1. Tamatta sumik suliaqar­pugut? (Tes­saluunikamiunut 1. 5:11)

 ILAGIIT­TUT ataatsimiit­tarfis­sin­nik sanaar­torlusilu iluarsar­tuus­seqataanikuuisi? Taamaap­pat naam­mas­sereerlusi ataatsimiigiaq­qaar­nerit eqqaamasimas­savat. Jehovamut qujamasungaar­putit. Immaqa kil­litseq­qangaaravit erinarsuummi siul­lermi erinarsor­piarsin­naan­ngilatit. Ataatsimiit­tarfigut sanal­luagaasut Jehovamut ataq­qinaataap­put. Jehovamulli ataq­qin­nit­tulioriaaseq alla sanaar­toqataanermit pingaar­neruvoq. Tassa ataatsimiit­tarfin­nut taak­kunun­nga ornigut­tut ineriar­tor­tin­nerat naleqar­nerungaar­poq. Grækerisut oqaaseq ‘ineriar­tor­teqatigiin­nermik’ aamma ‘sananermik’ isumaqarsin­naam­mat Apustilip Paulusip Tessaluunikamiunut allakkat siulliit 5:11 (atuaruk), allas­simaf­fik najoq­qutarisar­put, allak­kamiuk kristumiut anersaak­kut sanaar­toqataanis­saat neriuutigaa.

2. Allaaserisami matumani suut eqqar­tus­savagut?

² Apustili Paulusi uppeqatinik ineriar­tor­titsinermut tun­ngatil­lugu maligas­saal­luar­poq. Uppeqatini misigin­neqatigisar­pai. Allaaserisami matumani sam­mis­savar­put qanoq qatan­ngutini (1) misilin­neqar­nermi piner­tusaar­nis­samut (2) eqqis­seqatigiin­nis­samullu ikiorai (3) Jehovamullu upper­nerulersik­kai. Paulusi ilaarlugu qatan­ngutit qanoq ineriar­tor­tis­sin­naanerlutigit paasiniariar­tigu. – Kor 1. 11:1.

3. Paulusi qanoq oqimaaqatigiis­saariva?

³ Paulusip qatan­ngutini asangaar­pai. Erloqinar­torsior­tarami uppeqatini misilin­neqar­tut paasisin­naal­lugillu misigin­neqatigisar­pai.  Taamaal­luni aningaasaataaruk­kami imminut angalaqatinilu pilersor­niarlugit sulisariaqar­poq. (ApS 20:34) Korintimut tikik­kami tupilior­toqatini Akviila Priskiilalu suleqatigisaraluarlugit “ulluni qasuersaarfinni tamani” juutit grækerillu oqaluus­sif­figisar­pai. Siilarsi Timuutiusilu tikim­mata “Paulusip pif­fis­sani tamaat Guutip oqaasianik oqaluus­sinermut ator­taler­paa”. (ApS 18:2-5) Paulusip Jehovamut kif­far­tor­nini inuunermini pingaar­ner­paatit­tuar­paa. Paulusi tamaviaarluni oqaluus­sisar­nermigut sulisar­nermigullu maligas­siuil­luarami qatan­ngutiminut qiim­mas­saataavoq. Qatan­ngutini eqqaasip­pai inuunerminni ulap­putigisar­tak­katik ilaqut­tanillu pilersuisariaqar­ner­tik pis­sutigalugit ‘pingaar­ner­paanik’ – tassa Jehovamut kif­far­toriaatsinik tamanik – sumigin­naas­san­ngitsut. – Flp 1:10.

4. Paulusip Timuutiusillu uppeqatitik malersugaasut piner­tusaaq­qul­lugit qanoq ikior­paat?

⁴ Tes­saluunikami ilagiit pilersin­neqar­nerisa kingunin­ngua upper­tun­ngorlaat sak­kor­tuumik akerlilersor­neqaler­put. Akerlilersuisut ajor­tut pikitsitsisut Paulusi Siilarsilu nas­saarin­ngin­namik­kit qatan­ngutit “ilaat uniakalaagin­narlugit illoqarfiup siulersor­taan­nukaap­paat” suaar­tarlutil­lu: ‘Angutit uku kaasarip aalajangersagaanik akerlilersuip­put.’ (ApS 17:6, 7) Kristumiun­ngorlaat nunaq­qatimin­nit saas­sun­neqaramik qanoq annilaangatigisimas­sanersut takorloorsin­naaviuk? Jehovamut kif­far­tor­nermi aal­lus­sival­laarun­naarsin­naagaluar­put, Paulusilli taama pisoqar­nis­saa kis­saatigin­ngilaa. Siilarsilu aal­lar­tariaqaraluarlutik ilagiit pilersin­neqarlaat isumas­sorluar­neqar­nis­saat qulak­keer­paat. Paulusip Tes­saluunikamiut eqqaasip­pai: “Qatan­nguter­put Timuutiusi … ilis­sin­nut aal­lar­tip­par­put. Taas­suma upper­nik­kut nakus­satsil­lusilu tup­pal­lersar­tus­saavaasi tamak­kunin­nga annikil­liuuteqar­nis­sinni san­ngiil­leq­qunasi.” (Tes 1. 3:2, 3) Timuutiusi peroriar­torfim­mini Lystrami malersor­neqar­tarsimagunar­poq. Qatan­ngutit Lystramiit­tut Paulusip qanoq nakus­satsik­kai takusimavaa. Jehovap tapersersuinera Timuutiusip takunikuugamiuk qatan­ngutin­ngorlaat pis­sutsit ajun­ngin­nerulerumaar­neran­nik neriorsorsin­naavai. – ApS 14:8, 19-22; Hebr 12:2.

5. Qatan­ngutip Bryantip utoq­qaaner­tamit ikior­neqar­nini qanoq iluaqutigaa?

⁵ Paulusip uppeqatini aamma qanoq upper­nik­kut nakus­satsip­pai? Paulusi Bar­nabalu Lystramut, Ikonion­nimut Antiokiamullu tikeraaq­qin­nerminni “ilagiinni tamani utoq­qaaner­tanik toq­qaap­put”. (ApS 14:21-23) Qular­nan­ngitsumik angutit toq­qar­neqar­tut taakku nalitsinni utoq­qaaner­tat pisar­nerat­tut ilagiin­nut tup­pal­lersaataap­put. Qatan­ngut angut Bryantimik atilik qanoq oqar­toq maluginiaruk: “15-inik ukioqar­tunga ataatama qimap­paatigut anaanagalu ilaajun­naarsitaal­luni. Qimagaasutut misigivunga nikal­lungal­lungalu.” Bryantip piner­tusaar­nis­samut suna iluaqutigaa? Ima oqar­poq: “Tonyp utoq­qaaner­taasup ataatsimiin­nerni pif­fis­sanilu allani oqaloqatigisar­paanga. Misilin­neqaraluarlutik nuan­naar­tut pil­lugit oqalut­tuut­tar­paanga. Tus­siaat 27:10 atuar­paa Hizkijalu, maligas­saal­luan­ngitsumik ataataqaraluarluni aalajaat­tuar­toq, eqqar­tukulasarlugu.” Bryantip tapersersor­neqar­nini qanoq iluaqutigaa? Ima oqar­poq: “Tonyp qiim­mas­sar­tarmanga nalerisimaarutigisan­nik pif­fis­saq tamaat kif­far­tuler­punga.” Utoq­qaaner­taasusi, Bryantitut ‘qiim­mas­saal­luni oqaaserisanik’ pisariaqar­titsisunik ikiuinis­sarsi eqqumaf­figisas­savarsi. – Uss 12:25.

6. Paulusip qatan­ngutit qiim­mas­sar­niarlugit misigisalik­kersaarutit qanoq ator­tar­pai?

 ⁶ Paulusip uppeqatini ‘ilisiman­nit­tut amerlasuut’ Jehovamit nakus­satsin­neqar­nermik­kut erloqinermi piner­tusaar­tut pil­lugit eqqaasip­pai. (Hebr 12:1) Paulusip nalun­ngilaa itsaq erloqinar­torsioraluarlutik iluatsil­luar­tumik piner­tusaar­tut misigisalik­kersaarutaat qatan­ngutit sapiil­linis­samut ‘Guutillu uumas­suseqar­tup illoqarfianik’ eqqarsaatigin­nit­tuar­nis­samut iluaqutigis­sagaat. (Hebr 12:22) Uagut­taaq Jehovap Giidiuum­mik, Baarak­kimik, Daavimik, Saamualimik allar­pas­suar­nillu ikiuinera pil­lugu atuaraangatta nakus­satsin­neqar­tan­ngin­ner­pugut? (Hebr 11:32-35) Aamma nalitsinni upperluar­tut pil­lugit atuarsin­naavugut. Qul­lersaqarfimmi qatan­ngutinit Jehovap nalitsinni kif­faasa aalajaatsut misigisalik­kersaarutaan­nik atuareerlutik upper­nik­kut nakus­satsis­simasunit allagarsikulasar­pugut.

7. Paulusip siun­nersuutaa qanoq ilin­niarfigaajuk? (Romamiut 14:19-21)

⁷ Ilagiinni eqqis­seqatigiin­nerulersitsinik­kut qatan­ngutit ineriar­tor­tit­tar­pagut. Isumaqatigiin­ngis­sutit avis­saar­tuus­sutigerusun­neq ajor­pagut. Biibilimili najoq­qutas­siat unioq­qutin­neqan­ngik­kaangata isumar­put aalajangiusimaniar­tuar­neq ajor­par­put. Assersuuteqariarta. Juutit Israalik­kuun­ngitsullu Romami ilagiin­nut kristumiunut ilaap­put. Moorsisip inatsisai atuuk­kun­naarsin­neqarmata nerisas­sat aalajangersimasut pil­lugit kil­lilersuutit atuuk­kun­naar­put. (Mak 7:19) Taamanimiilli kristumiut juutiusut ilaat sunil­luun­niit nerisin­naasorip­put. Kristumiulli juutiusut allat taamaaliorusun­ngil­lat. Ilagiit tamanna pis­sutigalugu avis­saar­tuutiler­put. Paulusi eqqis­seqatigiit­tuar­nis­sap pingaaruteqar­nera erseq­qis­sarlugu allap­poq: “Qatan­ngutit naak­kiuteq­qunagu neqitun­ngik­kuit, viin­nisun­ngik­kuit naak­kius­sutigisin­naasaanil­luun­niit iliuuseqan­ngik­kuit ajun­ngin­neruvoq.” (Romamiut 14:19-21 atuakkit). Paulusip taamaalil­luni isumaqatigiin­ngis­sutit inun­nut ataasiak­kaanut ilagiin­nullu tamanut qanoq ajoqutaatigisar­neran­nik uppeqatini paasin­nin­nis­saan­nut ikior­pai. Aamma allat naak­kiutsik­kusun­nagit pis­suserisani allan­ngor­tik­kusup­pai. (Kor 1. 9:19-22) Uagut­taaq nam­mineq aalajangigas­sanut tun­ngatil­lugu assor­tuut­tan­ngin­nitsigut allat ineriar­tor­til­lugillu eqqis­seqatigisin­naavagut.

8. Pingaarutilik ilagiinni eqqis­siun­naar­titseq­qajaalermat Paulusi qanoq iliorpa?

⁸ Pingaarutil­lit pil­lugit isumaqatigiin­ngitsunik eqqis­seqateqar­nermut tun­ngatil­lugu Paulusi maligas­saal­luar­poq. Assersuutigalugu kristumiut siul­liit ilaat immaqa juutinit isor­nar­torsior­neqarumanatik oqar­put juutiun­ngitsut kristumiun­ngorsimasut kipineqar­tariaqar­tut. (Gal 6:12) Paulusip isumaqatigin­ngil­luin­nar­pai, isumanili aalajangiusimaniaan­nar­nagu maniguul­luni sulias­saq Jerusalem­mimi apustilinut utoq­qaaner­tanullu sulias­san­ngor­tip­paa. (ApS 15:1, 2) Taamaalil­luni kristumiut ilagiin­niit­tut nuan­naar­tuaq­qul­lugit eqqis­seqatigiit­tuaq­qul­lugillu ikior­pai. – ApS 15:30, 31.

9. Paulusi qanoq ilaarsin­naavar­put?

⁹ Anner­tuumik isumaqatigiin­ngis­suteqar­toqaler­pat Jehovap ilagiin­nik isumas­suisun­ngor­titaanit siulersor­neqar­nik­kut eqqis­seqateqar­niar­tuarsin­naavugut. Amerlaner­tigut ilitsersuutit Biibilimik tun­ngavil­lit atuagas­siaatitsinni atuar­neqarsin­naal­lutillu peqatigiis­sor­tatsin­nit pis­sarsiarineqarsin­naasar­put. Isumar­put aalajangiusimaan­nar­nagu ilitsersuutit  maleruar­tuarutsigit ilagiinni eqqis­seqatigiis­sitsiuas­saagut.

10. Paulusi ilagiit eqqis­seqatigiit­tuaq­qul­lugit aamma qanoq iliorpa?

¹⁰ Paulusi qatan­ngutimi pis­susiisa nuan­nin­ngitsut pin­nagit nuan­nersut eqqaasar­nerisigut eqqis­seqatigiis­sitsiuar­poq. Assersuutigalugu Romamiunut allak­kami naggataatungaani inuit amerlasuut atiisigut taavai amerlaner­tigullu nuan­nersumik allaatigilaar­tarlugit. Qatan­ngutitta pis­susii nuan­nersut eqqaakulasar­nerisigut Paulusi ilaarsin­naavar­put. Taamaalil­luta ilagiin­niit­tut ikin­ngutigiil­luar­nerulersit­tarlugillu asaqatigiin­nerulersit­tas­savagut.

11. Isumaqatigiin­ngis­suteqar­nermi qanoq eqqis­seqatigeeq­qilersin­naavugut?

¹¹ Ilaan­nik­kut allaat kristumiut inersimal­luar­tut isumaqatigiin­ngil­lutil­luun­niit assor­tuut­tarsin­naap­put. Paulusimut ikin­ngutigil­luagaanullu Bar­nabamut taama pisoqar­poq. Mak­korsi oqaluus­siar­torlutik angalanis­saminni ilaaq­qis­sanersoq assut isumaqatigiin­ngis­sutigaat. “Assor­tuutileramik kamaal­lutik avis­saar­put.” (ApS 15:37-39) Paulusilli, Bar­nabap Mak­korsillu ilagiinni eqqis­seqatigiin­neq ataasioqatigiin­nerlu pingaar­tik­kamik­kit eqqis­seqatigeeq­qiler­put. Paulusip kingusin­nerusuk­kut Bar­naba Mak­korsilu ajun­ngitsumik eqqar­tor­pai. (Kor 1. 9:6; Kol 4:10, 11) Uagut­taaq allallu isumaqatigiin­ngis­sutigut aaq­qin­niariarlugit qatan­ngutitta pis­susii nuan­nersut isiginiar­nerusariaqar­pagut. Taamaalil­luta eqqis­seqateqar­niar­tuarlutalu ataasioqateqar­tuar­nias­saagut. – Ef 4:3.

12. Qatan­ngutitta unam­miniar­tagaasa ilaat suup­pat?

¹² Qatan­ngutigut Jehovamut upper­nerulersik­kaangatsigit ineriar­tor­tit­tar­pagut. Ilaat ilaqut­tamin­nit upper­tuun­ngitsunit, suleqatimin­nit atuaqatimin­nil­luun­niit illaruaatigineqar­tar­put. Allat peq­qiil­liorlutil­luun­niit ajual­latsin­neqarsimanermin­nik qaangiiniar­tar­put. Allallu ukior­pas­suarni Nalunaajaasuusimagamik pis­sutsit ajor­tut naggatis­saat sivisuumik utaq­qisimavaat. Tamakku upper­nik­kut misilin­neqaataasin­naap­put. Kristumiut siul­liit assingusunik unam­miniagaqar­tar­put. Paulusi qatan­ngutit nakus­satsik­kumal­lugit qanoq iliorpa?

13. Paulusip upperisar­tik pil­lugu illaruaatigineqar­tut qanoq ikior­pai?

¹³ Paulusip Allakkat Illernartut atorlugit qatan­ngutini ineriartortit­tarpai. Assersuutigalugu kristumiut juutiusut ilaqut­tatik uppin­ngitsut juutius­sutsimik kristumiuus­sutsimit pingaar­neruneraasut qanoq akis­sal­lugit nalor­nis­sutigisimas­savaat. Kristumiut taak­kua Paulusimit hebræerinut allak­kat nakus­satsis­sutigingaarsimas­savaat. (Hebr 1:5, 6; 2:2, 3; 9:24, 25) Paulusip tun­ngavilersuutai pitsaal­luin­nar­tut isor­nar­torsiuisut oqaasis­saarutsin­nis­saan­nut atorsimas­savaat. Uagut­taaq uppeqatigut illaruaatigineqar­tut Biibililersaarutit atorlugit qularin­ngisamin­nik nas­suiaanis­saan­nut ikiorsin­naavagut. Inuusut­tuaraatisi pin­ngor­titsisoqar­neranik upperin­nin­ner­tik pil­lugu illaruaatigineqar­tut nit­tar­tak­katsinni allaaserisaq Pinngortitsineq imaluunniit pinngoriartuaarneq? – Immikkoortoq 1: Sooq Guuti upperineqassava? atorlugu upperisamin­nik nas­suiaanis­samut paasis­sutis­sanik ujar­tuineranni ikiorsin­naavatit.

14. Paulusi oqaluus­sinermik ilin­niar­titsinermillu ulap­puteqaraluarluni qanoq iliorpa?

¹⁴ Paulusip qatan­ngutini asan­nit­tuliornik­kut ‘ajun­ngitsulioq­qullugit’ kajumis­saarpai. (Hebr 10:24) Qatan­ngutini oqaatsitigut iliuutsitigullu ikior­pai. Assersuutigalugu  Judiiami kaan­nersuaqalermat uppeqatini ikiuiniar­nermi atugas­sanik nas­sip­pai. (ApS 11:27-30) Paulusi oqaluus­sinermik ilin­niar­titsinermillu ulap­puteqaraluarluni pigisatigut pisariaqar­titsisut ikior­nis­saan­nut periarfis­sarsior­tuar­poq. (Gal 2:10) Taamaalil­luni uppeqatini Jehovamit isumas­sor­neqarumaar­nermin­nik tatigin­nin­nerat nakus­satsip­paa. Uagut­taaq ajunaar­nersuaqar­nerani ikiuuk­kumal­luta pif­fis­sar­put, nukigut pigin­naasagullu atoraangatsigit qatan­ngutitta upper­nerat ineriar­tor­tit­tar­par­put. Aamma nunarsuaq tamak­kerlugu sulinermut aningaasanik tunis­suteqar­nik­kut taamaalior­tar­pugut. Taamaalior­nik­kut qatan­ngutigut Jehovamit immineer­neqan­ngin­nis­samik tatigin­neq­qul­lugit ikior­tar­pagut.

15-16. Upper­nik­kut san­ngiil­lisimasut qanoq pisas­savagut?

¹⁵ Paulusip uppernik­kut san­ngiillisimasut ikiortuarpai. Misigin­neqatigalugillu qiim­maal­lan­nar­tumik oqaluut­tar­pai. (Hebr 6:9; 10:39) Assersuutigalugu hebræerinut allak­kamini siun­nersuutit aamma nam­mineq maleruar­tariaqarlugit ersersin­niarlugu imminut ilan­ngutikulasar­poq. (Hebr 2:1, 3) Paulusi ilaarlugu upper­nik­kut san­ngiil­lisimasut ikior­tuarusup­pagut. Ilumoorluta soqutiginerisigut ineriar­tor­tit­tar­pagut. Taamaalil­luta asal­lugit upper­narsar­tar­par­put. Asan­nit­tumik saamasumillu oqalun­ner­put oqaatiginiak­katsitulli ineriar­tor­titsisin­naavoq.

¹⁶ Paulusip qatan­ngutini ajun­ngitsuliaasa Jehovamit puior­neqarsiman­ngin­neran­nik eqqaasip­pai. (Hebr 10:32-34) Uagut­taaq uppeqater­put upper­nik­kut san­ngiil­lisimasoq ikioraangatsigu taamaaliorsin­naavugut. Aperisin­naavar­put ilumoor­toq malil­lugu qanoq inuulersimanersoq kajumis­saarluguluun­niit Jehovamit tapersersor­neqarsimanerminik  eqqarsaatigin­neq­qul­lugu. Eqqaasis­sin­naavar­put asan­nit­tulior­neri Jehovamit puior­neqan­ngitsut siunis­samilu immineer­neqar­navian­ngitsoq. (Hebr 6:10; 13:5, 6) Tamanna pis­sutigalugu kif­far­tor­tuar­nis­sar­tik aalajangiusimalersin­naavaat.

17. Sutigut pik­korin­nerulersin­naavugut?

¹⁷ Sanasup pif­fis­sap ingerlanerani pik­koris­siar­tor­tar­neratut uagut­taaq ineriar­tor­teqatigiin­nermut tun­ngatil­lugu pik­korin­nerulersin­naavugut. Itsaq piner­tusaar­tut eqqar­tor­tar­nerisigut allat misilin­neqar­nermi piner­tusaaq­qul­lugit ikiorsin­naavagut. Uppeqatitta pis­susiisa nuan­nersut eqqaanerisigut, eqqis­sinermut akor­nutaasin­naasumik iliuuseqan­ngin­nik­kut isumaqatigiin­ngis­sutillu aaq­qin­nerisigut eqqis­seqatigiin­nerulersitsisin­naavugut. Biibilimi ilumoor­tut pingaarutil­lit eqqar­tor­tar­nerisigut, ikiuisar­nik­kut anersaak­kullu san­ngiil­lisimasunik tapersersuinik­kut qatan­ngutitta upper­nerat ineriar­tor­tit­tuarsin­naavar­put.

18. Sunis­sat aalajangiusimaviuk?

¹⁸ Ataatsimiit­tarfin­nik sanaar­toqataasar­tut nuan­naarlutillu nalerisimaar­tar­put. Ilagiinni anersaakkut sanaar­toqataanitsigut nuan­naarlutalu nalerisimaarsin­naavugut. Illut aserfal­lat­tar­put, suliat­tali iner­neri atajuas­sap­put! Qanor­toq ‘qiim­mas­saqatigiit­tuar­nis­sar­put ineriar­tor­teqatigiit­tuar­nis­sar­pul­lu’ aalajangiusimajuarisigu. – Tes 1. 5:11.