1. Juuserfi qanoq usser­neqarpa, qanorlu qisuariarpa?

 JAAKUP ernera Juuserfi usser­neqar­poq. Naalagaata Potifarip nuliata oqarfigaa: “Innaatin­nga!” Juuserfip itigar­tip­paa. Immaqa ilaat eqqarsar­put: ‘Sooq Juuserfi nak­kaan­nan­ngila?’ Potifari peqan­ngilaq. Aamma Juuserfip inus­siaasup arnaq itigar­tik­kuniuk inuunera ajor­nerulersin­naavoq. Juuserfilli arnaq kimigiiser­toq itigar­tit­tuar­paa. Sooq? Ima oqar­poq: “Qanoq taama kan­ngunar­tigisumik ilius­saanga Guutimut ajor­tuliorlunga?” – Mos 1. 39:7-12.

2. Juuserfip qanoq nalun­ngilaa allasior­neq Guutimut ajor­tulior­nerusoq?

² Juuserfip qanoq nalun­ngilaa Guutip allasior­neq ‘kan­ngunarluin­nar­tutut’ isigigaa? Aatsaat ukiut 200-t qaangiutereermata Moorsisip inatsisai ima ersaris­sumik inas­sutital­lit tun­niun­neqar­put: “Allasius­san­ngilatit.” (Mos 2. 20:14) Juuserfilli Jehova ilisarisimal­luaramiuk nalun­ngilaa atoqatigiin­nik­kut eqqun­ngitsulior­neq pil­lugu qanoq misigisoq. Assersuutigalugu Juuserfip nalusimas­san­ngilaa Jehovap angut ataaseq arnarlu ataaseq kisiisa aap­pariis­sin­naatik­kai. Aamma tusarsimas­savaa pisuni marlunni aanaq­qiimi Saarap kan­ngunarsar­neqar­nis­samik navianar­torsior­nerani Jehovap ataq­qinas­susia illersoraa. Guutip aamma Iisaap nulia Rebekka illersor­niarlugu assingusumik akuliup­poq. (Mos 1. 2:24; 12:14-20; 20:2-7; 26:6-11) Juuserfip tamakku eqqarsaatigisaramigit Guutip eqqor­tutut eqqun­ngitsutullu isigisai immik­koor­tis­sin­naaler­pai. Juuserfip Guuti asagamiuk Jehovap najoq­qutas­siai naaper­tuil­luar­tut nuan­naringaarlugillu maleruar­nis­saat aalajangiusimavaa.

3. Suut eqqar­tus­savagut?

 ³ Eqqor­tulior­neq nuan­naringaar­piuk? Ilimanar­poq. Naam­mal­luin­nan­ngitsuugat­tali mianersun­ngik­kutta inoqatitta eqqor­tulior­nermut isigin­nit­taasian­nit sun­ner­neqarsin­naavugut. (Es 5:20; Rom 12:2) Taamaat­tumik naaper­tuil­luar­neq qanoq paasisariaqar­nersoq eqqor­tulior­nermillu nuan­narin­nin­neq qanoq iluaqutigisarip­put eqqar­tus­savar­put. Aamma Jehovap najoq­qutas­siaasa nuan­narineruler­nis­saan­nut iliuuserisin­naasagut pingasut eqqar­tus­savagut.

4. Nalitsinni inup­pas­suit qanoq ittuup­pat?

⁴ Jiisusip nalaani upperisarsior­nik­kut siulersor­taasut eqqor­tuliorsorip­put. Nam­min­nerli eqqor­tuusorisatik malil­lugit allanik isor­nar­torsiuisarmata sak­kor­tuumik avoq­qaarai. (Oqal 7:16; Luk 16:15) Aamma nalitsinni inup­pas­suit taamaap­put. Eqqor­tuliorsoralutillu allanik isor­nar­torsiuisar­put. Amerlaner­tigut makitasuujusarlutillu allanit pitsaanerusorisar­put. Guutilli pis­susipalaat taakku eqqor­tulior­nermut tun­ngan­ngil­luin­nar­tut iluarin­ngilai.

5. Biibili naaper­torlugu naaper­tuil­luar­neq qanoq paasisariaqarpa? Assersuuteqarit.

⁵ Naaper­tuil­luar­neq pis­susiuvoq nuan­nersoq. Naatsumik oqaatigalugu tas­saavoq Jehovap Guutip iluarisaatut eqqor­tulior­neq. Biibilimi oqaatsit naaper­tuil­luas­sutsimut ator­neqar­tut najoq­qutas­siat qutsin­ner­paat – Jehovap najoq­qutas­siai – malil­lugit inuunermut tun­ngasar­put. Assersuutigalugu Jehova peq­qusivoq niuer­tut uut­tuutit ator­tagaat ‘eqqorluarsagaas­sasut’. (Mos 5. 25:15) Taamaat­tumik kristumiu Guutip isaani naaper­tuil­luar­toorusut­toq niuer­nermi sutigut tamatigut unneq­qaril­luin­nar­tariaqariaqar­poq. Eqqor­tulior­nermik nuan­narin­ningaar­tup allap eqqun­ngitsumik pineqar­nera nuan­narineq ajor­paa. Ilumoorluni eqqor­tuliorusut­tup Jehovap ‘iluaril­luin­nagaatut inuujumal­luni’ aalajangius­sani qanoq isumaqarfiginerai eqqarsaatigisariaqar­paa. – Kol 1:10.

6. Sooq Jehovap suup eqqor­tuuneranik eqqun­ngitsuuneranillu najoq­qutas­siai tutsuigisin­naavagut? (Esaja 55:8, 9)

⁶ Biibilimi Jehova naaper­tuil­luas­sutsip pilerfiatut allaatigineqar­poq. Tamanna pis­sutigalugu naaper­tuil­luas­sutsip ‘inigisaanik’ taaneqar­poq. (Jer 50:7, tastamantitoĸaĸ) Jehova Pin­ngor­titsisuugami suup eqqor­tuuneranik eqqun­ngitsuuneranillu kisimi najoq­qutas­siorsin­naatitaavoq. Ajor­tiliul­lutalu naam­mal­luin­nan­ngitsuugatta suup eqqor­tuunera eqqun­ngitsuuneralu ilisimasin­naan­ngilagut. Jehovalli naam­mal­luin­nar­tuugami suup eqqor­tuunera eqqun­ngitsuuneralu ilisimal­luaq­qis­saar­pai. (Uss 14:12; Esaja 55:8, 9 atuakkit). Guutili assilil­lugu pin­ngor­titaagatta najoq­qutas­siaanik naaper­tuil­luar­tunik maleruaasin­naavugut. (Mos 1. 1:27) Eqqor­tulior­nerlu nuan­naringaar­par­put. Ataatar­put asagatsigu sapin­ngisamik ilaar­niar­tar­par­put. – Ef 5:1.

7. Sooq tutsuiginar­tunik najoq­qutas­siaqar­nis­sar­put pisariaqar­tip­par­put? Assersuuteqarit.

⁷ Jehovap eqqor­tut eqqun­ngitsullu pil­lugit najoq­qutas­siaasa maleruar­nerat iluaqutigisar­par­put. Nalun­ngiliuk sooq? Takorlooruk sanasut uut­tuutinut tamarmik immik­kut najoq­qutas­siaqar­tuup­pata qanoq pisoqas­sanersoq. Suut tamarmik paatsiveerutis­sap­put. Aamma nakorsaariaaseq pil­lugu aalajangersimasumik maleruagas­saqan­ngitsuup­pat nap­parsimasut ilaat inuunermin­nik navianar­torsior­titsis­sap­put. Tutsuiginar­tunik najoq­qutas­siaqar­neq illersuutaavoq. Taamatut­taaq Guutip eqqor­tut eqqun­ngitsullu pil­lugit najoq­qutas­siai illersuutigaagut.

8. Eqqor­tulior­nermik nuan­narin­ningaar­tut qanoq akis­sarsisin­neqas­sap­pat?

 ⁸ Jehovap najoq­qutas­siaminik maleruaaniar­tut akis­sarsisit­tar­pai. Ima neriorsuivoq: “Iluar­tut nuna kingor­nutis­savaat najugaqas­sal­lutillu tas­sani naas­saan­ngitsumik.” (Tuss 37:29) Inuit tamarmik Jehovap najoq­qutas­siaanik maleruaalerunik qanoq ataasioqatigiitsigis­sasut, eqqis­seqatigiitsigis­sasut nuan­naar­tigis­sasullu takorloorsin­naaviuk? Jehovap taama inuuneqar­nis­sat kis­saatigaa. Aap, tamatta eqqor­tulior­nermik nuan­narin­ningaar­nis­samut pis­sutis­saqarluar­pugut! Pis­suseq taanna qanoq nuan­narinerulersin­naavar­put? Iliuuserisin­naasagut pingasut sam­meriar­tigit.

9. Eqqor­tulior­nerup nuan­narinis­saanut suna iluaqutigis­savar­put?

⁹ Iliuuserisassaq 1: Najoq­qutas­siortoq asajuk. Eqqor­tulior­neq nuan­nariumal­lugu Jehova eqqor­tut eqqun­ngitsullu pil­lugit najoq­qutas­sior­toq asasariaqar­par­put. Asanerujar­tor­til­lugu najoq­qutas­siai naaper­tuil­luar­tut malil­lugit inoorusun­nerulis­saagut. Assersuutigalugu Adamip Evallu Jehova asasimasuugunikku taas­suma inatsisaa unioq­qutis­simanavian­ngik­kaluar­paat. – Mos 1. 3:1-6, 16-19.

10. Aaperaap Jehova qanoq ilisarisimaneruler­niar­tuar­paa?

¹⁰ Adamitut Evatullu kuk­korusun­ngilagut. Jehova pil­lugu ilin­niar­tuarutta, pis­susii nuan­nersut qujamasuutigigutsigit eqqarsar­taasialu paasiniar­tuarutsigu taak­kunatut kuk­kunavian­ngilagut. Tamakku iliuuseriuarutsigit Jehova asanerulis­savar­put. Aaperaat eqqarsaatigiuk. Jehova asangaar­paa. Jehovap aalajangius­sai paasiuminaatsik­kaluarlugit Aaperaat pikitsitsin­ngilaq. Jehovali ilisarisimaneruler­niar­tuar­paa. Assersuutigalugu Jehovap ‘nunarsuarmik tamarmik eqqar­tuus­sisuusup’ Soodoma Gomooralu suujun­naarsin­niarai Aaperaap paasigamiuk naaper­tuil­luar­tut inun­nut ajor­tunut ilan­ngul­lugit nungutin­neqar­nis­saat aal­laq­qaam­mut ernumas­sutigaa. Aaperaap tamanna eqqor­tuusorin­ngin­namiuk maniguul­luni Jehova apereqat­taar­paa. Jehovallu naam­magit­tarluni akisar­paa. Naggataatigut Aaperaap paasivaa Jehovap inuit uum­mataat tamaasa immik­kut misis­sor­tarai pisuus­suteqan­ngitsullu pisuusunut ilan­ngul­lugit pil­lan­ngisaan­narai. – Mos 1. 18:20-32.

11. Aaperaap Jehova asal­lugulu tatigalugu qanoq ersersip­paa?

¹¹ Aaperaap illoqarfiit Soodoma Gomooralu pil­lugit Jehovamik oqaloqateqar­nini kil­lin­neqaatigingaar­paa. Ilimanar­poq Ataatani asanerulerlugulu ataq­qinerulersimas­sagaa. Ukior­pas­suit tamatuma kingorna Aaperaap Jehovamik tatigin­nin­nera misilin­neqangaar­poq. Jehovap peq­quaa ernerminik asasaminik Iisaamik pil­liuteqaq­qul­lugu. Aaperaalli Guuti ilisarisimal­luar­nerugamiuk maanna apeq­qutis­saqarfigin­ngilaa. Peq­quneqar­nermisulli ilior­niarluni piareersaler­poq. Taman­nali qamuuna anniaatigingaarsimas­savaa! Jehova pil­lugu ilin­niarsimasani eqqarsaatigeq­qis­saarsimas­savai. Nalun­ngilaa eqqun­ngitsumik naak­kit­taatsumillu ilior­navian­ngitsoq. Apustili Paulusi naaper­torlugu Aaperaap nalun­ngilaa ernini asangaak­kani Jehovap toqusunit makitis­sin­naagaa. (Hebr 11:17-19) Jehovami neriorsuisimavoq Iisaaq inuias­suar­nut ataatan­ngorumaar­toq, taamanilu Iisaaq suli meerar­taarsiman­ngilaq. Aaperaap Jehova asagamiuk eqqor­tulius­sasoq tatigaa. Saper­naraluar­toq upperluni naalap­poq. – Mos 1. 22:1-12.

12. Aaperaat qanoq ilaarsin­naavar­put? (Tus­siaat 73:28)

 ¹² Aaperaat qanoq ilaarsin­naavar­put? Jehova pil­lugu ilin­niar­tuar­nik­kut. Taamaaliorutta qanin­nerulis­sal­lugulu asanerulis­savar­put. (Tussiaat 73:28 atuaruk). Nalun­ngeqatigin­nis­suter­put Guutip eqqarsar­taasianik ersersitsinis­samut sungiusar­neqas­saaq. (Hebr 5:14) Tamatuma kingunerisaanik eqqun­ngitsumik ilioq­qul­luta ussiisut itigar­tis­sin­naas­savagut. Ataatatsin­nik ajual­latsitsisin­naasumik taas­sumun­ngalu attaveqar­nitsin­nik ajoqusiisin­naasumik iliorusun­ngil­luin­nas­saagut. Eqqor­tulior­nermik nuan­narin­ningaar­ner­put aamma qanoq ersersis­sin­naavar­put?

13. Naaper­tuil­luar­neq qanoq noq­qaas­sutigisin­naavar­put? (Ussatit 15:9)

¹³ Iliuuserisassat 2: Eqqortuliornissat ullut tamaasa nuan­narilerniartuaruk. Soorlu nuk­kas­sarumal­luta ullut tamaasa tamaviaarluta sungiusar­tariaqar­tugut, taamatut­taaq Jehovap naaper­tuil­luar­neq pil­lugu najoq­qutas­siai nuan­narinerulerumal­lugit ullut tamaasa tamaviaar­tariaqar­pugut. Jehovap sapik­katsin­nik piumasaqarfigin­ngisaan­nar­paatigut. (Tuss 103:14) Oqar­poq “iluar­nermik noq­qaas­sutigin­nit­toq” asal­lugu. (Ussatit 15:9 atuaruk). Jehovamut kif­far­tor­nermi anguniagar­put aalajangersimasoq tamaviaarluta anguniar­tar­par­put. Eqqor­tuliorusun­nermut tun­ngatil­lugu aamma taamaap­poq. Jehovap naam­magit­tarluni siumukar­tis­savaatigut, pis­satsik­kiar­tuaar­tis­savaatigut. – Tuss 84:6, 8.

14. ‘Naaper­tuil­luar­neq sakis­sak­kut saat­tuaasatut’ ittoq suua, aamma sooq pisariaqar­tip­par­put?

¹⁴ Eqqor­tulior­nerup naner­tuutaan­ngin­neranik Jehovap asan­nil­luni eqqaasit­tar­paatigut. (Joh 1. 5:3) Aap, illersuutaavoq ullut tamaasa pisariaqar­tit­tagar­put. Sak­kutuup atisai sak­kuilu Guutimeersut apustilip Paulusip eqqar­tugai eqqaamak­kit. (Ef 6:14-18) Sorleq sak­kutuup uum­mataanut illersuutaava? ‘Naaper­tuil­luar­neq sakis­sak­kut saat­tuaasatut’ ittoq, tassa Jehovap eqqor­tut pil­lugit najoq­qutas­siaanut assersuutaasoq. Sakis­sak­kut saat­tuaasaq uum­mam­mut illersuutaasar­neratut Jehovap eqqor­tut pil­lugit najoq­qutas­siai uum­matitsin­nut assersuutaasumut, qamuuna inut­tut qanoq ittuunitsin­nut, illersuutaasar­put. Taamaat­tumik  naaper­tuil­luar­nerup sakis­sak­kut saat­tuaasatut ittup ator­nis­saa qulak­keer­tariaqar­par­put. – Uss 4:23.

15. Naaper­tuil­luar­neq sakis­sak­kut saat­tuaasatut ittoq qanoq atisin­naaviuk?

¹⁵ Naaper­tuil­luar­neq sakis­sak­kut saat­tuaasatut ittoq qanoq atisin­naaviuk? Ulluin­narni aalajangigas­saqar­til­lutit Guutip najoq­qutas­siaasa eqqarsaatigisar­nerisigut. Suut eqqar­tor­niar­nerlugit, nipilersuutit suut tusar­naar­niar­nerlugit, suut aliik­kutariniar­nerlugit atuagarluun­niit suna atuar­niar­nerlugu aalajanger­nialeraangavit imminut ima apereq­qaar­tarit: ‘Uum­matiga sunik immer­niar­para? Sam­miniak­kakka Jehovamit iluarineqar­pat? Imaluun­niit atoqatigiin­nik­kut eqqun­ngitsulior­neq, nakuuser­neq, piumatuneq nam­minis­sarsior­nerlu – Jehovap eqqun­ngitsutut isigisai – sam­mineqar­pat?’ (Flp 4:8) Jehovap piumasaanut naaper­tuut­tumik aalajangiiguit najoq­qutas­siai naaper­tuil­luar­tut uum­matin­nut illersuutigis­savatit.

16-17. Jehovap najoq­qutas­siaanik maleruaajuarsin­naanitsin­nik Esaja 48:18-imi qanoq neriorsor­neqar­pugut?

¹⁶ Jehovap najoq­qutas­siai naaper­tuil­luar­tut malil­lugit ullut tamaasa, ukiut tamaasa, inuusin­naanerlutit ernumas­sutigisar­piuk? Esaja 48:18-imi Jehovap assersuusiaa eqqarsaatigiuk. (Atuaruk). Jehovap neriorsor­paatigut naaper­tuil­luas­suser­put “immap malingisut” issasoq. Takorlooruk immap isorar­tuup malii qaarar­tuar­tut sis­samiit isigin­naarlugit. Tas­sani eqqis­sisimatil­lutit mal­lerun­naar­nis­saa ernumas­sutigis­saviuk? Soorunami naamik. Mal­lit ukiuni tuusintilinni sis­samut qaarar­tarsimam­mata qaarar­tuarumaar­tut nalun­ngilat.

¹⁷ Naaper­tuil­luas­sutsit immap malingisut issin­naavoq! Qanoq? Aalajangigas­saqaraangavit Jehovap qanoq piumasaqarfigineraatit eqqarsaatigeq­qaar­taruk. Iluarisaatullu ilior­tarit. Aalajangigas­sat qanorluun­niit saper­nar­tigigaluar­pat Ataatavit asan­nit­tup najoq­qutas­siaminik naaper­tuil­luar­tunik ullut tamaasa maleruaaq­qul­lutit ikior­tuas­sal­lutillu nakus­satsit­tuas­savaatit. – Es 40:29-31.

18. Sooq eqqor­tuusorisagut tun­ngavigalugit allat eqqar­tuutis­san­ngilagut?

¹⁸ Iliuuserisassat 3: Jehova eqqartuus­sisuutiguk. Tamaviaarluta Jehovap najoq­qutas­siaanik naaper­tuil­luar­tunik maleruaaniar­nitsinni allat isor­nar­torsior­naveersaarlugillu allanit pitsaanerusorinaveersaas­saagut. Eqqarsas­san­ngilagut allat nam­mineq eqqor­tuusorisagut tun­ngavigalugit eqqar­tuus­sin­naal­lugit, eqqaamasariaqar­par­pulli Jehova “nunarsuarmik tamarmik eqqar­tuus­sisuusoq”. (Mos 1. 18:25) Jehovap eqqar­tuus­sinis­samik sulias­sin­ngilaatigut. Jiisusip inap­paatigut: “Isor­nar­torsior­neqaq­qunasi isor­nar­torsiuis­saaritsi.” – Mat 7:1. *

19. Juuserfip qanoq takutip­paa Jehova tatigalugu?

¹⁹ Juuserfi naaper­tuil­luar­toq eqqar­toq­qilaariar­tigu. Allaat ajor­tumik pin­nitsini eqqar­tuun­naveersaar­pai. Qatan­ngutaasa saas­sup­paat, inus­siatut tunivaat Juuserfillu toqusimaneranik ataatar­tik qularun­naarsil­lugu. Ukior­pas­suit tamatuma kingorna Juuserfip ilaqut­tani takoq­qip­pai. Juuserfi naalagaaf­fimmi pis­sarsuar­tut naalak­kersuisuugami qatan­ngutini peq­qar­niitsumik eqqar­tuus­sin­naagaluarlugillu pil­larsin­naagaluar­pai. Qatan­ngutaasa ilumoorlutik peq­qis­simisut Juuserfip taamaalior­nis­saa siooragaat. Juuserfilli  oqarfigai: “Siooraqinasi. Uanga Guutiusoraasinga?” (Mos 1. 37:18-20, 27, 28, 31-35; 50:15-21) Juuserfip maniguuk­kami nalun­ngilaa Jehova kisimi eqqar­tuus­sisin­naatitaasoq.

20-21. Qanoq allanit pitsaanerusorinaveersaarsin­naavugut?

²⁰ Uagut­taaq Juuserfitut nalun­ngilar­put Jehova kisimi eqqar­tuus­sisin­naatitaasoq. Assersuutigalugu eqqarsar­neq ajor­pugut qatan­ngutitta iliuuseqar­nermin­nut pis­sutiginiagaat nalunagit. Inuit uum­mam­miui takusin­naan­ngilagut, Jehova kisimi taamaaliorsin­naavoq. (Uss 16:2) Jehovap inuit tamalaat assigiin­ngitsunik tunuliaqutal­lit kulturil­lillu asavai. Kajumis­saar­paatigullu ‘uum­mater­put tamaat ammaq­qul­lugu’. (Kor 2. 6:13) Anersaak­kut ilaqut­tagut isor­nar­torsior­nagit tamaasa asajuarusup­pagut.

²¹ Aamma ilagiit avataan­niit­tut isor­nar­torsior­tus­saan­ngilagut. (Tim 1. 2:3, 4) Ilaqut­tat uppeqatigin­ngisat ima isor­nar­torsiorusus­saviuk: “Ilumoor­toq malil­lugu inuuler­navian­ngilaq”? Naamik, taamaalioruit siumut isum­mius­sereerlutillu allanit pitsaanerusoris­saatit. Jehovap “inuit sumiik­kaluar­tul­luun­niit tamaasa” peq­qis­siminis­samut suli periarfis­saqar­tip­pai. (ApS 17:30) Puiun­ngisaan­nas­savat allanit pitsaanerusorisoq naapertuilluan­ngitsuusoq.

22. Sooq eqqor­tulior­nerup nuan­nariuar­nis­saa aalajangiusimaviuk?

²² Jehovap eqqor­tut pil­lugit najoq­qutas­siai nuan­naalis­sutigisarlugillu allat uagutsin­nut Guutimullu qanil­leq­qul­lugit maligas­saal­luar­nis­samut iluaqutigisar­pagut. Qanor­toq ‘eqqor­tulior­nis­samik qaman­nga pisumik kis­saateqar­tuarisa’. (Mat 5:6) Nalus­san­ngilat Jehovap iliuutsitit maluginiar­tarlugillu siumukar­nerit iluariuaraa. Naaper­tuil­luan­ngitsut ajorsiar­tuin­naraluar­tut isumal­luarit! Eqqaamajuaruk Jehovap naaper­tuil­luar­tut asagai. – Tuss 146:8.