ qinusin­naavugut. – Luk 17:5.

18. Tus­siaat 1:2, 3-lu naaper­torlugit tunis­sut nalis­saqan­ngitsoq suna nuan­naarutigisin­naavar­put?

¹⁸ Aap­paat­tut, Biibilimik misis­sueq­qis­saartarneq ileq­quliuguk. (Tussiaat 1:2, 3 atuakkit).  Tus­siaat taan­na al­lan­neqarmat kun­ngit palasil­lu kisimik Guutip oqaasia tamarmiusoq pigisar­paat. Ukiul­li arfineq-marluk qaangiuk­kaangata ‘angutit, ar­nat, meeq­qat’ takor­nar­tal­lu Israelip il­loqarfiini najugaqar­tut inatsisinik atuf­fan­neqar­nias­sam­mata katersuutsin­neqar­tar­put. (5 Mos 31:10-12) Al­lak­kat Il­ler­nar­tut Jiisusip nalaani ikit­tuin­nar­nit pigineqar­put, amerlanersaal­lu synagoginiitsin­neqar­tar­put. Nalitsin­nili inuit amerlanersaasa Biibili tamaat ilaan­naaluun­niit atuarsin­naavaat. Taman­na tunis­sutaavoq nalis­saqan­ngitsoq. Tunis­sum­mik tamatumin­nga pingaar­titsiner­put qanoq takutis­sin­naavar­put?

19. Up­perluar­tuujuarumal­luta susariaqar­pugut?

¹⁹ Biibilimik ul­lut tamaasa atuar­tar­nitsigut takutis­savar­put Biibili pingaar­til­lutigu. Taamaalior­nis­satsin­nut pif­fis­samik im­mik­koor­titsisariaqar­pugut. Biibilimik misis­sueq­qis­saar­tar­neq ileq­qulius­simagutsigu up­perluar­tuujuarsin­naavugut.

20. Suna aalajangiusimasariaqar­par­put?

²⁰ Silarsuarmi matumani ‘ilisimasut sianisuul­lu’ as­siginagit uagut up­per­ner­put Biibilimik tun­ngaveqar­tip­par­put. (Matt 11:25, 26) Biibilimik misis­sueq­qis­saar­tar­nitsin­ni paasivar­put sooq silarsuarmi pis­sutsit ajorsigalut­tuin­nar­tut Jehoval­lu taman­na qanoq iliuuseqarfigiumaaraa. Taamaat­tumik up­per­ner­put nakus­sas­sar­tuar­tigu inuil­lu sapin­ngisamik amerlaner­paat Pin­ngor­titsisitsin­nik up­perin­niler­nis­saan­nik ikiorlugit. (1 Tim 2:3, 4) Qilanaariuar­tigulu nunarsuarmiit­tut tamarmik Jehovamik un­nersiutigin­nil­lutik ima oqar­taler­nis­saat: ‘Il­lit, Naalagar­put Guuter­pul­lu, qin­ngaq­qun­nan­ngilaq pigis­sal­lugu naalan­naat ... il­lim­mi suut tamaasa pin­ngor­tip­patit.’ – Saqq 4:11.